العودة   مصر موتورز مجتمع السيارات > السيارات الكورية والماليزية > Hyundai هيونداى > Hyundai Excel - اكسيل


إضافة رد
 
أدوات الموضوع
  #1  
قديم 30-07-2014, 02:56 AM
الصورة الرمزية sayed2077
sayed2077 sayed2077 غير متواجد حالياً

من انا؟: انا مش فارس ولا فتى احلام انا زحمة وربكه وشغل جنان
التخصص العملى: طالب هندسة قسم اتصالات
هواياتي: الكمبيوتر و السيارات
 
تاريخ التسجيل: Jul 2011
الموقع: القاهرة
المشاركات: 1,405
sayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond repute
مميز خلاصة تجربتى فى تركيب فتيس لانسر بطه على هيونداى اكسيل

السلام عليكم ورحمة الله وبركاته

تنيه هام :الموضوع ده من النوادر اللى ممكن تتكلم عن تركيب فتيس اللانسر بطه على هيونداى اكسيل نرجو التركيز الشديد
:23_1 0_13:


نبتدى الحكاية
بسم الله الرحمن الرحيم

بعد عناء عامين كاملين مع الهيونداى اكسيل بسبب الفتيس اللى راكب فيها الاربعه غيار توكلت على الله وقررت اجيب فتيس خمسه غيار بقى

طيب واحد يجى يسئلنى ايه الدافع اللى يخليك تدفع 900 جنيه
فى فتيس خمسه غيار مع ان الفتيس الاربعه غيار اللى كان راكب عندى كان شغال زى الفل بدون اى مشاكل نهائيا يمكن كان العيب الوحيد اللى فى الفتيس اللى عندى هو ان ما بين سرعة 70 الى 80 بتظهر صوت ونه خفيفه فقط لا غير بس الفتيس كان شغال كويس جدا لدون اى مشاكل وغياراته بتيجى بسهوله فائقه

اجاوب عليك واقولك ليه الفتيس الاربعه غيار بيخنق عربيتك على الطريق السريع ازززاى اقولك ازاى دلوقت لما تبقى جوه المدينه اغلب غيارات بتستخدمها هى اول وتانى وتالت ودول مفيش فيهم مشاكل نهائى بس المشكله لما تطلع على طريق سريع بقى
وتجيب الرابع وتحاول تفتح سرعتك على الطريق للاسف مش هتلحق تتهنى هتلاقى صوت الماتور اللى هيدوشك وهيصدعك بيطلع بعد سرعة 80 فقط

تخيلو ان على سرعة 80 على الغيار الرابع بيكون الاربى ام 3000 لفه كتييير اووووى

ولو اتجننت فى عقلك وقررت تطلع ل سرعة 120
تلاقى الاربى ام رفع معاك ل 4500 لفه

طبعا وقتها بتحس ان الماتور هيطلع من مكانه وغير استهلاك البنزين اللى بيبقى مضاعف والماتور اللى عمره بيقصر
غير الصداع اللى بيجيلك من صوت الماتور طبعا

طبعا كل الاسباب ديه كان لازم تخلينى افكر بجديه فى انى
اشترى فتيس خمسه غيار بدل الفتيس العقيم الاربعه غيار

طب واحد هيجى يسئلنى هيقولى ان كل العربيات
فى الاكسيل اللى ماتورها نازل من المصنع 1300 سى سى بيبقى جاى معاها فتيس 4 غيار فقط طب اللى بيصنع العربيه مكنش عارف العيب ده

الرد على السؤال ده كالاتى : ان المصنع لما بيجى يحط الفتيس الاربعه غيار فى العربيه اللى ماتورها 1300 سى سى بيبقى وقتها العربيه لسه زيرو فبالتالى حتى لو انت ماشى على 120 والاربى ام 4500 لفه كده كده مش هتسمع صوت الماتور لانه لسه جديد

غير كدا كانت برضو نحية اقتصاديه لانه كان عندك وقتها فئتين
1300 سى سى بفتيس اربعه غيار
سعره ارخص من
1500 سى سى بفتيس خمسه غيار
واللى كان معاه فلوس وقتها يشترى اللى يعجبه
وكل الاختيارت قدامه وانت كزبون براحتك

