إذا غرزت تعمل ايه وانت لوحدك

[3bd0]

تسلم ايد حضرتك على الفيديوهات

انا بس ليا 3 تعليقات على ال3 فيديوهات:
الأولاني: فكرة حلوة جدا، بس ملهاش أي لزمة من غير ما يكون العربية متركب فيها ونش عشان يسحب، غير كده الحديدة دي مش هتنفع بحاجة
التاني: مش عارف ليه مش مصدق بصراحة، في حاجة مش طبيعية. أصل لو كده مكنش حد غلب على العموم اللي لاحظته بردو ان العجلة قاعدة بتفرك في الرمل بغباء وفي نفس الوقت مبتنزلش لتحت خالص، الطبيعي انها كل ما تفرك كل ما تغوص.
التالت: دول بقى اللي موتوني من الضحك في حد يعمل كدا و بعربية زي كده!!!! أعتقد الحل الوحيد لو ملقوش حد يسحبهم انهم هايستنو لما الميا ترجع لورا تاني ويستخدمو شوية طوب حلوين، من حسن حظهم شوية ان العربية دفع خلفي

المشاركة الأصلية كتبت بواسطة sherif fersh ماشفتش الفيديوهات التليفون بايظ و داخل من المودم ( محدود و حاجة تغيظ ) بس خبرة صحارى مصر و أدغال السودان بتقول لا تفرمل فى مكان تشك أنه ممكن يكون غرز يعنى تهدى بالرااااحة جدا حتى الوقوف سرعتك مش عالية و مش واطية و دايما الـ RPM عالى عشان يبقى معاك أقصى عزم ممكن للمحرك لو حسيت أن العربية وقفت و هاتبتدى تغرز .. قف و ارجع لورا أحسن حاجة تلحق الغرز فى أوله و بلاش تفرك بالعجل لأن ممكن تلاقى العجل بيحفر على الفاضى و بطن العربية بقى على الرمل و ممكن تفور اسطوانة الدبرياج فى الحالة دى .. ترفع العربية من جانب بالكوريك و تحط طوب تحت العجل ( اللى بيحرك العربية ) و تكرر فى الجانب التانى و على فكرة ... مرة غرزت فى ربع شبر رمل فى التجمع الخامس و هابقى أرفع فيديو و أنا بكافح الغرز فى جنوب السودان و تحياتى ‘

أؤيد حضرتك في كل كلمة، أحب بس أكد على موضوع الفرك ده، مش عارف ليه الناس مبتصدقش، بنبقى بنحاول نساعدهم وهما يفركو و يضيعو كل المجهود اللي عملناه
حاجة تانية سريعة الناس بتحاول تعملها عشان تطلع من الغرز وبتخلي الوضع اسوء، لف الدريكسيون. لف الدريكسيون يمين وشمال كتير بيخلي العربية تغرز اكتر واكتر. الطلوع بيبقى اسهل مليون مرة لو الدريكسيون ثابت.

مستني الفيديو بتاع حضرتك على احر من الجمر

[mesho70]

المشاركة الأصلية كتبت بواسطة corsair فكرتيني بأسوء يوم عشته في حياتي وانا علي الصحراوي الغربي وطبعا مفيش يوتيرن تعدي منه لازم تمشي علي الجزيرة اللي في نصف الطريق وديه رمل ومره واحده لقيت نفسي انا والعربية غرزين غرزه زي الفل وقولت خلاص انا ضيعت وسبحان الله مفيش دقيقه ولقيت عربية محمله صعايده اول ما شافوني كدا نطوا كلهم من العربية وشالو العربية خالص من علي الارض وكنت اول مره اشوف عربيتي تترفع من غير كوريك ولقيت الفيرنا بتتشال هيله بيله وحطوها علي الاسفلت ومبقتش عارف اقولهم ايه الصراحه بيني وبينك كان نفسي اقولهم نكته علي الصعايده بس مردتش ههههههههههههههه

- واضح ان انت مش عارف الصعايدة لما بيزعلوا بيعملوا اية

[lol]

لو فى شبكة موبايل تتصلى بحد معاه ربع نقل او اى عربية 4*4
مفيش شبكة اعدى العبى فى الموبايل لحد ماتيجى عربية نقل تطلعك
مافيش اى حاجة يبقى ربنا يستر

[spera516]

تحفر وتطلع الرمله اللى حوالين العجل ووضع كراتين او خشب او اى شىء يمنع وصول الرمال مره اخر حول العجل

ومحاول الخروج سريعا بدون غرز يعني مره واحده

وطبعا فيه غرز لما بتكون لوحدك مش بينفع معاها اى طريقه وبترجع بسبب التصرف الخاطىء والدخول فى الرمال المتحركه وربنا يستر