ايه الفرق بين الاتوس والاى تن

[الزيرو]

طب هى سعرها كام البيكانتو انا قريت فى المنتديات ان البيكانتو والاى تن نفس الشركة وهى هى تقريبا بس فرق الشكل بس

[الزيرو]

المشاركة الأصلية كتبت بواسطة m_ss2 البيكانتوا : شبابى متنفعش لعيلة . الاتوس برايم : شبابى ومتنفعش لعيلة . الاى تن : شبابى بس واسعة من جوة . الفيرنا : جميلة وواسعة . --------------------------------------------- الاربعة كويسين بدام جديد بس لما تشترى صنف حسب حالتك مع الاخذ فى الاعتبار الملاحظات الاتية . الاتوس/ استبعديها لانها ضيقة البيكانتوا/ ( جميلة جدا ) بس الاسعار الى موجودة عالية جدا علشان موديلات حديثة الاى تن / ( جميلة جدا ) المشكلة قطع غيار عالية بس طبعا مش هتفكر فيها دلوقتى خالص لان العربية هتبقى جديدة الفيرنا / واسعة وجميلة ومشاكلها محلولة وسعرها رخيص بس هتبقى كبيرة وهتتعبك فى سواقتها بالنسبة لحالة الشوارع والبلد اليومين دول ********* راى الشخصى ابعدى عن التقسيط ممكن تجيبى كيا برايد مستعملة بالمبلغ وتكون حالتها حلوة او جيلى باندا او اسبرنزا 110 A استعمال وهتكون حالتها قريبة من الجديدة علشان صينى والمستعمل بتاعها سعرة رخيص ممكن تزودى 20 الف وتنزلى السوق هتجيبى حاجة كويسة جدا بيكانتوا او الاى تن ------------------------------------------------------------- والله اعلى واعلم

الحقيقة انا عايزة اجيب زيرو عشان ست فممكن يضحك عليا فى المستعمل واكيد اللى هيبيع العربية هتكون مش مريحاه مفيش حد مريحاه عربية ويبيعها وعشان مش كل شوية اروح عند ميكانيكى او ادور على حد يروح معايا واتقل على الناس وانا من راى حضرتك فى العربيات اللى فوق يبقى افضل الفرنا والاى تن وسعرها متقارب جدا 64 و68 حسب الكلام اللى سمعته فى ناشينوال موتورز بس المهم انه فيهم

[الزيرو]

فى امكانيات العربيات بالنسبة لسعرها انه احسن فى الاربعة يعنى ازاى اى تن ب64 ومينى وازاى الفرنا ازيد منها ب4000 بس انا مستغربة

[الزيرو]

المشاركة الأصلية كتبت بواسطة MR_SELVESTER هو حضرتك لو عاوزة تجيبي جديد فمن وجهة نظري اشبك عربية فيهم وعملية بجد جدااا وعن تجربة فهي البيكانتو وعلي فكرة سعرها في زيادة مستمرة بس قسطها هيبقي غالي وغالبا كل الاقساط هتعدي ال 1000 جنيه وحضرتك مدرسة فأكيد مرتبطة بمرتب دا لو مكنتيش بتدي دروس بقي :d يبقي اتكلي علي الله في البيكانتو ... _________________________ _ بس نصيحتي هاتيلك 128 او فيورا علي قدك كدا ومشي بيها لحين ميسرة

لو على 128 كنت جبت من زمان وقدامى كتير بس انا عايزة اجيب بالمرة ومش حابة العربيات القديمة والحمد لله مش بدى دروس مع انى مدرسة انجليزى كفاية معاناة اهل العيال مش عايزة ابقى طرف فيها

[احمد على 1999]

عن تجربة لسة جايب شهر 10 اللى فات ال i10 اتوماتيك ب 73 و نص
طبعا تستاهل لان فرق الجودة لصالح ال i10 عن الفيرنا لان الفيرنا كبيرة صحيح بس متقفلة فى مصر عكس ال i10 متقفلة فى الهند اهو الهند ارحم
انا مجربتش الفيرنا بس من قرائتى فى المنتدى فيها عيوب فى الرادياتير و العفشة و الشاكمان و الزوايا عكس ال i10 هريتها مشى و سفر و مفيش شكوى الحمد لله
ده تفسير تقارب الاسعار
و فعلا ال i10 واسعة من جوه بطريقة ملفتة
مما لا شك فيه البيكانتو احلى بس غالية جدا يعنى ال i10 غالية بس البيكانتو غالية اوى و برضه لنفس السبب ...الجودة ....البيكانتو جودتها اعلى