|
#26
09-09-2009, 02:23 AM
|
|||
|
|||
رد: 500 خطوة حب مع "لى لى" سيات ليون
السلام عليكم
أنا عارف أنى ممكن أكون أخرت فى الرد كثيراً بس أنا أسف جداً أنا كنت مسافر برة مصر فترة.... و أحب أن أجيب على الأسئلة المطروحة بكل موضوعية ولا تحيز لأنها مجرد سيارتى أولا 1- السيات الليون التى توجد فى مصر فئة واحدة 1600 سى سى 102 حصان...بعض الناس قابلتهم و راكبين سيارات ليون و يزعمون أنها 2500 سى سى و يقولون أنها خليجى ...الله أعلم بس الفئة المطروحه فى مصر هى الفئة الأولى و لا يوجد بها حساسات ركن خلفية أو أمامية و لكن بالأمكان تركيبة بالتوكيل لأنهم وضعوه فى قائمة الإكسسوار و أن شاء الله فى أول زيارة هاجيبلكم سعرة 2- المرايا ليست ذاتية التعتيم ولكن بتجربة شخصية أحسست أنها تكاد تكون مخفضة لدرجة عكس الإضاءة 3- الشاشة تقوم بعرض أسماء الملفات و أسماء الأغانى فى حالة أن السى دى أصلى كما أن وظائف الأعادة مثلاً لا تعمل إلا إذا كان السى دى نظام ال Traks ومن سى دى Orginal 4- كيفية عمل مثبت السرعة هى كالأتى - يجب أن تكون السرعة أعلى من 20 كم - عند الوصول إلى السرعة المراد التثبيت عليها يوجد زر أعلى الزراع اليسرى الخاص بالإشارات يتم تحويله من وضع Off إلى On ثم يتم كبس زر أخر فى نهاية الزراع لمدة تقريبا ثانيتين و بذلك تظهر علامة ذات لون أخضر داخل عداد السرعة علة شكل عداد صغير تفيد أن السرعة تم تثبيتها - يتم رفع القدم عن دواسة البنزين و تستمر السيارة على السرعة - فى حالة الرغبة فى زيادة السرعة أو نقصانها يتم كبس الزر الذى يوجد فى نهاية الزراع و الذى تم كبسه بستمرار سابقا إلى أعلى أو اسفل لزيادة السرعة أو تنقيصها دون المساس بالفرامل أو ادواسة البنزين وحسب عدد الكبسات تزداد السرعة أو تنخفض بمعدل تقريبا 5 كم عند كل كبسة - فى حالة لمس دواسة الفرامل يفصل النظام تلقائيا بالنسبة لإنتشار السيارة.....السيارة بدأت فعلا بالإنتشار و انا شخصيا أرها كثيرا يمكن شوفت أكثر من 10 سيارات على مدار 3 أيام بشكل متوالى لأان الناس بدأت تحس بقيمة السيارة عن تجربة ....بجد أنا ماسقتش أفضل من السيارة دى غير البى أم ال 318 فما أعلى.....سوقتها FUN و متعه حقيقية و تجميع خيالى أما الأتزان فع عن تجربة من يومين فقط ربنا وحدة نجانى من حادثة رهيبة كادت سيدة أنت تتسبب فيه لكن العربية ماخيبتش معيا جمعت فى وقت قياسى خلانى أفلت من السيارة اللى كانت ممكن ترشق فى نص البادى الخاص بسيارتى و لما نصف السيارة دخل فى الرملة ظهر السارة عوم خفيف جداً و راحت ظبطا نفسها فورا فى خط مستقيم و أنا بتكلم على سرعة والله فوق ال 170 كم كان إتزان رهيب أعتقد أن أى عربية تانية كانت عومت ولفت حاول نفسه 
|
|
#27
09-09-2009, 02:35 PM
|
||||
|
||||
|
رد: 500 خطوة حب مع "لى لى" سيات ليون
الف مبروك ياباشا ربنا يبراكلك فيها الليون عربيه محترمه جدا انا لما اشوفها فى الشارع لازم تشدنى واقف اتفرج عليها تصميمها عبقرى فعلا اللى قال ان سيات هى الجناح الرياضى لمجموعه فولكس فاجن وبصراحه بتشدنى وبحسها اكتر رياضيه من الجولف ....