.....................
المهم جبت الفتيس فملقتش قدامى غير فتيس اللانسر بطه فقولت بما ان كده كده فتيس اللانسر نفس القواعد يبقى اجيبه على الاقل هيكون فتيس صناعه يبانى فبالتالى هيبقى جوده اعلى من فتيس الاكسيل الصناعه الكورى اتوكلت على ربنا واشتريت الفتيس بتاع اللانسر بطه وروحت على الميكانيكى ونزلنا الفتيس الاربعه غيار وركبنا الفتيس بتاع اللانسر بطه

الحمد لله ركب على نفس القواعد بالملى ونفس المسامير والمارش ركب عليه بدون اى مشاكل نهائيا

والتركيب كله اخد بالظبط ساعتين زمن

بس قابلتنا مشكلتين

المشكله الاولى ان فيه شداد من تحت الفتيس



زى اللى فى الصورة كانت المشكله فى الاتى ان زى ما انتو شايفين فى نحية بتركب فى العربيه والنحية التانيه بتركب فى الفتيس
المشكله بقى كانت فى النحيه اللى بتركب فى الفتيس كان قطر الدايره بتاعتها كبير خمسه ملى زياده عن اللزوم

طلعا فكينا الشداد وروحت عند الخراط وصغرنا قطر الدايرة الى بتركب فى الفتيس و عملنالها جلبه جديده وركب الحمد لله تمام

طب ايه المشكله التانية وخلو بالكم لانها ممكن تقعوا فيها
لانى عاوز اقولكم ان الفتيس اخد ساعتين فى التركيب
بس ظبتة الغيارت اخدت يومين بدون مبالغه
الميكانيكى بتاعى اللى ركب الفتيس قعد طول اليوم يحاول يظبط فيها لغاية ما جت الساعه 1 بليل
واخر ما غلب قالى بص دلوقت انا اقصى ما عرفت اعمل
خليت كل الغيارات تيجى تمام ما عدا التانى والمرشدير
مش بيرضو يجو ابدا ولو جبتهم بيطلعوا صوت تداخل التروس فى بعضها

المهم روحت للراجل اللى جبت منه الفتيس وقلتله الفتيس شغال تمام وزى الفل بس المشكله ان التانى و المرشدير مش بيرضو يجو نهائيا فقلتله اعتىن لواحد تبعك يظبطلى الغيارات تمام

ففعلا بعتنى لواحد ميكانيكى برنس تبعه ظبطلى الغيارت وقالى ان فتيس اللانسر بطه جرابات الغيارات بتاعته (السلك اللى متوصل بين عصاية الفتيس والفتيس ) طويلة بس فتيس الاكسيل الجرابات بتاعته اقصر 4 ملى بالظبط وقالى ان الميكانيكى بتاعك طول المشوار بتاع السلك من عند عصاية الفتيس عندك جوه العربيه
بس لو لاحظت هنا عند الفتيس فى صدادات مهما الميكانيكى طول مشوار الغيارات هتفضل الصدادات ديه وقفه ولا كانك طولت اى حاجه فبالتالى التعشيقه مكنتش بتيجى كامله

وقالى ان كل اللى عمله انه قلب الصدادات فلما قلبها المشوار طول 2 ملى وانا مكنتش عاوز غيرؤ ال 2 ملى دول علشان اجيب الغيارات مستريحه وقالى اروحله بعد العيد ان شاء الله علشان يزود المشوار 2 ملى كمان علشان الغيارات تيجى مستريحه اكثر
من كدا
والحمد لله بقت كل الغيارات تيجى بسهوله تماما

نيجى بقى لمميزات فتيس البطه

1:الفتيس بسم الله ماشاء الله هادى جدااااااا بمعنى اصح صامت وهنا تتفوق اليابان فى تصنيع سبائك المعدن المصنوع منها تروس الفتيس واللى بتكون اعلى جوده من سبائك المعدن بتاعت فتيس الاكسيل الاصلى المصنوع فى كوريا
2: بقيت دلوقت تقدر تفتح على الطريق براحتك بدون مشاكل
وبقى الماتور مستريح معاك فى النقلات اكتر بكتير من الفتيس الاربعه غيار

ديه كانت خلاصة تجربتى مع فتيس اللانسر بطه
واتمنى تكون حازت على اعجابكم
وكل عام وانتم بخير

وفى اخر الموضوع ادعولى ربنا يباركلى
وادعوا
اللهم اغفر للمؤمنين والمؤمنات والمسلمين والمسلمات
الاحياء منهم والاموات

