فلتر سيموتا وk&n

[msha.misho]

المشاركة الأصلية كتبت بواسطة Injection الأسعار بتختلف حسب المحل والشكل, وفيه حاجات تقليد رخيصة جدا, ياريت تجيب من عند حد محترم. فلتر سيموتا من 250 الى 400 حسب الحجم. k&n من 350 الى 500 برضه حسب الحجم, والشكل. ده متوسط الأسعار بتاعة الفلاتر, بس الأسعار بتختلف أختلاف شاسع, وهتلاقى سيموتا ب 100 وده مضروب, وهتلاقى k&n رخيص وبرضه فى الغالب مضروب, أشترى من عند tps (عادل وجدى) أو enzo أضمن وأحسن, عادل وجدى موزع k&n معتمد.

ممكن بس حضرتك تقول لنا عناوين عادل وجدي و ENZO فين؟

[karim.salem]

الفلتر السيموتا الصينى بتلاقى السليكون بتاعه لونه ابيض او بيج و الاصلى بيبقى اللون بتاعه اسود و الفلتر السيموتا بيتباع بضمان 100,000 كم يعنى يعتبر مدى الحياه و السيموتا بيبدء من 145 جنية بالضمان و بيتعملة دورة تنضيف كل 5000 كم و على فكرة فى ناس فكرة ان ال k&n احسن على شان امريكى و غالى بس دى مش حقيقة روح اى محل و امسك الفلترين هتلاقى السيموتا اجمد من ال k&n لانو ضعيف و مش بيعيش 4 شهور لان الامريكان عماتا بيعملو منتج يعيش فترة قليلة و يغيروه بعد كده فمش عشان امريكى و غالى يبقى كويس و خلاص
و ENZO غير الاسم بقى Tuning Shop و العنوان بلوك 20 فى الحرفيين اول بلوك فى مدخل الحرفيين من جسر السويس خلف عبد السلام حسن للبى ام وده الرقم 01229464656 و تى بى اس برضة فى الحرفيين

[saasaa29]

طب انا جبت فلتر simota كان ب 170 والمفروض انوه تيوانى.... بس انا مش فاكر العلبه بتعتوه كانت عمله ازاى ولا مكتوب عليها ايه
فكنت عايز اعرف ازاى اعرف مضروب ولا لأ عشان انا كده شكيت وقلقت؟؟؟
ويريت لو حد يقولى لو مضروب هيأثر على العربيه؟
هوا لونه نبيتى وفأول الفلتر من قدااام مكتوب simota محفوره كده فى بتاعه لونها silver مش بلاستك بس مش هقدر احدد الماده بتعتوه
فيريت تقولوى ايه النظام فى الفلتر ده ؟
ويريت لو حد يقولى ازاى ارفع صوره ليه عشان انزلكم الصوره وتقولوى وشكرااا جدااا ليكم...