|
|
#28
12-09-2009, 01:25 AM
|
|||
|
|||
|
رد: 500 خطوة حب مع "لى لى" سيات ليون
السلام عليكم
فى الواقع كلامك شجعنى على شراء السياراه والصراحه العربيه فعلا تستاهل .. وتحفه انا ادامى نفس العربيه سيات ليون 2009 وعامله 30 الف كيلو وبصراحه انا شايفها لقطه لان السعر مرتاح اوى وصاحبها عايز يبيعها لدواعى السفر بس مخبوطه خبطه خفيفه وعايزه فانوس امامى ايسر والاتنين اير باج الاماميين عايزيين يتصلحوا ممكن تفيدنى عن تكلفة تصليح الايرباج بس مش فى التوكيل وفانوس العربيه اجيبه منين بره التوكيل بردو انا سمعت انى ممكن اجيبه من الحرفيين هل ممكن الاقيه فعلا هناك وبكام مشكوور مقدما التعديل الأخير تم بواسطة حسونه حسونه ; 12-09-2009 الساعة 01:29 AM
|
|
#29
12-09-2009, 03:00 PM
|
|||
|
|||
|
رد: 500 خطوة حب مع "لى لى" سيات ليون
الأخ حسونة حسونة
أرجو منك فى البداية التروى عند شراء هذه السيارة خاصة إذا كانت مستعملة و موديل السنة دى و بسعر لقطة......لأن كل دى عوامل تشكك أن السيارة تكون فيها حاجة....وسيبك من الناس اللى تعقد تقول لك دواعى سفر و خلافة.....انا مش بأكل من الكلام ده و عشان كده أنا رأيى الأتى 1- كشف كامل على السيارة بالتوكيل و التأكد طالما أنها موديل السنه أنها مازالت داخل الضمان من أفواههم بالتوكيل مش بالشهادة اللى مع صاحب السيارة لأن الليون و الألتيا بشكل خاص أى مسمار يتعمل فيها برة التوكيل تكون بره الضمان بشكل مباشر 2- هوا ايه اللى خلا الأير باجز فتحت أصلا و متقلش الخبطة اللى نتج عنها الفانوس المكسور 3- أنا مش هاقدر أفيدك بصراحة فى أى حاجة خارج التوكيل لأن أنا من يوم ما أشتريتها ماكنش عندى ألى نيه أعمل فيها مسمار برة التوكيل حتى و ‘ن كان ده مالهوش علاقة بالضمان و لكن لأن العربية تستحق أن تصان لدى من يفهمها و الأجهزة الخاصة بيها و خصوصا أن أجزاء كثيرة منها تعمل على نظم كمبيوتر و أنا مش بحب الفتى بصراحة.....عندك جهاز العربيى تتحط علية يطلع المشكلة أيه على عينى و رأسى ....هانفتى و نجرب و ندور يبقى تسلم و فرصة تانية .......و أقبلك كدة و الليون بقت سيت موديا 1980 أن شاء الله 4- ممكن تقوللى بق السعر اللقطة و لونها أيه......عشان فى واحدة فيرانى و بتاعت شاب و عاملة حادثة و أنا عارفها
|
|
#30
12-09-2009, 04:46 PM
|
|||
|
|||
|
رد: 500 خطوة حب مع "لى لى" سيات ليون
بصراحه ثبتنى ..الايرباج مفتحوش فعلا من خبطة فانوس
. انا هقولك الصراحه العربيه اتقلبت على جنبها الشمال وبعدين على السقف يعنى الجزء الايمن سليم .. والجزء الاهم الامامى سليم تماما والعربيه دايره وماشيه عادى والتكييف و السى دى شغال وكل شىء تمام عايزه سمكره بس .... للجاب الايسر يعنى الباب الا مامى والخلفى و السقف ... مع العلم ان الفتحه سليمه وبتفتح وتقفل عادى اللى اي يتغير بس باب الشنطه .. وفانوس امامى شمال وغطا فوانيس خلفيه والاتنين اير باج الامامين والعربيه عامله 30 الف كيلو لونها حمر طوبى وانتاج 1212/2008 ... يعنى موديل 2009 ... هى بتاع شاب ابن شخص ثرى جدا عندنا وعندهم بدل العرييه 3 وزى متقول اتشاؤم منها وانا خلصتها ب 60 الف . والحمد لله .و ودتها على السمكرى امبارح.. حسبت المصاريف لقيتها مش هتزيد على 15 الف ان شاء الله وهجيب الفانوس واصلح الايرباج فى الحرفيين يعنى العربيه هتقف عليا ان شاء الله 75 الف .. ج باكتر اوى 80 الف وهى ب 145 هل الصفقه فاشله ولاجيده نسيا ؟؟ ردك يهمنى جدا لانى لسه خام فى العربيات ودى اول مره اشترى عربيه التعديل الأخير تم بواسطة حسونه حسونه ; 12-09-2009 الساعة 05:09 PM
|
 |
|
|
