seat 133 tuning

[M.TONSY]

مسخرة السيات مونستر

احمد على 1999, mar mar, Mo7amed Elnimr, nktis, RENAULT 18, tarbook, zaraki

:140109~3 47::140109~34 7:: 286:

nktis

: 140109~347::1 40109~347:SLA M

[borio1704]

المشاركة الأصلية كتبت بواسطة hazem_khidr بتجيب الكلام دا منين يا ادمير نفسي اعرف بجد برافو بالنسبه لصاحب الموضوع حاول تلاقي 126 افضل من السيات 133 مشكله السيات الازليه في السخونيه و الفتيس السخونيه مالهاش حل حتي الآن و جميع الافتكاسات لم تلقي استحسان اما الفتيس فنسب الغيارات ضعيفه و للاسف مافيش فتيس تاني يركب عليها

السخونية ليها حل... بس المهم نفهم الفكرة

السيات 133 غير بقية العربيات اللي متعودين عليها في مصر
فتحات التهوية اللي ورا مش معمولة عشان تدخل هوا بارد على الموتور... بالعكس... عشان تطرد الهوا السخن

أمال الهوا البارد بيدخل منين؟؟؟

العربية فيها فتحات من تحت بتدخل الهوا الساقع على الرادياتير، والمروحة بعد كده تسحب الهوا وتطرده بره... بس الخدعة الكبيرة إن المروحة بتسحب الهوا ناحية الموتور... يعني لقدام .. مش لورا.. وفيه مجرى جوه الكبوت عشان يساعد الهوا يخرج برا

زي الرسمة دي


اللي عنده السيات يجرب يعمل كده ويقوللي النتيجة إيه

...

[sonsta77]

بسم الله الرحمن الرحيم

الزميل اللي كان بيسأل علي السيات 133
انا ممكن اجاوبك علي كل اسئلتك بخبرتي فيها لاني امتلك هذه السيارة منذ سنتين ونصف هبدأ اولا بالمميزات:-
1-السعر رخيص ودي تهمنا كلنا
2- عربيه صغيرة وممكن تناور بيها في الزحمه كويس جدا وممك تركنها في اي مكان
3-بتشم البنزين يعني انا بمون مرتين في الشهرمثلا علي اقصي مدي 3 مرات
عيوب السيارة قبل التعديلات:-
1-السخونه
2-الصوت العالي
3-علبة التروس
4- الفلنشات
5- الموتور بتاعها غالي جدا حيث ان الموتور والفتيس استعمال خارج عاملين 3500 جنية دلوقت والكلام ده من حوالي شهرين في بور سعيد.
6-السيارة ضيقة بالنسبه للكنبه اللي ورا.
نيجي للتعديلات ونقول علي اثرها وده بالتجربه وعلي فكرة ممكن اصورلكم عربيتي وانزلكم صورتها ولو الاخ اللي بيسأل من القاهرة انا نازل القاهرة يوم الجمعه ان شاء الله في شغل يديني تليفونه افرجه عليها بس انا مش ببيع ده عشان ياخد فكرة بس نقول التعديلات :-
1-الحراره
لازم يكون الرادياتير بحاله جيده جدا زي ماكلنا عارفين بنطول الفلنشه ونشيل القميص ونركب مروحه 124 او 131 وبنصغر الطنبورة اللي في طلمبة المياه عشان تزود سرعة دوران المروحه ونعمل فتحه ورا الرادياتير في الصاج عشان تعبي الهوا من تحت وتركب المروحه بحيث انها تشفط من الردياتير مش تضخ وده بالتجربه شغاله 100%انا سافرت بيها اسكندريه اكتر من مره وفي الصيف وعمري ما ريحت بيها في السكه السرعة كنت بمشي حوالي 80/90 وساعات بزود شويه لل 100لاكن مامشيتش بيها علي ال100 فترة طويله مع العلم اني كنت بسافر وارجع بيها في نفس اليوم واول مره اعملها عمره كان من شهرين وده بعد استعمال سنتين ونصف .
2-الصوت العالي -للاسف مالوش حل
3-علية التروس او الفتيس تروسه احجامها قريبه جدا من بعضها فا مبيديش مدي اوسع للسرعه بين الغيارات انا فكيته بنفسي وكنت عاوز اعمله اي تعديل لاكن للاسف مانفعش بس اخر فكره مجنونه جاتلي اني هدور علي فتيس اوتوماتيك وان شاء الله هحاول اعدله واركبه وابقي اقولكم لاكن لحد الان الفتيس مالوش حل.
4-الفلنشات بتتعدل بكبالن 128 ولحد دلوقتي ماجيتش ناحيتها منساعت ما اتعدلت.(عمليه جدا )
5-الموتور غالي انا حليت الموضوع اني عمرتها ستاندر يعني رجعتها لاول خرطه تاني وكله جديد كلفتني 1650 جنية وممكن تركبلها موتور 127 وده استيراد تمنه 1450 جنية بس بتغير عامود الكامه بتاع ال127 بعامود كامه بتاع 133 عشان الحركه 127 جر امامي موتور امامي 133 دفع خلفي موتور خلفي وده بيزود من سرعة العربيه لان السي سي بيزيد اما بالنسبه للموتور 124 او131 ماينفعش يركب لانه هيبقي شديد علي الفتيس وهيدمره بسرعه والفتيس غالي سعره عدي 1000 جنيه.
6-ضيق السياره من النبه اللي ورا بتخلي السرووجي يقصرها شوية بتبقي زي الفل.
اخيرا تعديلات اخري عملتها بنفسي :-
1- الدينامو جبت دينامو هيونداي ماتريكس وركبتهولها الكلام ده من سنه كان تمنه 200 جنيه والسبب في التعديل ده اني لاقيت ان الدينامو بتاعها غالي تمنه 170جنيه يبقي بتاع الماتريكس افضل وانا اللي عدلته مش الميكانيكي او الكهربائي.
2-الكراسي بتاعتها مش مريحه حتي لو نجدتها انا عدلتها بكراسي هيونداي فيرنا 2009 وشغاله جميله جدا ومريحه جدا انا كنت شاريهم من واحد تاجر اعرفه ب 750 جنيه في حين ان كراسي ال 133 استعمال خارج ب 350 وهتاخدهم تنجدهم برضه وتضبطهم يعني الي انا عملته كلفني شويه بس خلي العربيه في السفر مريحه جدا .
ولو حد عايز الكتالوج بتاعها يقولي انا عندي اتنين ممكن ارفعهم واحطلكم اللنك بتاعهم .

وربنا يوفقك وتقد تختار وتشتري حاجه كويسة