فوائد و أضرار إضافة زيت الشنبر لزيت للمحرك؟... للخبراء فقط

[zing0]

السلام عليكم
أنا إتهريت بحث عن الموضوع ده فى كل المنتديات
و الحمد لله لاقيت كله بيفتى.

كلنا عارفين أنه زيت ثقيل بيقلل الإحتكاك و بيحافظ على الأجزاء الداخلية للمحرك, و بيتحط لما الموتور يخف و يطلع دخنة بيضاء بس و بيبقى مؤقت.

- على المنتدى الآخر(....موتورز) بيقولوا ده ما لوش لازمه
- الميكانيكية كلهم عندهم إجماع أنه مضر للموتور و بيدخله فى عمرة كامله مش طقم شنبر بس (طبعاً لأنه بيوقف مصالحهم فى الشغل)
- و هنا عندنا ناس نثق فى كلامهم ثقة عمياء و خرساء و عرجاء كمان, بيقولوا بنحطه بشكل دائم مع موبيل دلفاك 3 و الحياة حلوة.
و فيه منه مستورد أصلى و فيه مضروب.

طيب هل فعلاً ليه إضرار؟ وهل يمكن إستخدامه بشكل مستمر(وقايه) و لا لازم يكون المحرك خفيف؟

جزاكم الله خيراً

[sayif]

زيت الشنبر يضاف الى المحرك الخفيف على اساس يقلل حرق الزيت وهذا مثل الدواء المسكن لمريض السرطان


الحل يكون بعمل عمرة للمحرك او تغييرة


المحركات الحديثة تحتاج الى زيوت خفيفة بسبب انها مصنعة من سبائك معدنية خفيفة حتى يسهل عملة انتشار الزيت داخل المحرك وبالتالي تقليل الاحتاك والحرارة

لذا فقط الزيت الموصى بة من قبل الشركة المصنعة للسيارة

تحياتي


سيف

العراق

[osa92003]

اشتغاله حضرتك !!!! ولا ليه اى تلاتين لازمه

[khaabas]

الأبـــــــــــرو ( زيت الشنبر ) حسب البيانات المكتوبة على العبوة يضاف للمحركات الحديثة والقديمة لأنه يعتبر دوره وقـــائى في حالة اذا ما تم استخدامه بالمحركات الحديثة
لكن ف الحديث ينصح بتغيير زيت المحرك ف مواعيده وده احسن صيانة له

[hyundai 2005]

بص يا كبير من خلاصه الخبرات والتجارب الشخصه حقولك حاجه

ان لم يفيد فهو لن يضر
تمام

هو فوايده كتير للقديم والجديد بس انا مش حعلق عالنقطه دي .
بس انا حسألك سؤال ؟

لو جيت كل اول اسبوع واخدت حبايه اسبرين ؟ هل ده ليه ضرر عليك ؟ ولا ممكن يكون فيه فايده ليك ولو بنسبه 1%