رساله هامه لكل من يرغب فى الحوار والرأى السديد وتحدى المهارات

[هانى الاسيوطى]

السلام عليكم ورحمة الله وبركاته

إخوانـى وأخواتـى الكـرام

المعذره والسماحة منكم من خربشات قلمى ومدى هممى

وقلة حيلتى فيما أنا به أعانى .

حتى الأن لم أجد عربيه بحاله جيدة سواء

فيات 131 أو 132 أو مازدا 323

ويأتى هذا السبب معللا لأننى بقريه .

ولكنى وجدت الأن سياره [ ريجاتا ] موديل [ 1986 ]

فهل لو طلبت من سماحة شخصكم الكريم بالمساعده عن أى

معلومات عنها ممكن ولا كده أكون قد تجاوزت قدرى

وسوف انتظر أن يرق لى قلبكم بمساعده منكم

المعلومات كلاتــــى : -

1- الحالة العامه للسياره من حيث الكفاءه

2- حالة العفشه فى المطبات

3- قطع الغيار غاليه أم لا وهل متوفره أم لا

4- هل فعلا ً هذا الموديل به شاشة أعطال كمبيوتر

5- السعر الحالـى

6- ما هى اكثر العيوب

7- كل من له معلومه اتشرف برأيه السديد

مع إعتبار أن الموضوع هـام وعاجـل

تحية وإجلال لإدارة المنتدى الكريمـة

وتحيه إجلال لإخوانى وأخواتى اسرة المنتدى







أخوكم / هانى الأسيوطى

[Eng/salwa]

السلام عليكم و رحمة الله و بركاته
انا لن افيدك بجواب عن سؤالك
بس حبيت اقولك جزاك الله خيرا
احسستنى بجمال لغتنا العربية الجميلة
و تذكرت ايام زمااااااااااااان من 30 أو 35 سنة ايام المذاكرة مع سماع الراديو و صوت فاروق جويدة و هو يقول ( أنا البحر فى احشائه الدر كامن
فهل تساءل يوما عن صدفاته الغواص )
لغتنا الجميلة برنامج اذاعى رائع صاحب مذاكرتنا وكفاح تعليمنا ايااااااااام

جزاك الله خيرا على تمسكك بلغتنا العربية الجميلة
ووفقك الله فى اختيار سيارة مناسبة و اعطاك خيرها
و كفاك شرها انت و اولادى و زوجى و الجميع يا رب

[AbOnOrA]

فعلا اسلوب الطرح مميز واللغة جميلة

بخصوص الريجاتا فيه اكثر من موضوع بخصوصها وممكن حضرتك تتابع بالتفصيل عن طريق البحث بكلمة ريجاتا فى محرك بحث المنتدى وده مستطيل اسفل اللوجو اعلى الموقع

وديه طائفة من المشاركات والموضوعات اللى تهم حضرتك عن الريجاتا

ومقارنة بينها بين الكيا برايد كبديل فى نفس الفئه السعرية

http://www.masrmotors.com/vb/showthread.php?t=63464


اسعار قطع غيار الريجاتا الاستيراد من تاجر مباشرا
http://www.masrmotors.com/vb/showthread.php?t=51033


: محتار بين الريجاتا والكيا برايد
http://www.masrmotors.com/vb/showthread.php?t=64076

محبى الريجاتا
http://www.masrmotors.com/vb/showthread.php?t=70383


دة كوبي من حديث مع احد الاعضاء ف الرسائل الخاصة هنسخة لحضراتكم هنا لعل فية الفائدة بدلاَ من وجودة ع الخاص

اوجة الفرق بين النوفا والعادية :
النوفا موديلاتها احدث بتبدء من 1987 الى 1990
العادية بتبدء من 1984 وتنتهى في 87

لا يوجد اي فرق فى الشكل او الابعاد بيين الاتنين سوى الكماليات والكمبيوتر . وأكر الابواب .

الكربراتير مختلف شوية فى النوفا عن العادية .. بوجود سخان كهربائى بدل العادي الواير .. ودة مش فى كل الموديلات
النوفا فيها 2 زجاج كهربا + سنتر بدون ريموت + كمبيوتر كشف اعطال حساسات مثل حساس
لتيل الفرامل والزيوت بأنواعها وضغط الزيت .. الخ . وحتى لو لمبة اتحرقت بتعرف منة .. لكن نادر جدا لو لقيت سيارة
الكمبيوتر بتاعها يعمل بكفاءة لقدم الموديل .

النوفا فيها عداد بيحسب كمية استهلاكك للبنزين وهل هو استهلاك جيد ام مبالغ فية .. والعداد دة غير موجود فى العادية .. العادية زي النوفا .. الا ان النوفا افضل لانها موديل احدث شوية .. قطع غيار الاتنين هما هما واحد ما عدا الفتيس

احسن موديلات الريجاتا واللى قطع غيارها سهل جدا موديلات من 1985 الى 1989
واوعى تجيب 1990 لعدم وجود قطع غيار لها وللاختلاف كبير فى الفتيس من جوة وعدم انتشار قطع غيارة
علماَ ان هذا الموديل يتميز بأن موتورة انجيكشن ولا يوجود كربراتير بطبيعة الحال .. الا ان عيبة عدم انتشار قطع
الغيار .. والموديلات كلها كما قلت سلفاَ هى هى نفسها .. نفس الشكل والابعاد وكل شيئ .. فقط شكل اكر الابواب
من " معلقة " فى العادية كما يقولون عليها .. الي الزر " زى اكرة اللانسر مثلا بتمسك اليد وتضغط على مكان المفتاح اللى عبارة عن زرار .. فقط لا غير .

