ليه بقت القيادة في مصر فن فقط مش فن وذوق اذا كان موجود الفن

[Mido Madrid]

السواقه فى مصر بلطجه ده اكيد
ونسيت اهم حاجه التروسكلات اللى ماشيه دي فى الشارع انا امبارح لا بيا ولا عليا واقف فى تقاطع مستنى عشان اعدي وييجي تروسكل يقوم مطير المرايه كلها ستر ربنا الازاز بتاعها متكسرش قمت واقفله ومسبتوش الا لما يصلحها واتلزقت فى الاخر بس بقت ضعيفه شوية
الواحد كان بيسوق فى السعوديه بجد يعنى مفيش مقارنه ولو معدي الناس اللى بتهديلك هنا بيسرع عشان متعديش سبحان الله

[fadymedhat]

و انت سايق تحس ان العربيات بتلعب بلاى ستيشن....الناس بقت بتسوق بالبركة....بتبقى مش عارف الخبطة جاية منين....

[Toyota Corolla]

أقولك ليه ،،،

لما واحد من اللى متعودين على السواقة بذوق يشوف إن كل اللى بيتعامل معاهم (الغالبية) فى الطريق
منزوعين الذوق و بالتالى لو اتعاملنا بذوق مع هؤلاء هيبقى بنتنازل عن حقنا عشان الضعيف مبقاش ليه
مكان فى الشارع و مرة فى مرة فى مرة هيتعود على اسلوب القيادة هذا و سيتعامل مع اللى عنده ذوق و اللى معندهوش ذوق بنفس الإسلوب و بالتالى اللى هو اتعامل معاهم بقلة ذوق هيتعلموا هم كمان إنهم لازم ياخذوا حقهم بس ده ميمنعش إن فيه ناس ذوقها لايزال موجود رغم الظروف.

والذوق كما يقول المثل لا يُبَاع ولا يُشْتَرَى

[Emgrand]

المشاركة الأصلية كتبت بواسطة Mido Madrid السواقه فى مصر بلطجه ده اكيد ونسيت اهم حاجه التروسكلات اللى ماشيه دي فى الشارع انا امبارح لا بيا ولا عليا واقف فى تقاطع مستنى عشان اعدي وييجي تروسكل يقوم مطير المرايه كلها ستر ربنا الازاز بتاعها متكسرش قمت واقفله ومسبتوش الا لما يصلحها واتلزقت فى الاخر بس بقت ضعيفه شوية الواحد كان بيسوق فى السعوديه بجد يعنى مفيش مقارنه ولو معدي الناس اللى بتهديلك هنا بيسرع عشان متعديش سبحان الله

+1111111111111111
التروسيكلات بتترخص ايه

[ahmed_zamalek7]

السواقه فى مصر بقيت مستفزه وعلى فكره مفيش فن ايه الفن انى لما واحد يدى اشاره افضل ارعش وراه عشان ميحودش ديه اسمها قله ادب ولا سواقين الميكروباصات قمه فى قله الادب والسفاله وهما ماشين وهما واقفين والله انا مره كنت ماشى وسواق الميكروباص يعتبر لازق فى الكبوت والاكصدام الخلفى واحنا ماشين على 100 يعنى لو ضربت فرامل هلاقيه قاعد جمبى وعمال يرعش عايزنى اوسعلو رغم ان الطريق فاضى
الصراحه اليسوق فى مصر لازم يبقى بلطجى او معاه دبابه فى العربيه
انا نفسى بجد انزل اركب دبابه وادوس فى بتوع الميكروباصات والتاكس واليكسر عليه اخش ادوسو