يا حلاوتك يا أبيض يا سارقنى؟؟

[ابو فاروق]

المشاركة الأصلية كتبت بواسطة miam0502788391 شكرا يا باشا على التشبيه ده من ذوق حضرتك ومش عاوز حضرتك تزعل من كلامى انا برضه لا اعمم فيه سواقين تاكسى محترميين وبياخدوا بالمعقول الحمد لله الوضع عندنا فى المنصورة لسة لم ينزل فيها التاكسى الابيض , لكن هذا لا يمنع ان فيه فئة من سواقين التاكسى لديهم جشع شوية , حتى لو حضرتك مفتح ومقطع السمكة وديلها يبقى عاوز برضه انه يسرقك و ينصب عليك ويفرض عليك بنديرة اعلى ويمشى ويسيبك لو اللى قاله معجبتش حضرتك , يإما تركب وتدفع اللى اشترطه مثلا هنا فى المنصورة لو حضرتك ركبت مسافة صغيرة السواق ملوش دعوة هو عاوز ياخد اكبر بنديرة وخلاص مسافة كبيرة صغيرة انت ركبت وخلاص , تعال بقى لو 3 مع بعض ركبوا التاكسى تلاقى السواق طلب اجرة مضاعفه على اساس ان ال3 افراد شغلوا العربية والاستاذ معرفش يجييب حد تانى عليهم فيحملهم اجرة اللى كان هيركب , مبدأ (الكيل بمكيالين ) ده غير ان كل شوية البنديرة تزيد على اساس ان كل حاجة غليت والاسعار زادت والمشوار اللى كان بخمسة جنيهات اصبح بعشرة جنيهات

انت خليتها سودة خالص يا راجل ياطيب
انا بصراحة معرفش العرف عندكم ماشي ازاي .
يعني التاكسي بالنفر ولا بالمشوار وحسابو بيكون ازاي
بس عندنا فالقاهرة عموماً بيتفق . والاتفاق بيريح هيدفع قد كدا وخلاص وبتعرف والموضوع بيخلص .
برضو السواق دة عندو بيت وعلية وردية وعايز يلم نفسو وفعلا الحياة غالية علية
كل واحد لية ظروفو .
ولعلمك لو جالكم العداد الابيض هتدايقو جداً
لاني هتلاقي مشاوير بتعمل 15 : 20 : 30 جنية .
واعتقد المنصورة كلها مفيهاش مشوار يعمل كدا حالياً صح

[mooneyes]

المشاركة الأصلية كتبت بواسطة ابو فاروق فتح العداد ب 250 قرش . 125 قرش لمسافة 1 كيلو ( الف متر ) 125 قرش الأخرين لفترة 5 دقائق انتظار . بمعني اصح .. العداد مش هيعد انتظار غير بعد مرور 5 دقائق ومش هيعد مسافة غير بعد المرور علي 1000 متر . لكن يوجد امور اخري . اولاً : في حالة الوقوف تماماً يبدء العداد عملة وعد الوقت المنتظر دون الاهتمام بمرور 5 دقائق ام لا . ( يعني لو شغلت العداد ومشيت 200 متر ووقفت هيبدء عد وكل 60 ثانية هيرمي 25 قرش . ثانياً : العداد بيحسب الزحمة اذاي ؟ بيحسب الزحمة لما تكون العربية ماشية علي سرعة اقل من 10 كيلو . . ثالثاً : العداد بيرمي بسرعة ساعات لا مش بيرمي بسرعة غير في حالتين الاولي : لو علي طريق سريع وبيمشي بسرعة ... الثانية : ممكن يرمي 75 قرش او 50 قرش في اقل من 10 ثواني . ولذالك لسبب انة بيرمي كل 200 متر , 25 قرش . وكان في نفس اللحظة اتمام ال 60 ثانية زحمة , او اتمام ال 60 ثانية وقوف تام . دية حساب التاكسي الابيض تماماً . ومفيش مشكلة فية نهائي . اذا شكيت في حسابك عليك بطلب من السائق بورقة حساب " عبارة عن بون صغير فية تفاصيل مشوارك " وتقدمها لاي قسم لعمل محضر مع ارقام السيارة . -- مشوار حضرتك من الدقي لمدرية امن الجيزة راحو ازاي ؟ الراجل خد العربية وكمل شارع الدقي ونزل من جمب الشيراتون 500 متر بقا قدام مدرية الامن . لكن ؟؟؟؟ اذاي رجع . مش هياخدهها بضهرو حضرتك . دة هيلف من عند الجامعة وهينزل ياخد من تحت كبري عبد العزيز . وهيطلع من نحية المساحة عشان يروح الدقي .مع وجود اشارتين اغبياء فالمنطقة دية . لكن وانت رايح مفيش ولا اشارة توقفك غير اشارة ميدان الدقي وانت اللمين بتاعك مفتوح فيها .!! يعني حضرتك متنصبش عليك لكن انت فاهم غلط . . تحياتي واي خدمة ابو فاروق ( صاحب سيارات اجرة بفضل الله ) واي سؤال انا حاضر ليك

اخى ابو فاروق انا للأسف مش حافظ الطرق داخل القاهرة بس الطريق اللى انا رحت منه هو اللى انا رجعت منه وبالظبط انا كنت فى الهيئة العامة للمساحة واول ما خرجت من الهيئة مشيت شمال وعديت الطريق ووقفت بعد الاشارة عشان عارف ان لو ركبت التاكسى من الاشارة يبقى انا بقول يا مين يستغفلنى المهم اول ما الاشارة فتحت . انا ركبت وكانت هيئة المساحة على شمالى ومديرية الامن على شمالى وبعد ما مشينا شوية لحد ما لقيت اشارة وكانت فاتحة والحمد لله والسائق دخل شارع شمال ومكنش فى اى كبارى ولا اى شىء وللاسف انا مش عارف اسماء الشوارع بالاضافة ان بعد ما نزلت كان فى كوبرى بالفعل بس كان قاطع الطريق يعنى السواق كان المفترض يعدى من تحته الموضوع هنا للنقاش وليس لتخوين احد وبعدين حضرتك مش كل دكتور بيعمل عمليات اجهاض ومش كل موظف مرتشى ومش كل سواق حرامى لكن فى فئة كويسة وفئة مش كويسة فى كل طائفة..

[mooneyes]

وأخر سؤال لحضرتك هل لو انت شغلت الانتظار بتاع السيارة وانت ماشى دة بيأثر على العداد .يعنى لو انت ماشى بسرعة 60 ومشغل انتظارهل دة بيأثر على العداد

[mooneyes]

85-93-118
الارقام اللى فى صورة العداد اللى الاخ حاطها يا ترى الارقام دى بتعبر عن ايه بالظبط؟؟

[ahmed_gamal777]

المشاركة الأصلية كتبت بواسطة mooneyes وأخر سؤال لحضرتك هل لو انت شغلت الانتظار بتاع السيارة وانت ماشى دة بيأثر على العداد .يعنى لو انت ماشى بسرعة 60 ومشغل انتظارهل دة بيأثر على العداد

ميشتغلش الانتظار ابدا وانت ماش يا باشا اسمة انتظار
يشتغل فى حالة واحد ة
العداد بايظ ومش شغال (يعنى مابيعدش فى المشى خالص البوردة مش قارى عداد بيركب فى الفتيس)

85-93-118
الارقام اللى فى صورة العداد اللى الاخ حاطها يا ترى الارقام دى بتعبر عن ايه بالظبط؟
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ

العداد دا مجرد صورة تقريبية لشكل العداد المصرى