|
#71
12-05-2013, 10:32 PM
|
|||
|
|||
رد: مجرد فضفضة فى زمن الإخوان
السلام عليكم اولا
ثانيا علشان محدش يقول اني اخواني ولا متعصب تعالو نشوف انجازات الرئيس وبعدين ننتقد الحكومة علشان الهجوم الي من غير سبب يعتبر حقد غير مبرر لما نعرف ان حصاد القمح المزروع حوالي 12 مليون طن واحتياجنا من القمح حوالي 13 مليون طن يعني قربنا نوصل للاكتفاء الذاتي مش ده يدعو للتفائل لما نعرف ان تنميه اقيلم قناة السويس هيحقق حوالي 50000 فرصة عمل وده مشروع واحد يعني لو اتعمل زي مهو متخطط لية مصر هتبئا احسن من دبي في ظرف 5 سنين واقل بسبب ان مينائ جبل علي هيروح علية خالص مش ده برضو يدعو للتفائل لما نعرف ان الدستور الي الناس بيهاجموه من غير ما يعرفو حاجة غير من الاعالم الموجة الدستور بينص علي ان مدة الرئيس لن تزيد عن 4 سنوات ولا يجوز التجديد لاكثر من مدتين يعني تداول السلطة مش ده يدعو للتفائل ولو حد شايف في نفسو ان يقدر يدور البلد يدخل يورينا نفسو بدل ما يقعد علي الكنبة ويشتم ويسب وينتقد ويياس الناس وشايف الدنيا ضلمة وخلاص طب اعمل حاجة ايجابية ميعرفش يبقا اسكت احسنلك وبلاش تيياس والله انا بكتب الكلام ده وواحدة زي لميس الصفيحي عمالة تنتقد في القرض بتاع قطر الله يرحم ايام مبارك لما الوشوش دي كلها مكنش حد بيقدر يفتح بقه دلوقتي بقا زمن الرويبضة كلو بيتكلم لميس وباسم وحمزاوي واديب وغيرهم كتير يا ناس بصو بنظرة امل شوية وخلو البلد تتقدم ولو مش عارفين تبصو بنظرة امل وبقا كلكو تشاوم اسكتو شوية وان شاء الله البلد هتتحرك علي فكرة انا مش عايز اتكلم علي انجازات مرسي في الشهور القليلة الي فاتت بس عايز اقول حاجة صغيرة لو اي واحد مكان مرسي دخل البلد لقي كلها بايظة بقالها 30 سنة تفتكرو هيقدر يصلحها في 8 شهور ولو حد قالي مهو هو الي رشح نفسو ارد واقولو مهو اي واحد غيرو لو كان رشح نفسو كان هيقابلو نفس الفساد الي بقالو 30 سنة ولو حد عندو حلول غير تقليدية يا ريت يقولها بدل ما ينتقد علي الفاضي والمليان ومعندوش حلول المثل الانجليزي بيقول بدلا من ان تلعن الظلام اوقد شمعة يا ريت الناس كلها توقد شمعة امل ومن كان يومن بالله واليوم الاخر فايلقل خيرا او ليصمت 
|
|
#72
15-05-2013, 08:03 AM
|
||||
|
||||
|
رد: مجرد فضفضة فى زمن الإخوان
ان شاء الله خيرا
انا متفائل خير بالمشاريع التى تمت و المشاريع المقبلة
__________________
سبحانك لا علم لنا الا ما علمتنا
|
|
#73
15-05-2013, 11:32 PM
|
||||
|
||||
|
رد: مجرد فضفضة فى زمن الإخوان
هي فين المشاريع القوميه اللي تمت .!!!.
عبد الناصر و معروف انجازاته و كمان السادات انما هي فين الانجازات .؟؟؟؟. انتوا بتتكلموا عن مصر تانيه .!!!.