و
السلام عليكم ورحمة الله وبركاته
__________________

جروب رابطه هيونداى اكسيل على
Facebook
اضغط هنا
-------------------------
للبيع قطع غيار السيارة هيونداى اكسيل
وكل السيارات الكورى
اضغط هنا
--------------------------
سبحان الله وبحمده سبحان الله العظيم
اللهم اغفر للمؤمنين والمؤمنات والمسلمين والمسلمات الاحياء منهم والاموات

سيد عصام
رد مع اقتباس
  #2  
قديم 30-07-2014, 04:10 AM
الصورة الرمزية محمد فيصل
محمد فيصل محمد فيصل غير متواجد حالياً

من انا؟: العبد الفقير لله
التخصص العملى: مهندس ميكانيكا السيارات
هواياتي: القراءة فى الموضوعات الفنيه وبالاخص فنيات السيارات
 
تاريخ التسجيل: Jun 2010
الموقع: الاسكندريه
المشاركات: 3,469
محمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond reputeمحمد فيصل has a reputation beyond repute
افتراضي رد: خلاصة تجربتى فى تركيب فتيس لانسر بطه على هيونداى اكسيل

100000000000 مبروك م.سيد
بارك الله لك فى جيربوكس البطة
حفظك الرحمن من شر الطريق فى بلد العجائب
__________________

رد مع اقتباس
  #3  
قديم 30-07-2014, 04:19 AM
الصورة الرمزية romeoalmansour
romeoalmansour romeoalmansour غير متواجد حالياً

التخصص العملى: Engineer
هواياتي: reading and reading
 
تاريخ التسجيل: May 2013
الموقع: cairo
المشاركات: 3,664
romeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond reputeromeoalmansour has a reputation beyond repute
افتراضي رد: خلاصة تجربتى فى تركيب فتيس لانسر بطه على هيونداى اكسيل

شكرا لنقل التجربة --- موضوع شيق جدا
__________________

............


الله العظيم أعلي وأعلم





اللهُــم يا فارج الهَم, ويا كاشف الغــــم, فرّج همّــي, وفُك كربي, واغفر ذنبي , وارزقنــي من حيثُ لا احتسب
ما شاء الله تبارك الله ما شاء الله لا قوة إلا بالله , اللهم إني أسالك الهدى والتقى والعفاف والغنى
اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك
لا نفع للمال اذا كانت النفس فقيرة ولا ضرر من الفقر اذا كانت النفس غنية


Its easy taking it apart. But getting it back together is another story





.
رد مع اقتباس
  #4  
قديم 30-07-2014, 04:33 AM
الصورة الرمزية ahmed_eng2001
ahmed_eng2001 ahmed_eng2001 غير متواجد حالياً
 
تاريخ التسجيل: Jun 2008
المشاركات: 2,509
ahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond reputeahmed_eng2001 has a reputation beyond repute
افتراضي رد: خلاصة تجربتى فى تركيب فتيس لانسر بطه على هيونداى اكسيل

مجهود رائع كالعادة .... ربنا يباركلك
__________________

رد مع اقتباس
  #5  
قديم 30-07-2014, 06:43 PM
الصورة الرمزية sayed2077
sayed2077 sayed2077 غير متواجد حالياً

من انا؟: انا مش فارس ولا فتى احلام انا زحمة وربكه وشغل جنان
التخصص العملى: طالب هندسة قسم اتصالات
هواياتي: الكمبيوتر و السيارات
 
تاريخ التسجيل: Jul 2011
الموقع: القاهرة
المشاركات: 1,405
sayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond reputesayed2077 has a reputation beyond repute
افتراضي رد: خلاصة تجربتى فى تركيب فتيس لانسر بطه على هيونداى اكسيل

الف شكر للجميع على كلامكم الحلو
وكل عام وانتم بخير
__________________

جروب رابطه هيونداى اكسيل على
Facebook
اضغط هنا
-------------------------
للبيع قطع غيار السيارة هيونداى اكسيل
وكل السيارات الكورى
اضغط هنا
--------------------------
سبحان الله وبحمده سبحان الله العظيم
اللهم اغفر للمؤمنين والمؤمنات والمسلمين والمسلمات الاحياء منهم والاموات

سيد عصام
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:30 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017