خايف اشتري C3 ارجوكم ساعدوني

[mohamedkamel8677]

المشاركة الأصلية كتبت بواسطة ayman abdelrazek وضح بالفعل من كلامك انك ماعندكش اى درايه بالسيارات الفرنسيه لأنك وضعتها فى مقارنه مع السيارات الكورى والصينى ونحن بالفعل نلتمس اليك العذر على هذا والنصيحه لك فلا تنصحنى ولا تكترث بنصحى ونصيحتى انا لك ان تقوى معلوماتك الضحله فى السيارات الفرنسيه حتى تتحدث عن علم وعن درايه كافيه اما بالنسبه للعملاق الالمانى اللى بتتكلم عليه فده مش موضوعنا عندك مواضيع كتير للمقارنه اللى من النوع ده ممكن تتكلم فيها

يا أستاذ أيمن احنا اول مرة نتكلم مع بعض و لا انا و لا انت هنكسب او نخسر حاجة لو السيارات الالمانية او الفرنسية كسبت احنا فى الاخر بنوضح وجهات نظر لبعض و ممكن اللى يكون ينفع عندى مينفعش عندك و العكس صحيح .. و للاسف الشديد ان احنا اصبحنا مجتمع استهلاكى فقط كل دورة هو ابداء الرأى فى الصناعة الواردة الينا دون ان يكون لنا ادنى دور فى صناعتها حتى السيارات المصنعة فى مصر هى مجرد تجميع فقط و ليس تصنيع و انا اتمنى ان مصر تنتج سيارة حقيقية بمعنى كلمة سيارة و صدقنى ساعتها هشجعها و هشتريها كمان و هنحاز لبلدى و ساعتها مفيش اى صناعة نحن غير مشاركين بيها هتملى عينى بس انا وضحت وجهة نظرى من واقع خبرتى فى العمل و فى النهاية الاختلاف فى الرأى لا يفسد للود قضية و سعيد بمعرفتك و تبادل الاراء معك

[Ahmed Anwer]

ده رأيك و رأي العالم كله ،،،،

بس بعض الناس في مصر لسه بتقاوح

كويس إن رايك جااي من الدنمارك

عشان يقتنعوا

[mohamedkamel8677]

المشاركة الأصلية كتبت بواسطة ayman abdelrazek ياراجل ده انت طيب اوىىىىىىىىىى رداءة الخامات الله يسامحك كلامك ده معناه حاجه من اتنين 1- انك متعرفش العربيه الستروين نهائيا ولا عمرك دخلتها ولا سمعت عنها 2-انك تكون راكب بنتلى او مازيراتى او ممكن استون مارتن

و على فكرة انا مش راكب بنتلى او مازيراتى او استون مارتن و مفيش داعى اقولك انا عندى اية لأن الإنسان يُقيم بنفسة مش بسيارتة و يكفى انك تعرف ان الى اليوم انا محتفظ بعربية تويوتا كورولا موديل ٨٦ موتورها ١٨٠٠ CC ديزل و لو ابيع او ابدل اللى عندى لكن دى بالذات لأ لأ لأ

[kokolata]

ياجماعا احنا كده خرجنا عن الموضوع الاساسى وهو مساعده "يحيي خالد احمد" فى اختيار السياره,
وللتوضيح فقط احنا لما بنقارن بنقارن بين العربيات اللى للاسف بتنزلنا مصر وبين اسعارها وبين امكانياتنا مش بنقارن بين العربيات اللى موجوده فى العالم لان لو احنا قارنا كده هنلاقى الف عربيه احسن من السترويين ومن bmw ومن حتى المرسيدس, ده حتى الدول العربيه فىها عربيات برقبه اللى موجود عندنا الف مره وبربع الثمن ويمكن اقل.

[zoomaa&mizaa]

بس فغلا يا جماعة الفرنساوى كلة مشاكل بدون الدخول فى فنيات .
ونصيحتى للأخ اللى بيسأل عن الc3 بلاش عربية قطع غيارة نار وسعرها بينزل جامد وملهاش سوق مع العلم أنها سيارة مريحة جدا وفيها كماليات كتير أوى وشكلها جميل .