تصحيح معلومة

[eldeab2008]

انا كنت قريت ياجماعة من يومين موضوع عاملة العضو ..............
ان الجى ام والبازوكا ممنوعة فى المرور واى زابط يفتش العربية ممكن ياخدة ويعملك مخالفة لا والاكتر من كدة ان الجنط اللى اكبر من مقاس العربية هوة كمان ممنوع
الكلام دة مش صح ومفيش قانون بيقول كدة
كل دة هجس انا سالت زابط فى الموضوع دة وقلى الكلام دة مش مظبوط
فياريت ياجماعة محدش يعمل مواضيع مفبركة علشان انتوا قلقتونا وكل لما الواحد يبقى مسافر بيشيل العدة

[حسام البورسعيدى]

من قال ان الكلام ده فبركة ...

الكلام ده فعلا صحيح بالنسبة لعده الصوت ..

اعتقد ان مصرح فى العربية ب 4 سماعات بس (ممكن 4 ورا و 2 ادام ويمشى الحال) ..

لكن البازوكا والكلام ده كله ممنوع ولو اتمسكت هيتاخد منك ..

اما بالنسبة للجنوط لما سألت قالولى ان من اول 17 ممنوع .. الا طبعا لو هو الاصلى بتاع العربية ..

بس الجنط ممكن يعدى لكن عده الصوت هى اللى بيرخموا فيها وبياخدوها ...



خلى بالك بقى .............

[matmm]

يصراحة ومن غير زعل الكلام دة كلة فبركة احنا مرخصيين الجولف بتاعت صاحبى فيها 4 سماعات و 2 جى ام و اتنين صب بلصنوووووق كبيييير وجنط 17 ريش عريضة يعنى باين جدا وشافهم كلهم لان فتحنا الشنطة علشان نشيل الفامية الى ورا قدامة وولا فتح بقة بكلمة

[hatem_eg]

اعتقد الجنوط مافيهاش حاجه
ولكن موضوع الكاسيت والساوند سيستم يمكن يبقا فيه مشاكل لو معلي الصوت
هو عموما الكلاكسات والكاسيت اللي صوته عالي اكثر من اللازم في اسكندرية من غير ما يشوفك مركب بازوكا والا اياكش بندقية رش حتى ، بتاخد مخالفة على طول ولو قفشك يبقا سحب رخص ، والكلام ده متطبق هناك من سنين ،، احتمال يكونو عاوزين يعمموه في مصر مش عارف.