محتاج الخبراء في عربيه ستروين

[Hazem Elsayed]

السلام عليكم
دا اول موضوع ليا في المنتدي
و عايز اقولكم اني اتبهدلت في سوق السيارات لاني عايز اشتري عربيه محترمه قطع غيارها متوسطة السعر او غاليه بس بتعيش و تبقاش عربيه صغيرة و تكون ثابته علي الطريق متكونش بتحرق بنزين عشان انتو فهمين سعر البنزين كمان سنه مش عارفين حيكون بكام
اللي واجهته التالي
1- عدم منطقيه اسعار العربيات المستعمله علي الانترنت
بمعني ان لو واحد اتجن في دماغه و قال حبيع عربيتي ب 40 عشان واحد عرضها 38 و انا حالتي احسن تلاقي يجي بعد منه واحد من وجهت نظره انه عربيته احسن يبيع ب42 و هكذا بدون النظر لسعر السوق و الحاله دي في الستروين اكسارا اللى كانت 2002 ب37 من تلات شهور و انهاردة الناس بتبيع موديلات 2000 ب45 اللف

2- عدم امانه اللي بيبعو العربيات
يعني يقولك عربيه فبريكه و هو قصده انها مخبوطه بس مرضاش يصلحها عشان ميبقاش اترشت طيب و ايه يعني ماهي مخبوطه او مثلا التابلوه مكسر و كرسي السواق قاعدته مكسور و يقولك مرضتش اغيرهم عشان مبيبقاش عندي حاجة مش فبريكه

3- عدم وجود مراجع و ضوابط صريحة للحكم علي السيارات
يعني مثلا حبيت اجيب سي ثري ستروين قريت علي النت تناقض غريب في توافر قطع الغيار
حبيت اجيب اكسارا 2 2002 كله خوفني من توافر الفوانيس و الاكصدامات
حبيت اجيب اكسارا بيكاسو 2002 ( تحفه ) لقيت تناقض في توافر الفوانيس و دواخل العربيه و الحجات دي

اعمل ايه يا جماعه
انصحوني
انا قدامي تلت عربيات
1- اكسارا وان 2001 ماشيه 148 حالتها محترمه التابلوه بس مكسور من عند فتحه التكيف و كرسي السواق بايظ دراعه و البوهيه بتاعه الشنطه مقشرة بيتكلم في 38500
2- اكسارا 2 2002 ماشيه 245 حاله الماتور ممتاز بس العافشه فها صوت و خبطات في الخارج و الفرش مبهدل شويه التكيف مش شغال شرخ في الزجاج بيتكلم في 33000
3- اكسارا بيكاسو 2002 خربيش في الخارج فانوس ورا و قدام يمين مكسور الشبكه اللي قدام اللي عليها اللوجو مكسورة الفرش متبهدل ماشيه 120 الف بيتكلم في 45
4- ستروين c3 كتير قوي في السوق و خوفوني من توافر قطع الغيار استيراد و ان جديدة غاليه و مثلا الاسكاترا ب15000 جديدة ( ياترى هل في منها مستعمل ) سعر العربيه متوسط 38000

افتوني و يا ريت بذكر الاسباب التاليه
1- ثبات العربيه
2- توافر قطع الغيار
3- اعتماديه قطع الغيار و عمرها
4- متعه القيادة ( للعلم انا مش سواق شاطر لاني دي اول عربيه ليا )

مستني رٍئي اصحاب الخبرة و افيدوني افادكم الله

[soundstorm]

بص انا مش خبير فى الاسعار او الانواع
معايا اكسارا 1 مانويل 2001 اشترتها 35 من فتره حالتها محترمه بس كانت عايزه نضافه وطبعا كان فيها مشاكل لبستها فيها
المهم عايز تشتري لازم ميكانيكى انت تثق فيه يشوفها ومش يطفشك عشان معاه عربيه عايز يبعهالك
العربيه جامده فى الطريق ثابته قطع الغيار متوفر وفى المعقول يعنى مش اسعار الفيات ولا اسعار المرسيدس متوسطه ومعمره جدااا وخلى بالك العربيه دى اللى بيهنا سوء استعمالك والصنايعيه مفيش واحد اشتغلى فيها غير لما خربها بس هيا بتستحمل يشوف اللى بيهم لغايه ما تفهم وتعمل شغلها بنفسك وكمان مركب غاز طبيعى وماشيه تمام عليه يعنى عشان الازمات وكمان سعر ماتورها مقبول مش احسن من بنزين 80 ومشاكله بحطلها 92 دايما
حاجه اخيره هيا وجه نظر بس لما كنت عايز اشتري ركبت انواع كتيره بس المهم مش النوع المهم تركب العربيه تستريح نفسيا وتقول هيا دى فى الراحه والسعر كانها عروسه ربنا معاك ومتتاثر بكلامى بحاجه انا بحكى عن تجربتى اللى ممكن تكون فاشله بردوا