وجود تشققات على خراطيم الباور !!

[ahmed_eng2001]

المشاركة الأصلية كتبت بواسطة borio1704 ما دام الخرطوم مشقق وبدأت تشوف بقايا الزيت.. يبقى أول حاجة تعملها إنك تراجع مستوى زيت الباور كل يوم... عشان لو نقص جامد ممكن الطرمبة تتحرق اتأكد من إن الخرطوم بعيد عن مصادر الحرارة العالية.. زي شجرة الفرن والشكمان مثلا. لإن الخراطيم بتتأثر قوي بالحرارة. لو فرضنا إن الخرطوم ضرب فعلا... لازم تفصل حركة الطرمبة فورا... يعني تفصل سير طرمبة الباور (غالبا حتلاقيه لوحده ومش مشترك مع أجزاء تانية) أو تفصل الفيوز بتاعها لو هي كهرباء. بعد كده اشتري خراطيم جديدة (يفضل الأصلي) أو خد الخراطيم القديمة وروح لورشة كبس الخراطيم الهيدروليك... حياخد الخراطيم القديمة ويطلع منها اللاواكير (الوصلات المعدنية) ويركبها في الجديد ممكن تعمل للخرطوم تلبيسة بخرطوم تاني فوقه... يعني الخرطوم جوه خرطوم تاني أوسع منه... عشان يحميه من الحرارة العالية ...

ظريف موضوع عمل تلبيسة للخرطوم علشان الحماية.... ان شاء الله حعمله فى عربيتى
شكرا للافادة

[borio1704]

المشاركة الأصلية كتبت بواسطة ahmed_eng2001 ظريف موضوع عمل تلبيسة للخرطوم علشان الحماية.... ان شاء الله حعمله فى عربيتى شكرا للافادة

الله يخليك

أنا فعلا عملت التلبيسة دي سنه 2002 بعد ما لقيت عمر الخرطوم قليل شوية .. وخصوصا إنه كات قريب قوي من شجرة الفرن... ولحد ما بعت العربية في 2010 كل اللي حصل إن الخرطوم الخارجي بدأ تظهر عليه آثار الحرارة العالية... إنما الخرطوم الداخلي ما حصلوش حاجة

على فكرة... مش لازم يبقى الخرطوم ضد الحرارة ولا حاجة... لو ركبت خرطوم شفاف (مسلح) من بتوع الجناين حيقوم بالواجب

ممكن تعمل حاجة أحسن... لو جبت ورق ألومنيوم (بتاع الأفران) وتغلف بيها الخرطوم (الخارجي)... أو خرطوم حراري بيلمع زي اللي في الصورة... ده أحسن حاجة تعزل الحرارة

[haninatoon]

http://www.yellowpages.com.eg/profil...and-Pipes.html
شوفوا كدة ياجماعة
http://www.elkadyhoses.com/arabic/home.php
دة مصنع اسمة القاضى فى جسر السويس
مكتوب انة هو اللى عامل خراطيم الباور لغبور
يعنى لو اشتريت من عندة الاقى حد يركبهولى ولا الموضوع صعب ويحتاج توكيل

[احمد سويلم]

المشاركة الأصلية كتبت بواسطة borio1704 الله يخليك أنا فعلا عملت التلبيسة دي سنه 2002 بعد ما لقيت عمر الخرطوم قليل شوية .. وخصوصا إنه كات قريب قوي من شجرة الفرن... ولحد ما بعت العربية في 2010 كل اللي حصل إن الخرطوم الخارجي بدأ تظهر عليه آثار الحرارة العالية... إنما الخرطوم الداخلي ما حصلوش حاجة على فكرة... مش لازم يبقى الخرطوم ضد الحرارة ولا حاجة... لو ركبت خرطوم شفاف (مسلح) من بتوع الجناين حيقوم بالواجب ممكن تعمل حاجة أحسن... لو جبت ورق ألومنيوم (بتاع الأفران) وتغلف بيها الخرطوم (الخارجي)... أو خرطوم حراري بيلمع زي اللي في الصورة... ده أحسن حاجة تعزل الحرارة

شكراااااااا على الكلام المفيد وان شاء الله هعملها فى عربيتى حتى لو كلفنى اشيل الورق اللى ع البوتجاز

[haninatoon]

المشاركة الأصلية كتبت بواسطة haninatoon http://www.yellowpages.com.eg/profil...and-Pipes.html شوفوا كدة ياجماعة http://www.elkadyhoses.com/arabic/home.php دة مصنع اسمة القاضى فى جسر السويس مكتوب انة هو اللى عامل خراطيم الباور لغبور يعنى لو اشتريت من عندة الاقى حد يركبهولى ولا الموضوع صعب ويحتاج توكيل

: THUMBS~220: