محتار بين 131 - 132 - ريجاتا - بولونيز - 504 - 305 - 929 ارجو الافاده

[didos]

بص يا سيدى
اولا مع احترامى لاراء الجميع لكن اسعار النت مش مقياس خالص والكلام ده مبالغ فيه انا واحد صاحبى جايب 504 مافيهاش شعرة ب 20 الف وال 132 شفت واحدة تعبانة ب 7.5 يعنى عمرها ما هاتكمل ال 12 مصاريف وموضوع العربيات اللى كانت تاكسى بتبقى ارخص من كده يعنى البيجو من 10 ل 18 وال فيات واللادا من 6 وطالع ساعة الشراء راعى 4 حااجات
1 - اصبر كويس جدا ودور براحتك
2 - سيبك من اعلانات النت وشوف اصحابك ومعارفك وسواقين التاكسى والصنايعية
3 - اهم اهم حاجة يكون صاج العربية 1000 فى المية والباقى مقدور عليه لان ده اكتر حاجة بتصرف وعمرها ما ترجع زى الاول وممكن تتغش فى الشراء فيها انما الموتور ممكن يتسقط والتابلوه يتغير وكده
4 - لااااااااازم تعمل حسابك ان العربية اكيد هاتصرف معاك يعنى على الاقل جنب 3 الاف
اما عن رايى المتواضع فى الاختيار
البيجو 504 ممتازة جدا بس طبعا الحالة ويكون دخلك كويس لان قطع غيارها غالية بس بتعيش جدا
ماذدا 929 دا لو انت عايز عربية شبابى وقطع غيارها متوفرة عندك ساعتها ممكن تشتريها من 10 ل 12 الف و5 كمان يخلوها طيارة انما هيا مش بتاعة عيلة
الفيات القديم على الرغم من جماله لكن ابعد عنه تماما لاسباب كتير
اللادا فيها عيوب بسيطة يعنى ناشفة فى سواقتها ومحتاجة متابعة للعفشة دايما انما فيها ميزة خطيرة انها بتنزل لحد دلوقتى زيرو يعنى عمرك ماتحتاس فى قطع غيار وعندك
لادا 1200 و 1500 من 8 ل 12 الف و 2105 اغلى شوية بس تحت ال20 وعلى فكرة الفروق بينهم تعتبر اغلبها فى الشكل والصاج انما الباقى واحد
323 كل اصحابها بيشكروا فيها بس ماليش تعامل معاها وعلى الرغم من انها كبالن لكن ثابتة ع الطريق
ولو عايز اسعار قطع غيار ال323 او ريجاتا او لادا انا مسجلهم عالكمبيوتر ممكن ابعتهوملك

[zico7m]

المشاركة الأصلية كتبت بواسطة didos بص يا سيدى اولا مع احترامى لاراء الجميع لكن اسعار النت مش مقياس خالص والكلام ده مبالغ فيه انا واحد صاحبى جايب 504 مافيهاش شعرة ب 20 الف وال 132 شفت واحدة تعبانة ب 7.5 يعنى عمرها ما هاتكمل ال 12 مصاريف وموضوع العربيات اللى كانت تاكسى بتبقى ارخص من كده يعنى البيجو من 10 ل 18 وال فيات واللادا من 6 وطالع ساعة الشراء راعى 4 حااجات 1 - اصبر كويس جدا ودور براحتك 2 - سيبك من اعلانات النت وشوف اصحابك ومعارفك وسواقين التاكسى والصنايعية 3 - اهم اهم حاجة يكون صاج العربية 1000 فى المية والباقى مقدور عليه لان ده اكتر حاجة بتصرف وعمرها ما ترجع زى الاول وممكن تتغش فى الشراء فيها انما الموتور ممكن يتسقط والتابلوه يتغير وكده 4 - لااااااااازم تعمل حسابك ان العربية اكيد هاتصرف معاك يعنى على الاقل جنب 3 الاف اما عن رايى المتواضع فى الاختيار البيجو 504 ممتازة جدا بس طبعا الحالة ويكون دخلك كويس لان قطع غيارها غالية بس بتعيش جدا ماذدا 929 دا لو انت عايز عربية شبابى وقطع غيارها متوفرة عندك ساعتها ممكن تشتريها من 10 ل 12 الف و5 كمان يخلوها طيارة انما هيا مش بتاعة عيلة الفيات القديم على الرغم من جماله لكن ابعد عنه تماما لاسباب كتير اللادا فيها عيوب بسيطة يعنى ناشفة فى سواقتها ومحتاجة متابعة للعفشة دايما انما فيها ميزة خطيرة انها بتنزل لحد دلوقتى زيرو يعنى عمرك ماتحتاس فى قطع غيار وعندك لادا 1200 و 1500 من 8 ل 12 الف و 2105 اغلى شوية بس تحت ال20 وعلى فكرة الفروق بينهم تعتبر اغلبها فى الشكل والصاج انما الباقى واحد 323 كل اصحابها بيشكروا فيها بس ماليش تعامل معاها وعلى الرغم من انها كبالن لكن ثابتة ع الطريق ولو عايز اسعار قطع غيار ال323 او ريجاتا او لادا انا مسجلهم عالكمبيوتر ممكن ابعتهوملك

ياريت طبعا اسعار قطع الغيار

[didos]

الموضوع ده علشان خاطرك
http://www.masrmotors.com/vb/showthr...d=1#post289556

[emam 214]

انا من راى 131 افضل اختيار عشان متتعبكش فى المطبات ، يليها المازدا 323 هاتش باك عشان تكون فى رنج السعر دة ولو لقيتها سيدان يبقا خير وبركة بس المهم فى الاثنين (الحاااااالة ) تكون كويسة . بس للاسف هتزود شوية فوق ال 20 الف العربيتين دول بالذات اسعارهم غالية شويتين واصحابهم بيبالغوا فى سعرهم عن تجربة فى السوق وربنا يوفقك .

[harpoonattack]

انا ارشحلك :
1- ريجاتا
2- فيات 131
والاتنين زى الفل وعن تجربه شخصيه وبالنسبه للسعر اللى انت محدده فادلوقتى العربيات تعتبر فى الارض وان شاء الله تجيب حاجه من الاتنين كويسه وكويسه اوى كمان وانا رأئى لو لقيت ريجاتا كويسه 87 او 88 مثلا نضيـــــــــفه اتوكل على الله وطبعا هتكون فابريقه دواخل وسعرها هيكون 17000 تقريبا ......... والله الموفق

خالص تحيـــــــاتى