انا عاوز اشترى صنى .... ياريت تساعدونى

[wadgentle]

السلام عليكم .....
بصراحة انا كنت استقريت على الصنى قبل ما اعرف المنتدى دة .....بس لمل قريت شوية فى مواضيع المنتدى ....... لبست فى دماغى صنى يعنى صنى ..... و ان شاء اللة هاشترى صنى .... المهم .... انا معايا 58 - قول 60 - ..... و مش عارف دول يجيبولى موديل كام 2001 ولا 3 ولا 5 ؟ و اوتوماتيك ولا مانيوال ؟
ثانيا انا لسة متعلم السواقة ومطلع الرخصة ..... يعنى ابيض فى العربيات و مش عارف لما اشوف عربية اتأكد ازاى انها حالتها كويسة ..... بطريقة تانية اية اللى يخلينى اشترى العربية دى ولا لأ؟ الناس كلها اجمعت ان حالتها لازم تكون كويسة ..... اعرف ازاى ؟
و فى ناس بردة بتقول اكشف عليها فى التوكيل غير الميكانيكى و السمكرى - ازاى ..... يعنى اقول لصاحب العربة يالا نروح نكشف فى التوكيل ...... ولا اقولة اية ولا اعمل اية ؟؟؟؟ انا خلاص مش هاشترى عربية هههههههههههههههههه
لأ خلاص هاشترى ......... سورى ياجماعة انا طولت عليكم اعذروا جهلى

[د0تامر محمد]

المشاركة الأصلية كتبت بواسطة wadgentle السلام عليكم ..... بصراحة انا كنت استقريت على الصنى قبل ما اعرف المنتدى دة .....بس لمل قريت شوية فى مواضيع المنتدى ....... لبست فى دماغى صنى يعنى صنى ..... و ان شاء اللة هاشترى صنى .... المهم .... انا معايا 58 - قول 60 - ..... و مش عارف دول يجيبولى موديل كام 2001 ولا 3 ولا 5 ؟ و اوتوماتيك ولا مانيوال ؟ ثانيا انا لسة متعلم السواقة ومطلع الرخصة ..... يعنى ابيض فى العربيات و مش عارف لما اشوف عربية اتأكد ازاى انها حالتها كويسة ..... بطريقة تانية اية اللى يخلينى اشترى العربية دى ولا لأ؟ الناس كلها اجمعت ان حالتها لازم تكون كويسة ..... اعرف ازاى ؟ و فى ناس بردة بتقول اكشف عليها فى التوكيل غير الميكانيكى و السمكرى - ازاى ..... يعنى اقول لصاحب العربة يالا نروح نكشف فى التوكيل ...... ولا اقولة اية ولا اعمل اية ؟؟؟؟ انا خلاص مش هاشترى عربية هههههههههههههههههه لأ خلاص هاشترى ......... سورى ياجماعة انا طولت عليكم اعذروا جهلى

النيسان اليابانى يعنى لمو2005 سيارة ممتازة
مبلغ ال60 يجيب أوتوماتيك مو2002 ولن تندم

[koashraf]

الصنى عربيه كويسه وقطع غيارها بقت متوفره بأسعار معقوله ومركز الصيانه محترم وبالنسبه لسؤالك الكشف على السياره فى التوكيل عادى ودىحاجه لاتضايق البائع لوعربيته مافيهاش عيوب جوهريه وستجد كارت الصيانه على الكمبيوتر فى مركز الصيانه فيه كل الصيانات الى اتعملت للعربيه والاجزاء التى تم تغيييرها يعنى تاريخ السياره كامل وده حيساعدك بعد كدة فى صيانه السياره .

[koashraf]

على فكره نسيت اقولك ان الكشف فى مركز الصيانه حيكلفك من80 الى 150 جنيه واحيانا مجانا حسب العروض التى تقدمها نيسان للصيانه

[السنارىالبيس]

ساذهب اليوم لشراء نيسان صنى 2002 مانيوال 1300 سى سى بمبلغ 55 الف حالة جيدة جدا رشة من برة تنصحونى بالشراء ولا لأ