المختصر المفيد في الإلانترا الجديد

[khaabas]

العربية تستاهل كل قرش فيها
ثانيا هونداى من اكبر مصنعى السيارات فى العالم الرابع على مستوى العالم
ثالثا العربية موش ردئية ولا حاجة بل العكس والله اجمل من عربيات اوربى كتير من ناحية الخامات
رابعا انت حكمت على العربية من شوية اوبشن موش لازمة بلوتوث وكلام فاضى مكلمتش على قوة الموتور وخلافه

[star over]

معاك في ان الاوروبي احسن طبعا
ده كعربية .. لكن تعالى قارن في اسعار قطع الغيار وتوافرها وسعر اعادة البيع وسهولة البيع والانتشار
المقارنة هلامية برضه لصالح هيونداي

[fineart607]

المشاركة الأصلية كتبت بواسطة abdulkhaleq أشكر مرورك الكريم وانا عمري ما قلت ان كل المصريين بتوع بطاطا وانا اعتبر نفسي اقل واحد كعلم وممكن اتعلم من اي حد بص انت قلت نقطتين احنا مرغمين على اسعار لأنها قدامنا أوك؟ طيب ازاي نغير من الواقع ده ؟ واحد عايز يجيب عربيه مثلا بس زيرو, طيب الزيرو في الرينج ده عادي يعني ولو هيركب حاجه أعلى لازم يزود طيب ايه الحل ؟؟ يركب كسر زيرو, انا عارف ان في ناس كتير مش بتحب ده بس هنعمل ايه ؟ ماهو بالسعر ده غالبا هتركب كوري في accent rb شفتها بس مش مصري هيا تقريبا خليجي أو استيراد مش فاكر بصراحه العربيه غير بتاعة مصر خالص شاشة نافيجيشن و ABS و EPD و مثبت سرعه و بلوتوث وكمان ديسكات قدام وورا (ماتخفش مش هتعوم منك ههههه) وأظن 2 إير باج في الهوندا سيتي بس هتزود المبلغ شويه وممكن تاخد خصم محترم على موديلات السنه اللي فاتت لو لسه عندهم وموديلات السنه الجديده نزلت (الاتنين نفس الشكل على فكره) انما لو هتركب كسر بالسعر ده ممكن تركب هوندا سيفيك وحاجات كتير وصدقني ك سعر قصاد الامكانيات اي كسر (محترم ونضيف) هيكون مش فارق خالص وكأنك راكب زيرو برضه ده لو عندك استعداد تغير مفهوم الزيرو وربنا يوفقك

شكرا على الأختيارات بس انا عايز زيرو ان شاء الله

[abdulkhaleq]

المشاركة الأصلية كتبت بواسطة د0تامر محمد السيارة الإلنترا الجديدة شكلا تعد ممتازة وسعرا تعد نصباية كبيرة على سيارة لا تستحق أن تتعدى حاجز ال100 ألف !!!!!!!!!!! السيارات الأوروبى فى فئتها السعرية طبعا أفضل بكثير من حيث الأداء وطول العمر والثبات والأمان وكانت صدمتى كبيرة عندما رأيت توكتوك لبس فيها وكانت الخسائر فادحة كأنها علبة كرتون !!

ما هي دي الفكره, الواحد بيشتري بناء على ايه ؟ على الشكل الخارجي بس ؟ !!
وفعلا انا شايف ان كويس قوي 100 ألف ده لما تكون كامله

[abdulkhaleq]

المشاركة الأصلية كتبت بواسطة khaabas العربية تستاهل كل قرش فيها ثانيا هونداى من اكبر مصنعى السيارات فى العالم الرابع على مستوى العالم ثالثا العربية موش ردئية ولا حاجة بل العكس والله اجمل من عربيات اوربى كتير من ناحية الخامات رابعا انت حكمت على العربية من شوية اوبشن موش لازمة بلوتوث وكلام فاضى مكلمتش على قوة الموتور وخلافه

العربيه ماتستاهلش نص تمنها
انا ماليش دعوه اكبر مصنع او اصغر مصنع انا مش هناسبهم انا ليا اللي بينزل مصر وسعره كام هنا
اما موضوع ان خاماتها احسن من الاوروبي... فبصراحه لا تعليق
اما الاوبشن فهو ليه لازمه ونص كمان والا بقى يكون فيها حاجات تانيه غاليه جدا تخلليهم يشيلوا الاوبشنز دي كللها