هااااااااام :: بخصوص الترموستات ل فيات 128

[محمد حسن عبد الرحمن]

والله مش عارف يا باشا بس حضرتك ممكن تعمل بحث عن مروحة الشاهين هنا على مصر موتورز بيتهيالى من فترة أحد الأعضاء المحترمين كان بيكلم عن تجربتة لوضع المروحة الشاهين فى سيارتة الـ128.
وربنا يوفقك باذن الله.
وأرجو أنى أكون أفدت حضراتك.

أخوك محمد

[ezzat2002mo]

بص يا باشا ال 128 درجه الحرارة فيها ما بتقلش فى الصيف حتى مع تشغيل المروحه عن 90 وعموما افضل حرارة لاحتراق البنزين هى 90
انا قعدت مدة كل شويه اغير ترموستات وكل شوية يقولى الكهربائى هات الاقل هات الاعلى لحد لما زهقت وقمن هامل مفتاح من جوة العربيه بافصل واشغل المروحه بيه وماشى بقبالى 4 سنين هلى النظام دة وجبت مروحه معرفش هيه بتاعه الشاهين ولا لا بس هيه محترمه وقويه ب140 جم ومن حوالى 5 سنين كنت غيرت الرادياتير بواحد جديد نحاس 3 ماسورة ودة بيدى تبريد افضل وكان بحوالى 280 جم واخد القديم ب40 جم يعنى 240 جم كله ومن ساعتها ملمستوش ال مرة واحدة لحام خرم صغير ب 15 جم

[mizo_128]

انا مركب عندي 80-90 والمروحة في الشتاء مش بتشتغل غير مرة كل نصف ساعة وفي الصيف مرة كل 10 دقائق وده معدل كويس جداً بالنسبة للويل اللي كنت بشوفه لما كنت مركب 68-82

[mr_astra]

ثرموستات 80 : 90
ردياتير 3 ماسورة
مروحة ردياتير لطش
طلمبة مياه جديدة
وسير جديد
تساوى تبريد احسن ومحافظة على درجة حرارة الموتور

[mama_1979]

الكهربائى كان مركبلى 68-82 ، والمروحة مكنتش بتفصل من بداية المشى وحتى التوقف
جبت 80-90 وركبتها والحمدلله المروحة بقت بتشتغل وتقف على حسب حرارة الجو وسرعة السير ، طبعا درجة الحرارة بتزيد مع السير داخل المدينة او فى الاشارات وبتقل مع السير الطوالى على الطرق السريعة.