المشكلة الوحيدة الموجودة فى 100 اس هي عدم توافر بعض قطع غيرها خصوصاَ قطع غيار الموتور .. موتورها هاف انجكشن بنظام SOHC .. عدم انتشارها بشكل واسع + استهلاك عالى للبنزين .. ولا يوجد فارق مغري يجعلك تقتنيها عن سابقتها .
ايضاَ اضف على ذلك التالى :
The engines offered were also similar, being the 1301 cc straight-4 rated at 68 PS (50 kW; 67 hp)

(Regata 70) and the 1498 cc I4 rated at 82 PS (60 kW; 81 hp) (Regata 85). Both of these were SOHC engines. A DOHC 1585 cc I4 rated at

100 (Regata 100) was also available with two SOHC diesels, a 1714 cc straight-4 rated at 58 PS

الريجاتا عافية شوية عشفتها حلوة ومش ناشفة وبتستحمل المكسر .. وبوجة نظري احدث وافضل من موديلات قديمة كتير

قطع غيار متوفرة جديد / استيراد / مستعمل .. ويمكننى ارشادك لاحقاَ ان احتجت للاي قطعة غيار وسعرها. علما ان اسعارها جيدة ومعمرة

الريجاتا لو حالتها مش نضيفة من البداية هتتعبك جداَ .. لذا حاول وبشدة الحصول على حالة نظيفة جداَ .. خصوصا اساسيات السيارة والبودي .. الموتور سهل صيانتة واصلاحة

وحاجتة متوفرة واسعارها جيدة .. اما البودي واساسيات السيارة يجب ان تكون نظيفة لان اكبر عيب فيها هو البارومة

عيوبها بكل امانة :
1 - البارومة .. لو مسكت فيها مش بتسيبها كسائر سيارات فيات الايطالية وطبعا بتتعالج
لذا حاول الحصول على اساسيات وبودي بدون بارومة ولا تـلتف للفبريكة .. الناس بتفرح بكلمة فبريكة
وبيلاقى عدم عناية بالحوض واساسيات السيارة للحفاظ على كلمة فبريكة وتجد ف النهاية بارومة سارحة ف كل حتة .. وطبعا فبريكة يرشها لية وتبقى مش فبريكة
2 - خامة التابلوة سيئة .. ونادراَ لو وجدت تابلوة غير مسكر
3 - اداء التكييف غير جيد .. ملطف للجو ورحمة عن سخونية الشارع والشمس . بارد بشكل خفيف
4 - الاسبراتير الالكترونى بتاع الفبريكة ضعيف .. يفضل تركيب اسبراتير عادى .. او الالكتروني ايطالي جديد بدل الفبريكة
5 - طرمبة البنزين ميكانيكية وبتتأخر فى الدوارة لو سبتها للاكثر من يومين .. وحلها انك تركب طرمبة بنزين كهرباء لانسر يابانى هدور ف اي وقت وفى عز التلج
6 - علبة الفيوزات لا توجد جديدة ولكنها موجودة استيراد فى حالة احتياجها .. علماَ ان بها دائرة فى الداخل ولها ترانستورات ic قد تتلف

http://www.masrmotors.com/vb/showpos...03&postcount=3

[HaMaDa-ToUBaR]

يا باشا احنا هنا كلنا اخوات وتحت امرك فى اى استفسار فى اى وقت

1- الحالة العامه للسياره من حيث الكفاءة
الريجات عربية ممتاذة ومحترمة
2- حالة العفشه فى المطبات
العفشة قوية وبتستحمل كتير

3- قطع الغيار غاليه أم لا وهل متوفره أم لا
قطع الغيار متوفر وسعرها رخيص ولكن غالى بالمقارنة مع اسعار قطع غيار الشاهين مثلا

4- هل فعلا ً هذا الموديل به شاشة أعطال كمبيوتر
تمام فعلا يوجد شاشة اعطال

5- السعر الحالـى
معنديش خلفية كام بالضبط واكيد الاخوة الكرام هنا هيفدوك بالسعر اكتر منى

6- ما هى اكثر العيوب
انها ع كبالن وليست كرونة وصعب تلاقى حاجة مش ماسكة برومة لانها بتمسك بروما جامد

7- كل من له معلومه اتشرف برأيه السديد
جيدة بشرط الحاااااااالة ... بمعنى لو لقيت واحدة حالتها ممتاذة توكل ع الله ومتنساش تخلى بالك من مسألة البرومة

[HaMaDa-ToUBaR]

تسلم ايدك يا ابو نورا ...