|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
 |
|
|
أدوات الموضوع |
|
|||||||
| مقارنات لمساعدة الأعضاء فى المفاضلة بين الأنواع المختلفة من السيارات |
|
|
|
أدوات الموضوع |
|
#1
01-07-2010, 04:42 AM
|
|||
|
|||
نيسان تيدا أم ميتسوبيشي لانسر أم كيا سيراتو ؟!!! - حاجة تحير
سلام عليكم
دلوقتي انا محتار جداً جداً جداً جداً ...... انا عاوز عربية في حدود 120 - 130 ألف و اللي عاجبني العربيات دي : - كيا سيراتو 2011 ( آخر فئة أوتوماتيك كوري - فول اوبشن ) و هيا ممتازة جداً من حيث الشكل الخارجي , و كمان من جوه تحفة برده .... السعر : 123 ألف جنيه . - ميتسوبيشي لانسر ( الشكل القديم ) زيرو .... اي نعم الشكل القديم , بس الصالون من جوه حاجة تانية ... مكونات ياباني و تقفيل ياباني ... و السعر 125 ألف جنيه . - نيسان تيدا .... يمكن الشكل بتاعها مش روش , بس واسعة من جوه و الصالون بتاعها يمكن احسن من الميتسوبيشي و أرقى شويه - مكونات ياباني - تقفيل ياباني .... السعر : 127.5 ألف جنيه . و الآراء اللي سمعتها لحد دلوقتي تتلخص في ان : - الياباني يكسب عن الكوري . - اللانسر بيعه أحسن من النيسان ( و لو ان في رأيي لو التيدا ح تتباع , ح تبقى بيعتها احسن برده ) . انا عاوز بس قبل ما اقرر ... اخد رأيكم .... يعني اعرف عيوب التلات عربيات ايه .... قطع الغيار نظامها ايه ..... التوكيل نظامه ايه .... و ياريت اعرف آرائكم عن تجربة شخصية مع العربيات التلاتة دي ...... و أنا رأيي لحد دلوقتي : التيدا ...... انا شايفها واسعة , يعني قعدت قدام لقيتها مريحة و واسعة و قعدت ورا برده واسعة و في مساحة ..... صالونها محترم .... و يكفي انها ياباني و تقفيلها ياباني برده ( و دي اهم ميزة يعني ) .. لكن انا قلت ما اتسرعش و اخد آرائكم الأول .... 
|
|
#2
01-07-2010, 05:05 AM
|
||||
|
||||
رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
أهلا و سهلا بك كعضو جديد بالمنتدى أنصحك كما نصحت أعضاء كثير قبلك بالبحث في المنتدى أولا بأقسام السيارات التي طلبت معلومات عنها سوف تجد الكثيييييير جدا إن شاء الله ممكن تزود أيضا بدائل تانية ؟ زي الكورولا مثلا ؟ أنا شخصيا بارتاحلها جدا.. على العموم الأمر يعتمد في الأساس على متطلباتك في العربية إيه ؟ يعني إيه أهمياتك و أولوياتك في مواصفات السيارة من حيث بلد الصنع و الجودة و إعادة البيع .... إلخ على العموم زي ماقلتلك دور في المنتدى كويس و بعد كدة نتكلم مشكور
__________________
![[IMG]file:///C:/DOCUME%7E1/ragy/LOCALS%7E1/Temp/moz-screenshot-4.png[/IMG]](image.php?s=ddebd4921e98c7f5d068068060a1c593&u=5722&type=sigpic&dateline=1317473683)
|
|
#3
01-07-2010, 05:27 AM
|
|||
|
|||
|
رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
بص يا باشا