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#74
17-05-2013, 04:23 AM
|
||||
|
||||
رد: مجرد فضفضة فى زمن الإخوان
هو احنا كمان مش من حقنا نتكلم ماشاء الله اولا لعلمك انا كنت متفائل شويتين لما مرسى مسك البلد لكن تقولى انجازات ومشروع هيحقق !! ده بالظبط زى مشروع النهضه اللى ماشفنا ولا هنشوف منه حاجه سيبنا من موضوع كتاب الانجازات اللى المفروض المواطن العادى يشعر بيها وسيبنا من موضوع ال100 يوم اللى انضربوا ومطلعناش بحاجه وفعلا وحقيقى شعبيه مرسى فى النازل بطريقه كبيره جدا بسبب سياساته هو وجماعته والك>ب على الشعب والضعف انا كمواطن عادى ايه متطلباتى عايز امن عايز اعيش حياه كريمه اظن طلبين مهمين جدا كانوا يقدروا يرفعوا من اسهم مرسى وجماعته سيبنا دلوقت من المشاريع والانجازات لان الرد هيكون الحاجات دى مش هنحسها دلوقت ولادنا هما اللى هيستفادوا طبعا لازم تداول الكلام والانجازات للمدى البعيد لانها غير محسوسه وتبدأو تتغنوا بيها خلينا فى موضوع الامن والحياه الكريمه التى سترفع من اسهم رئيس منتخب غلاء اسعار بدون سيطره مشكله بنزين وسولار وبوتجاز وكوبونات اهانه للشعب المصرى ومنعرفش بتبدأ ازاى وتنتهى ازاى ؟ شويه تخبط رهيب نيجى بقى للامن اظن حضرتك من مصر وعايش فى وسط الناس ياطيب لو انت مسافر واتاخرت بتكون قلقان عندك قلق على اولادك سرقات بالجمله تثبيت لا يمر يوم والا نجد حوادث قتل بقى على المزاج ده رئيس الوزراء لم ينجوا من البلطجه ومساعد وزير الداخليه اتثبت واتاخدت عربيته فيه ايه تانى فين الانجاز فى الامن بس فضلا لما تحب تقول رأيك بلاش كلمه اسكتوا دى لانها مستفزه ولا هى دى ديموقراطيه جديده انت تطلب بتكميم الافواه ورفض الطرف الاخر هقولك من الاخر واقسم بالله من جوه قلبى انا قرفت من البلد ومن الاخوان ومن مرسى ومن اى كلام فى السياسه الله يل....................... ................. ولا بلاش احتراما للمنتدى بس انا بقولها كل يوم وكل مابشوف واحد منهم
|
|
#75
17-05-2013, 06:01 AM
|
||||
|
||||
رد: مجرد فضفضة فى زمن الإخوان
كل دى انجازات لا عندك حق و الله ده الواحد من كتر الانجازات اللى بتقابله كل يوم مش عارف يعمل ايه و لا ايه و لا ايه ؟؟؟ ربنا يديمها علينا انجازات و يمرمغنا فى النهضة كمان و كمان و هنبقى أحسن من دبى فى أقل من خمس سنوات ؟! ده حلم كبير أوى أوى بس مش بعيد على ربنا و بعدين شيء جميل خالص اننا نوصل للاكتفاء الذاتى من القمح و يارب نصدر القمح الباقى فى السنين الجاية لأمريكا و روسيا كمان . آااااااه ما أنا باردوا زى حضرتك كده شوفت مولانا سيادة فخامة الرئيس الدكتور الباشمهندس البروفيسور محمد مرسى أيوة اللى كان عالم جليل فى ناسا أى و الله شفته فى التليفزيون - و خير اللهم اجعله خير - مصورينه فى غيطان القمح اللى سعادته زرعها لنا 12 مليون طن ربنا يزيده كمان و كمان حتى بالأمارة لما جم يصوروه جردوا له جزء من الغيط يجى نصف قيراط كده علشان يحطوا له عليه سجادة و معدات التصوير و الحرس و الكلام ده كله ......... ما الانتاج كبير بقى و لسه الانجازات جايه كتييييييييييييييييييييييي يييير و احنا هنصبر معاه 8 سنوات ربنا بس يدي له الصحة و ان شاء الله نعدل الدستور البايخ ده و نخلى بدل المدة 10 مدد فى أربع سنوات يعنى لو مولانا قعد معانا 40 سنة هنبقى أحسن دولة فى العالم يا سلااااااااااااااااااااااا ام :120105~3 52: : Wkiss5:
|
 |
|
|
