سوال محيرنى عن تركيب الصب ووفر

[انا بحب مصر]

ممكن اركب مثلا الصب بتاعى اللى مشغلة على الكمبيوتر كرياتف على كاست العربية بتاعتى ولا لا
ولو ينفع ياريت حد يقولى ازاى
عربيتى لادا 2105
وصورتها اهى

[a_e]

ايه الحلوه دى ياباشا
بسم الله ما شأ الله جميله بس متهيئلى انك لو قللت الحبشتكنات شويه من بره هتبقى فخمه خاصه وانها واقفه على حلها
وبالنسبه للصب عادى كل اللى هتحتاجه ترنس يضبط الكهربه والوصلات الصح وهيشتغل عادى
بس الافضل انك تعمل Sound System خاص بالعربيه وهيبقى الصوت ممتاز والشكل كمان يبقى لطيف
وانت ومزاجك فى الاول والاخر

[medogoda]

بص حضرتك الصب بتاع الكمبيوتر فيه ترانس بيحول ال220 فولت ل 12 فولت وكهربه العربيه 12 فولت فانت كدا هتضطر تشيل الترانس اللى فى الصب ودا برده مش صح علشان ممكن لو حصل حاجه فى كهربه العربيه الصب كله يتحرق لقدر الله وحضرتك انا جربت الفكره دى قبل كدا على صب فانتوم اللى هو مكتوب عليه 4000 وات بس الحمد لله كنت تسمع الصوت وانت فى العربيه بالعافيه فى حل بس انا مش مجربه بصراحه انك تجيب مكثف من 12 فولت ل 220 فولت وكدا مش هتشيل حاجه فى الصب بس انا معرفش نتيجته بصراحه... اتمنى اكون افدتك وربنا ييسرلك امورك

[باسم لانسر]

الاول اسمحلى اشيد بجمال العربية , بسم الله ماشاء الله ربنا يباركلك فيها بس زى ما مكتوب فى اول رد , قلل الحجات الى برا دا شوية العربية هتبقى فخمة اوى موضوع الصب دا , هيتعبك على ماتعمله وحتى لو عملته هتلاقى النتيجة مش الى فى دماغك اطلاقاً احسن حاجة اعمل طقم صوت للعربية سماعتين كينوود 500 وات النهاردة بيعملوا 340 جنيه واتمنى لو غلطان الاعضاء تصحح لى ربنا يوفقك ياباشا ويباركلك فيها

[mody_mt2007]

كاسيت بايونيير و سماعتين بايونيير 500 و عيش و سيبك بقى من موضوع صب الببيت دا خالص