أولاً شكراً على ردك الجميل ثانياً أنا دورت في منتديات و غير منتديات و سألت ناس كتير .... حضرتك بتقول الكورولا ممتازة , و انا برده مرتاح للتويوتا عموماً ..... بس المشكلة الأخيرة بتاعت تويوتا دي هازّة السوق بتاع تويوتا , فالواحد قلقان منها ..... اما متطلباتي بالنسبة للعربية .... فالواحد اكيد لازم ح يدور على عربية نضيفة , يعني الشكل كويس و الجودة نضيفة و الامكانيات قوية و الواحد يعني ميندمش لما يشتريها او لما يجي يبيعها .... و انا شايف ان التلات عربيات دول اجمل من بعض ( باستثناء الكورولا ) ... و دول في حدود الفلوس اللي معايا حالياً يعني .... الكيا السيراتو منظر و شكل جبار ....... الا ان عيوبها ( من اللي سألتهم يعني ) : عفشتها بتبوظ بسرعة و صاجها مش قد كدا ... و في نفس الوقت قطع الغيار اسعارها معقولة و المفروض انه يكون ليها سوق ( لانها انتشرت بشكل غير طبيعي ) اللانسر ..... خامات عالية و مكونات يابانية و تقفيل ياباني 100% ..... ليها سوق من زمان ..... و لو ان شكلها قديم و متعارف عليه , يعني مفيش غير تعديلات بسيطة جوا العربية بس ..... و تقريباً لحد دلوقتي مسمعتش عيوب , لان المعظم نصحني بيها يعني ... النيسان التيدا ... شكل العربية مش روش قد كدا , باحس انها ناشفة ...... مكونات ياباني و تقفيل ياباني ..... النيسان ليها سوق برده زي اللانسر او يمكن اقل منها بحاجة بسيطة .... صالونها محترم و اجمل من اللانسر ( موضوع اذواق ) .... اوسع من اللانسر من ورا و من قدام ..... و اغلى من اللانسر الجديدة ....... قطع الغيار - على حسب معلوماتي يعني - اعتقد ان قطع الغيار الأصلي للانسر أو للنيسان متقاربة في الاسعار الى حد ما .... قطع غيار الكيا اسعارها معقولة ..... التويوتا زي ما قلت لحضرتك .... انا كنت عاوز اجيب ياريس , لأن الكورولا الجديدة مش حلوة قد كدا ..... بس مشكلة التويوتا الأخيرة دي عملت قلق ...... و الصراحة انا قلقان اشتريها يعني ...... الموضوع محير ...... و الاسعار مرة فوق و مرة تحت ...... انا بس عاوز اشوف آراء حضراتكم بالنسبة للعربيات دي ... لو في حاجة احسن و في نفس الرنج ما بين 100 ل 130 ألف ياريت تقولوا ....... في انتظار آرائكم .....
|
|
#4
01-07-2010, 05:54 AM
|
||||
|
||||
|
رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
بص يا باشا انا لما بحب اشتري عربية اجيب عربية لية وللسوق عشان لما احب اغير وبكدة يبقي طبعا اللانسر بدون منافس عربية افضل من كل الاوجهة وسيبك ان الشكل قديم العربية دي عن تجربة مش هتكرر تاني ولو ركبتها عمرك ما هتفكر تركب السيراتو والنيسان حلوة بس لا تباع وبتخسر جامد جدا في اعادة البيع فخليك في المضمون وبعدين اللانسر قطع غيارها في كل مكان واي ميكانيكي بيفهم فيها ولو بتقارن صح يبقي تقارن اللانسر والتيوتا والهوندا مع فارق الاسعار طبعا
__________________
[SIGPIC][/SIGPIC]
|
|
#5
01-07-2010, 06:07 AM
|
||||
|
||||
رد: نيسان تيدا أم ميتسوبيشي لانسر أم كيا سيراتو ؟!!! - حاجة تحير
