استفسر عن دهان سيارتك !!!!!!!

[أيمن الروبي]

المشاركة الأصلية كتبت بواسطة M.Sami el adham السلام عليكم كان عندى استفسار عن دهان السيارة و درجة لمعانه , بمعنى ان حضرتك بتلاقى المرسيدس و البى ام الجديد بيلمع لمعة كدة غريبة .. اكنها مراية بالظبط .. عندى عربية هوندا سيفيك 92 كحلى كنت عايز ارشها اسود .. بس عايز رشة مراية .. زى دى كدة http://www11.0zz0.com/2013/05/09/05/626167416.jpg هى نفس الموديل و نفس كل حاجة و نفس اللون اللى انا عايزه باللمعة دى بالظبط هتكون التكاليف ايه ؟! والله المستعان

اولا حضرتك حكاية اللمعه دي ملهاش دعوه بمواد الطلاء طبعا لازم تكون مواد الطلاء جيده ولكن اللي بيتحكم فيها خبره الصنايعي اللي بيرش في الكابينه يعني احنا مثلا العربيات القديمه شويه بنرشها بويه تقيله سنه بسيطه علشان تداري عيوب الصاج والمزانق وعيوب الصنفره اما العربيات الحديثه اللي بيكون صاجها رايق بنخليها زي المرايه بلغة الصنايعيه بنسيحها علشان منبوظ طعم البويه وشكلها والكلام بيتم اثناء الرش ومش اي حد يعرف يعمل كده وحسب برده الزبون واحد قولك عاوز البويه تخينه علي العربيه وواحد يقولك عاوزها مرايا ولما يكون العربيه عليها معجون كتير لعيوب في الصاج يفضل تخلي البويه تقيله اثناء الرش

[أيمن الروبي]

المشاركة الأصلية كتبت بواسطة أيمن الروبي اولا حضرتك حكاية اللمعه دي ملهاش دعوه بمواد الطلاء طبعا لازم تكون مواد الطلاء جيده ولكن اللي بيتحكم فيها خبره الصنايعي اللي بيرش في الكابينه يعني احنا مثلا العربيات القديمه شويه بنرشها بويه تقيله سنه بسيطه علشان تداري عيوب الصاج والمزانق وعيوب الصنفره اما العربيات الحديثه اللي بيكون صاجها رايق بنخليها زي المرايه بلغة الصنايعيه بنسيحها علشان منبوظ طعم البويه وشكلها والكلام بيتم اثناء الرش ومش اي حد يعرف يعمل كده وحسب برده الزبون واحد قولك عاوز البويه تخينه علي العربيه وواحد يقولك عاوزها مرايا ولما يكون العربيه عليها معجون كتير لعيوب في الصاج يفضل تخلي البويه تقيله اثناء الرش

وخلي بال حضرتك ان مش اي صنايعي يعرف يطلعها كده الا اذا كان صنايعي علشان ميبربرهاش ( يسيلها يعني ) علشان هتضر تصنفرها بعد كده علشان تشيل التسييل ومش هتطلع زي مانت عاوز بتبقي محتاجه صنايعي خبره في الرش

[FAR!D]

باشا لو تكرمت تكلفه رش نوبيرا جانبين بالكبوت بدون السقف و الشنطه كام بالبويات

[أيمن الروبي]

اللون اعتقد ميتالك يبقي في حدد 1300 ج

[humyum]

الدهان المط ده بيتشال عادى ولا ايه وله تأثير على البويه الفبريكة و لا لأ و لا ده أساسا ورق مش دهان