العودة   مصر موتورز مجتمع السيارات > منتديات السيارات العامة > منتدى السيارات العام

منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم


إضافة رد
 
أدوات الموضوع
  #1  
قديم 17-02-2015, 10:39 PM
الصورة الرمزية مصطفى-حسن
مصطفى-حسن مصطفى-حسن غير متواجد حالياً
التخصص العملى: صاحب محل
هواياتي: غطس حر
 
تاريخ التسجيل: Apr 2013
الموقع: العاشر من رمضان
المشاركات: 247
مصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant futureمصطفى-حسن has a brilliant future
افتراضي طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور



السلام عليكم ورحمة الله وبركاتة

اكيد كل واحد مننا راكب عربية اتعرض لمشاكل بسبب الحارة الميتة او الحارة العمياء ايا كانت مسمياتها

والحارة دى المقصود بيها المنطقة اللى انت مبتعرفش تشوفها فى مرايات الجنب سواء اليمين او الشمال وراك وانت ماشى

بمعنى ابسط لو افترضنا ان انت ماشى فى طريق 3 حارات وانت ماسك الشمال وعايز تروح اقصى اليمين لاى سبب فانت بتبص فى المراية اللى على يمينك فبتكشف لك جزء من الطريق
لكن مش كل الطريق

ولو فكرت تاخد نفسك خطف لاى سبب عشان تروح اقصى اليمين بتبقى خايف لتكون فية عربية فى المنطقة اللى انت مش شايفها وتخاف تخبط فيها

دى حالة

الحالة التانية لما تكون راكن موازى للرصيف وعايز تطلع فبتضطر تبص لورا او تميل بجسمك لقدام ناحية الدركسيون عشان تشوف فى اخر طرف المراية قبل ما تطلع

الحالة التالتة لما تكون طالع طريق سريع عالى او فى نفس المستوى زى الدائرى مثلا بتضطر وانت طالع انك تبص اكتر من مرة شمال وورا عشان تشوف اللى جاى

والصورة اللى جاية بتشرح وتوضح المقصود بالنقط العمياء او الحارة الميتة او الحارة العمياء




وبدات الناس تفكر فى حلول ولجأت لحل المراية الصغير اللى بتتلزق فى اقصى طرف المراية زى كدة مثلا كحل




وفية ناس لجات لحل تانى وهو المراية المتوسطة نسبيا لتركيبها فوق المراية الرئيسية كونها اكبر شوية




وانا واحد من الناس جربت الحلين دول

والواقع هما حلول ومش حلول لان كانت اكبر مشكلة بتقابلنى واكيد بتقابل اللى بيستخدمهم هيا الابعاد لان المرايتين دول لانهم مرايات محدبة فالمقاسات والابعاد فيهم مختلفة بشدة

يعنى العربية اللى بيتشوفها فى المراية بعيدة جدا ممكن تكون ورا العربية ب 3متر مثلا وبالتالى بالنسبة للى مش واخد عليهم بيلاقى المسافة بينة وبن العربية اللى ورا بعيدة فبينقل
نفسة من الحارة اللى هو فيها للحارة اللى قدام العربية اللى وراة على اعتبار انها بعييييييدة زى المراية ما موضحة

وهنا بتحصل الحوادث

او اضعف الايمان هتسمع كلاكس هستيرى وشتيمة من اللى جاى وراك

وهنا بدات افكر فى حل للمشكلة بتاعة الحارة الميتة او الزاوية الميتة ووصلت لحل نصة تقليدى ونصة افتكاسة من عندى

رحت اشتريت مرايتين بانوراما الواحدة ب 10ج ودة شكلها




وهيا بتركب عادى على مراية الصالون بتاعة العربية بمفك بمنتهى السهولة وهتلاقى سواقين كتير من بتوع التاكسى مركبينها لكن بيستخدموها عن طريق انهم يظبطوها فى المنتصف
بحيث انها تجيب يمين وشمال وورا

انا بقة عملت العكس

ثبتها بحيث انها يكون اولها من ناحيةالشمال شايف القايم الاخير اللى ورا السواق وبقيتها كلة جايب الحارة الميتة فى الناحية اليمين
زى كدة




وعشان تعرف الفرق اللى هيا بتعملة انا هقطع صورة المرايتين من الصورة اللى فاتت وهوضح لك الفرق

دى الصورة بتاعة المراية العادية بتاعة العربية




ودى الصورة بتاعة المراية البانوراما




عايزك بقة تدقق فى الصورتين وتطلع الفرق الرهيب فى تغطيةالمراية البانوراما


اولا هتلاحظ فى اقصى اليمين لمراية العربية راجل عجوز ورا منة طرف شجرة ودى اقصى حاجة مراية العربية ممكن تغطيها

لكن لوبصيت على المراية البانوراما هتشوف الراجل العجوز وهتشوف معرض سيارات فى اقصى اقصى اليمين

وعشان تبقى متخيل الفرق الرهيب فى تغطية المراية للحارة اللى بعد الحارة الميتة انا خدت لقطة خارجية للعربية وهيا واقفة فى نفس المكان وهتلاقينى معلم باللون الاحمر
عل المساحة اللى كاشفاها مراية العربية ومعلم باللون الازرق على المساحة اللى كاشفاها المراية البانوراما




وراجع الصور اللى عدت كلها وانت هتشوف الفرق الرهيب
ـــــــــــــــــــــــــ ـــــــ

كدة خلصت الجنب اليمين بالحل التقليدى اللى انا شرحتة

نييجى بقة للجنب الشمال اللى هو جنب السواق وهنا كانت الافتكاسة او الابتكار البسيط

جبت المراية البانوراما التانية وقطعت تلتها من على اليمن وتلتها من على الشمال بالالماظة بتاعة الزجاج والجسم البلاستيك قطعتة بصفيحة منشار حدادى

وبعدين ثبتها فوق المراية بتاعة العربية ودة كان شكلها





وعشان تعرف الفرق
هدخل جوة العربية
وهاخد صورة للمراية بعد التثبيت ودة شكلها





الصورة اللى جاية
صورة مقربة للمراية وتغطيتها




طبعا مش محتاجة شرح

انت بنظرة واحدة هتشوف الفرق الكبير جدا فى التغطية وكشف الحارة اللى بعد الحارة الميتة

ونزلت بردو وخدت صورة للعربية وهيا واقفة فى نفس المكان
وهتلاقينى معلم باللون الاحمر على المساحة اللى كاشفاها مراية العربية ومعلم باللون الازرق على المساحة اللى كاشفاها المراية البانوراما





الموضوع سهل جدا
وتكلفتة 20ج فقط
وممكن اى حد يعملة فى عربيتة
والفرق عن تجربة ممتاز جدا

ولو حد محتاج يستفسر عن اى تفاصيل انا حاضر
__________________

صفحتى على الفيس https://www.facebook.com/profile.php?id=1000015256 47162
رد مع اقتباس
  #2  
قديم 17-02-2015, 11:21 PM
الصورة الرمزية ميدو عمر ايمن
ميدو عمر ايمن ميدو عمر ايمن غير متواجد حالياً
من انا؟: ايمن انور عبد الحليم ((ابو ميدو وعمر ))
التخصص العملى: مدرس اول أ لغة انجيزية - مدرب محترف - Oracle- Java -Thinkquest - ICDL
هواياتي: التكنولوجيا - الكمبيوتر - السيارت
 
تاريخ التسجيل: Aug 2012
الموقع: سوهاج
المشاركات: 393
ميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond reputeميدو عمر ايمن has a reputation beyond repute
افتراضي رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

موضوع رائع من عضو رائع
بارك الله فيك
رد مع اقتباس
  #3  
قديم 18-02-2015, 12:17 AM
الصورة الرمزية نبيل عبدالرحمن
نبيل عبدالرحمن نبيل عبدالرحمن غير متواجد حالياً
مدير عام المنتدى
من انا؟: مهندس انشائى بالمعاش
التخصص العملى: خبير مدير عام مساعد بقطاع البترول سابقاً
هواياتي: رياضة التجديف وألعاب القوى ( أيام الشباب طبعاً )
 
تاريخ التسجيل: Oct 2009
الموقع: اسكندرية
المشاركات: 4,555
نبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond reputeنبيل عبدالرحمن has a reputation beyond repute
افتراضي رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

موضوعك هام جداً ونظراً لأهميته لسائر الأعضاء فقد تم تثبيته شكراً لك
__________________

م . نبيل عبد الرحمن
مصر موتورز
الإسكندرية
رد مع اقتباس
  #4  
قديم 18-02-2015, 12:18 AM
الصورة الرمزية Marlborooo
Marlborooo Marlborooo غير متواجد حالياً
من انا؟: Hassan
هواياتي: مش عارف
 
تاريخ التسجيل: Feb 2012
الموقع: مصر
المشاركات: 1,413
Marlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond reputeMarlborooo has a reputation beyond repute
افتراضي رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

موضوع حلو والفكرة الاخيرة بتاعتك جامدة بس مشكلتها ان اي عيل غتت هيكسرلك المرايا وممكن تتكسر بسهولة جدا من اي خبطة
المشكلة التانية مفتقدة المظهر الجمالي بصراحة
اعتقد الفكرة ممكن تتطور شوية عشان المظهر الجمالي
__________________


رد مع اقتباس
  #5  
قديم 18-02-2015, 12:45 AM
zing0 zing0 غير متواجد حالياً
هواياتي: Kung Fu - Reading
 
تاريخ التسجيل: Nov 2011
الموقع: القاهرة
المشاركات: 1,488
zing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond reputezing0 has a reputation beyond repute
افتراضي رد: طريقة مبتكرة لحل مشكلة الحارة العمياء لسيارتك بتكلفة 20ج ...بالشرح التفصيلى والصور

كلام زى الفل
لما أشتريت العربية كان المالك السابق مركب مراية بانوراما فوق المراية الأصلية , بس الإفتكاسه اللى أضفتها تمام التمام التمام أوى جداً خالص.

بس كنت عاوز أوضح حاجة برضو من واقع التعامل معاها و من واقع الصور
الأبعاد فى البانوراما أبعد من الواقع زيها زى المرايات الصغيرة اللى حضرتك ذكرتها فى أول الموضوع, علشان كده الإعتماد عليها فى كشف الطريق فقط و ليس فى تقدير الأبعاد. و المرايات الجانبية هيا الأساس فى تقدير المسافه بينك و بين اللى جنبك و اللى وراك, و لما تركن البانوراما مش هتساعدك فى ضبط المسافه بينك و بين اللى وراك.

بس الفكرة تستحق كل تقدير, و للأمام دائماً يا أستاذ مصطفى ,. نتمنى منك المزيد.
__________________

رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
طريقة زيادة كفاءة تكييف دايو لانوس بتكلفة 25 جنية فقط....بالشرح التفصيلى بالفيديو مصطفى-حسن ﻻنوس (دايو - شيفروليه) 2 03-06-2014 03:00 PM
طريقة اصلاح غالبية مشاكل كلاكس دايو لانوس بتكلفة 75 قرش .....بالشرح التفصيلى بالفيديو مصطفى-حسن ﻻنوس (دايو - شيفروليه) 20 05-05-2014 09:00 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 10:19 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017