ثانياً أنا دورت في منتديات و غير منتديات و سألت ناس كتير .... طب كويس حضرتك بتقول الكورولا ممتازة , و انا برده مرتاح للتويوتا عموماً ..... بس المشكلة الأخيرة بتاعت تويوتا دي هازّة السوق بتاع تويوتا , فالواحد قلقان منها ..... المشكلة الأخيرة دي كانت في الجيربوكس الخاص بالMMT موديل 2008 و 2009 و دة مش موجود في 2010 و ماعتقدش شركة بتعترف بأخطائها عالميا و تكلف نفسها مليارات سمعتها تتهز اما متطلباتي بالنسبة للعربية .... فالواحد اكيد لازم ح يدور على عربية نضيفة , يعني الشكل كويس و الجودة نضيفة و الامكانيات قوية و الواحد يعني ميندمش لما يشتريها او لما يجي يبيعها .... الكلام دة موجود في عربيات كتير جدا ضيق مجال بحثك شوية و انا شايف ان التلات عربيات دول اجمل من بعض ( باستثناء الكورولا ) ... و دول في حدود الفلوس اللي معايا حالياً يعني .... على فكرة الكورولا 2010 1300 CC تمنها 128 ألف بس الكيا السيراتو منظر و شكل جبار ....... الا ان عيوبها ( من اللي سألتهم يعني ) : عفشتها بتبوظ بسرعة إزاي و ماحدش كمل بيها 100000 كم ؟؟ و صاجها مش قد كدا العربية دي واخدة خمس نجوم في اختبارات التصادم الأوروبية ... و في نفس الوقت قطع الغيار اسعارها معقولة و المفروض انه يكون ليها سوق ( لانها انتشرت بشكل غير طبيعي ) جداااا اللانسر ..... خامات عالية و مكونات يابانية و تقفيل ياباني 100% ..... ليها سوق من زمان ..... و لو ان شكلها قديم و متعارف عليه , يعني مفيش غير تعديلات بسيطة جوا العربية بس ..... و تقريباً لحد دلوقتي مسمعتش عيوب , لان المعظم نصحني بيها يعني ... رأيي الشخصي ابعد عن اللانسر لأن ملهاش سوق دلوقتي و أنا سمعت إن الشكل القديم مابينزلش إلا في مصر و بعض الدول المتقدة زينن كدة بالضبط زائد إن عغشتها ناشفة شوية و الفرامل فيها سريعة البوظان ( عن تجارب ناس ) النيسان التيدا ... شكل العربية مش روش قد كدا , باحس انها ناشفة ...... مكونات ياباني و تقفيل ياباني ..... النيسان ليها سوق برده زي اللانسر او يمكن اقل منها بحاجة بسيطة .... صالونها محترم و اجمل من اللانسر ( موضوع اذواق ) .... اوسع من اللانسر من ورا و من قدام ..... و اغلى من اللانسر الجديدة ....... التعليق الوحيد : لم تنتشر معرفش ليه ودي حاجة تقلق لوحدها قطع الغيار - على حسب معلوماتي يعني - اعتقد ان قطع الغيار الأصلي للانسر أو للنيسان متقاربة في الاسعار الى حد ما .... قطع غيار الكيا اسعارها معقولة ..... التويوتا زي ما قلت لحضرتك .... انا كنت عاوز اجيب ياريس مافيش منها دلوقتي و لو اني سمعت إن ال1500 حاتنزل قريب بس مشكلتها في الثبات, لأن الكورولا الجديدة مش حلوة قد كدا ..دي أذواق أنا رأيي إنها جميلة جدا... بس مشكلة التويوتا الأخيرة دي عملت قلق ...... و الصراحة انا قلقان اشتريها يعني ...... الموضوع محير ...... و الاسعار مرة فوق و مرة تحت ...... انا بس عاوز اشوف آراء حضراتكم بالنسبة للعربيات دي ... لو في حاجة احسن و في نفس الرنج ما بين 100 ل 130 ألف ياريت تقولوا ....... في انتظار آرائكم ..... لازلت باقولك إقرأ أكتر في المنتدى شوية صبر على القراءة مش أكتر [/QUOTE]
__________________
|
|
|
|
