مأساتي مع فرع النزهة و تحية إجلال و تقدير لأستاذ عماد حبيب

[ziabassem]

كل تأخيره وفيها خيره يا أبو حميد .. وإن شاء الله تفرح بيها لما تستلمها وتنسى الكلام ده كله .. واللينك ده حيبقى مهم ليك قوي وأنت بتستلم

http://www.masrmotors.com/vb/showthread.php?t=42768

وهو من ابداعات الرائع أبو ياسمين .. ربنا يمسيه بالخير ونسمع عنه أخبار كويسة عن قريب ويرجع يشارك معانا زي الأول .

[gad_fcis]

ألف ألف شكر يا باسم على اهتمامك و على فكرة أنا عملت 90% من نصايح أبو ياسمين امبارح و وقت الإستلام هأكد على النصايح ديه


و ذي ما اتفقنا أول لما استلم على خير عايزين نزبط مقابلة

[ziabassem]

المشاركة الأصلية كتبت بواسطة gad_fcis ألف ألف شكر يا باسم على اهتمامك و على فكرة أنا عملت 90% من نصايح أبو ياسمين امبارح و وقت الإستلام هأكد على النصايح ديه و ذي ما اتفقنا أول لما استلم على خير عايزين نزبط مقابلة

إن شاء الله عن قريب نتقابل ... وأكتب الحاجات دي في ورقة أو اطبعها وخدها معاك علشان متنساش حاجة .. والله المستعان

[محمد سرور]

الف مبروك مقدما ومنتظرين التقرير المبدئى بعد ماتركب العربية وتمشى بيها من سحب وثبات ونعومة .........الخ وربنا يوفقك فى اختيارك

[مينتشو]

المشاركة الأصلية كتبت بواسطة gad_fcis أولاً أنا أسف على التأخير ثانياً أخيراً العربية جت امبارح و الملاحظ إن طريقة تعامل مدير المعرض اتغيرت شوية للاحسن و إن كانت لسة مش على المستوى المتوقع من مدير معارض بس فيه حاجة للأسف هتأخر الإستلام و هي إن اجراءت البنك هتاخد وقت عشان تمشي و كمان إن لسة موافقة هيئة الإستثمار أو جواب المرور بتاع العربية مجاش و هيجي على حساب كلام مدير المعارض كمان 3 أو 4 أيام على أي حال المهم انها جت ، و هقلكوا ملاحظتي عليها سواء عيوب أو مميزات : المميزات : 1- تقفيل العربية كويس أوي إلى حد كبير بإستثناء بعد الحاجات حقولها في العيوب 2-العربية جاية بسماعتين ورا ، يعني كدا العربية 4 سماعات مش سماعتين في الباب بس 3- تقفيل العربية كان أحسن من اللي شفتها في معرض الأهرام (كانت مستوردة من الصين) 4-كل ال كماليات اللي في العربية تعمل بكفاءة (الزجاج الكهربائي و المرايات و فتحة السقف و الأنوار ) -تكييف العربية ممتاز و متحسش بصوت علو الموتور و إنت قاعد جوا العربية 5-حسيت و أنا جوا العربية اني فعلاً أحسنت الإختيار الحمد لله العيوب : 1-شنطة العربية لازم تترزع رزعة محترمة عشان تقفل 2-الحتة اللي بتعمل كونترول منها على فتحة السقف حسيت انها مش ثابتة كويس في مكانها ، يعني تحس إن فيه فرق بسيط بين البلاستيك و السقف 3-كعادة كل عربية BYD f3 فيه تقوس بسيط من النص في الإكسدم الخلفي 4-كان فيه فيشة واقعة مابين الإكسدام و الرادياتير كانت جانب الكلاكس، أنا مش خبير أوي في العربيات بس أنا يتهيئلي انها حساس و المشكلة اني لما سألت الولد اللي كان بيفرجني على العربية لقيته بيقولي تلاقيها فيشة زيادة ، أموت و أعرف بيجبوهم منين و بيعينوهم على أي أساس ، ازاي كلمة زي ديه تطلع من واحد المفروض إنه شغال في مجال السيارات (أنا خايف أطلع أنا اللي جاهل و تكن فعلاً فيشة زيادة ) أخيراً أحب اشكر كل اللي ساعدني في إختيار العربية و كل اللي قدملي نصيحة و واساني من وقت كتابة هذا الموضوع ملاحظة أخيرة عشان أكون صادق معاكو ، مدير المعرض وراني ورق لعملاء تبع البنك الوطني للتنمية (اللي أنا هقسط تبعه) و بيقولي إن الورق خلص من غير ماتكون العربية موجودة ، كل اللي حصل إن البنك خد رقم شاسيه و موتور و الورق مشي لحد ما العربية تيجي ، بيقولي البنك الوحيد اللي بيشترط إن العربية تكون موجودة هو بنك ناصر ، هو بيقولي كدا عشان أنا كنت مصر على وجود العربية عشان ورقها يمشي في البنك زي ما مندوب البنك أكدلي ، أنا مش عارف بقى هل كل مندوب ولا كل فرع بيمشي بمزاجه ولا إيه؟ و خصوصاً إن كدة ميعتبرش إسلامي على حد علمي

زغروطه كبييييييييييييييييييييييي يييييييييرة الف الف الف مليون مبروك الف حمد وشكر ليك يا رب انا فرحانلك قوى يا اخى وانا كنت مستنيك امبارح بس انت اتاخرت عليا بس على العموم الف مليون مبروك على العربيه وربنا يديك خيرها وكفيك شرها ( قولو امين ) وعقبالنا كده يا رب بس شوفت كلمه ( هيئه الاستثمار ) لو عوزت اى حاجه من هيئع الاستثمار انا كل يوم هناك وفى الخدمه وده رقمى ( 0129154016 ) وتحت امرك عشان انا فرحان كانى انا اللى اشتريت العربيه واخيرا الف الف مبروك بس متنساش التقرير بعد الاستلام ان شاء الله
ومحتاج لرايك فى شراء هذه العربيه من عدمه بس ابقى قولى رايك بامانه وانا متاكد انه هيكون بامانه عشان شكلك شخص محترم ( والف مبروك )