هل زادت أسعار المستعمل

[miam0502788391]

المشاركة الأصلية كتبت بواسطة مهند سالم أولا أنا شاكر جدا لاهتمامك، وكان عندي تعليق بسيط، واحد جاري لسة شاري عربية مازدا 323 موديل 1981 ب21 ألف جنيه، مع إن الموديل ده كان بيعمل في حدود 17 ألف، فلما سألت قالوا إن المستعمل كله زاد، وبرده في واحد زميلي نزل سوق الجمعة وجد العربيات 127 الفيات بقت ب14، و15 ألف مع إنها كانت بتعمل 9، 10، فيعني أنا حسيت إن زيادة الأسعار فعلا حقيقة، وده إلا خلاني أسأل، وعموما شكرا على ردك

هو موديل ذى المازدا 323 يعمل 17 لما يزيد يزيد الف ولا اتنين لكن لما يزيد اربعة الاف مرة واحدة يبقى ده اسمه استهبال سوق ايوه استهبال

[مهند سالم]

المشاركة الأصلية كتبت بواسطة miam0502788391 هو موديل ذى المازدا 323 يعمل 17 لما يزيد يزيد الف ولا اتنين لكن لما يزيد اربعة الاف مرة واحدة يبقى ده اسمه استهبال سوق ايوه استهبال

والله يا أستاذي هو الموضوع له جوانب كثير مخلية السوق عامل زي سوق الطماطم زمان، فاكر مقولة: مجنونة يا قوطة، هو السوق دلوقت عامل كدة، ما تقدرش تتوقع بكرة فيه إيه، بس عموما أقدر أقولك إن الأزمة إلي فاتت وخلت المستعمل كله نزل شبه انتهت، والمستعمل هيبدأ يعلى تاني، لعدة عوامل:
أولا: إشاعة إحلال الملاكي، الكل عايز يسلم العربية القديمة وياخد زيرو بدون ضرائب وبقسط مستريح.
ثانيا: العيوب الكثير والسخيفة إلي عمالة تطلع في الزيرو، يعني حضرتك شايف مفيش شركة إلا وعمالة تسحب عربيات من السوق، ده طبعا زرع الشك في قلوب كثير من الناس من ناحية الزيرو.
ثالثا ودي نقطة مهمة جدا: قطع الغيار النار بتاعت التوكيلات، يعني مش يبقى حرام لما يقى الإكصدام ب700 و800 جنيه، والمرايا يا عالم ب400 و500 جنيه والبيبان والشبكة والفوانيس حدث ولا حرج، يا أستاذي ده انا قرأت مرة في أسعار توكيل الهوندا إن الدينامو مش عارف بألفين وكام، يعني ده مش حرام. يبقى يحيى المستعمل، تنزل بخمسة آلاف جنيه تهد عربيتك وتبنيها. وربنا يستر علينا وشكرا ليك