حلقة نقاش حول الاستفتاء القادم عن التعديلات الدستورية

[AbOnOrA]

الدستور الحالى " المعطل" تم اصدارة فى عام 1971 اذن هو ليس وليد النظام الحالى وجرت عليه تعديلات فى 1980 اى قبل نظام مبارك ثم فى 2005
غالبية المواد التى افسدها النظام السابق ( تعديلات 2005) تم اصلاحها بواسطه التعديلات الحالية

وبالتالى فالتعديلات المقترحة تمحى اثار النظام السابق من الدستور بالفعل
كما ارى انها تفى بالمتطلبات الضرورية فى الفترة الحالية لاسيما وكلنا كنا نعتبر المطالبات التى جأت فى بيان البرادعى للتغير كافيه لتمهيد الطريق للاصلاحات الديموقراطية

لذا فانا مع اجمالى التعديلات الحالية بالرغم من تحفظى على بعض النصوص والاشتراطات الا ان الموازنة بين الاستقرار والتغيير امر واجب وملح جداً

علشان كده انا حختار نعم
ولا اتمنى الخوض فى مراحل انشاء دستور جديد الإن

[samirayad]

لا أخفيكم القول

ومع خالص أحترامى لكل الآراء

أنا سأقول لا للتعديلات

______________

فلماذا لايتم صياغة دستور حر جديد

يقلص صلاحيات الرئيس القادم لأبعد الحدود

يخليه فقط مجرد معبرا عن مصر فى المحافل الدوليه

ولايكون له الهيمنه على كل مقدراتنا التى وارد جدا

من أن يجدها فى ثغرات الدستور المرقع الحالى

____________________

هلاقى من يقول لى

ما أحنا عندنا ميدان التحرير

والناس تنزل تعمل مظاهرات تانى

وتخلع الرئيس ده

لو سولت له نفسه التلاعب بمقدرات الشعب

هتكون أجابتى كا لآتى

طيب وإيه إللى يخلينا ندخل تانى فى مظاهرات وخلافه

وقد يفقد لنا عزيز مثلما حدث فى الثوره المجيده الحاليه

______________________

إذا

أرى ( طبقا لرؤيتى )

ماذا يمنع من صياغة دستور حر جديد

بدلأ من الدستور المرقع الحالى

____________________

هو الدستور ده قرآن

ده شوية لوائح وقوانين

ممكن تتعمل فى أسبوع مع توافر جدية التفاعل

[sam ram]

انا بصراحه نفسي اقول لأ ... لأني مش مطمن للتعديلات و في حاجات مش عاجباني .. و حاسس ان محدش جاهز .. لا احزاب و لا برامج انتخابيه و لا حد لسه مستوعب الامور
وخايف ان الرئيس الجديد و البرلمان يظبطوا دستور جديد مفتكس خلال سنه او اتنين ونلاقي نفسنا عايشين بنفس النظام (او اسواء ) مع اختلاف الاسماء

بس المشكله .... مفيش خطه بديله Plan B
هو سيناريو واحد بس مرسوم من الجيش .... ومفيش نقاش او تقبل لاي حلول تانيه
ودي تقلق جدا ... لدرجه تخليني اضطر اقول نعم !!!!
بس ساعتها حتكون معايير انتخابي للرئيس مبنيه على عامل وحيد ... المصداقيه !!!

[samirayad]

بس ساعتها حتكون معايير انتخابي للرئيس مبنيه على عامل وحيد ... المصداقيه !!!

سيبك من الشعارات دى

زهقنا من المصداقيه وخلافه

فيه حاجه

أسمها



1+ 1 = 2

____________

ودعها حلقه فى أذنيك


الرئيس المصرى لو مظبطوش .....يبقى وارد

نرجع لقصة الفنكوش

المشاركة الأصلية كتبت بواسطة AboNoRa الدستور الحالى " المعطل" تم اصدارة فى عام 1971 اذن هو ليس وليد النظام الحالى وجرت عليه تعديلات فى 1980 اى قبل نظام مبارك ثم فى 2005 غالبية المواد التى افسدها النظام السابق ( تعديلات 2005) تم اصلاحها بواسطه التعديلات الحالية وبالتالى فالتعديلات المقترحة تمحى اثار النظام السابق من الدستور بالفعل كما ارى انها تفى بالمتطلبات الضرورية فى الفترة الحالية لاسيما وكلنا كنا نعتبر المطالبات التى جأت فى بيان البرادعى للتغير كافيه لتمهيد الطريق للاصلاحات الديموقراطية لذا فانا مع اجمالى التعديلات الحالية بالرغم من تحفظى على بعض النصوص والاشتراطات الا ان الموازنة بين الاستقرار والتغيير امر واجب وملح جداً علشان كده انا حختار نعم ولا اتمنى الخوض فى مراحل انشاء دستور جديد الإن

الله ينور عليك يا ابو نورا
خصوصا الجملة الاخيرة دي (ولا اتمنى الخوض فى مراحل انشاء دستور جديد الإن)
مضبوطة وسليمة مية في المية
التعديلات نفسها اتسمت مؤقتة بمعنى لعمل غرض معين
وبعدين في الروقان بقى نعمل دستور جديد بدون مشاكل ولا ضغوط جديدة
عشان دلوقتي فية متربصين كتيييييييييييييييييييير مستنيين موضوع دستور جديد
والله مش حنخلص بجد وطبعا ياريت تكون فاهمنى
يعني مش عارفين نخلص من اصحاب المطالب الفئوية دلوقتي
امال لو طلعولنا بقي في الدستور بمطالب فئوية وكلمة اشمعنى اللي بقت على كل لسان
اية الحل ساعتها؟؟؟!!!!!!!!!!!!!!!! !
كلامك تمااااااااااااااااااااااا ااااااااااااااااااااااااا ااام