السلام عليكم دا اول موضوع ليه ارجوا الرد والمساعده السريعه من جدعان القسم

[hosameyg]

بسم الله الرحمن الرحيم
انا محتاج ارائكم ونصائحكم الجميله بسرعه جدا قبل ما ادبس وادفع
اولا انا امبارح رحت انا ومعايه حمايه اتفرجنا على عربيه لادا سمار هتشباك موديل 1997 ودفعت عربون صغير خالص ممكن استغنى عنه بعد نصائحكم ليه وانا محتاج منكم الاتى:
اولا العربيه دى تجيب كام لو فبريكه بره وجوه وكل حاجه فيها فبريكه بس اللى محتاجاه تظبيط الفرش شويه
ثانيا : ايه عيوب العربيه دا وهل قطع غيرها غاليه واللى عاديه خصوصا ان دى اول عربيه فى حياتى
ثالثا : احنا معرفناش نركبها لانها كانت فى وسط البلد والشارع كان واقف فيادوب شغلناها وهى وقفه فقط وحمايه قالى الماتور كويس فتنصحونى بايه بكره قبل الدفع واركز على ايه
رابعا : ايه رئيكم الكريم فى العربيه دى وهل اتوكل على الله واشتريها واللى ايه ويارب ماتكسفونيش وتردوا عليه النهارده لان بكره الدفع
شكرا لكل الناس الخبراء اللى هيسعدونى مقدما

[mhamdy75]

اعتقد السعر 22000

ولازم تاخد سمكرى يبص عليها

[mr_astra]

السعر العادل للطرفين 22 الف او 23 الف لو المكنة كبيرة 1500 سي سي
وطبعا لو 4 ابواب
العربية لو سليمة هاتريحك جداااااااا
عربية فوق الممتازة والله
ثبات غير عادى لان الشاسية جولف 2
الموتور بتعها فية شد وسحب زى الفل
عربية تمتاز بالنعومة
صالون ديق حبتين خصوصا الكنبة الخلفية لكن الشنطو كويسة
بالنسبة لقطع الغيار موجودة جديد استيراد وما فيش حاجة فيها مش موجودة
جديد فى التوفيقية كتير بيبعو حاجتها واشهرهم سيد نصار - وحمدى لادا فى شارع دمش
واستيراد فى عزبة شلبى وفى وكالة البلح وحاجاتها سعرها عادى جدا مفهوش مبالغة فى اى حاجة