سؤال بخصوص شهادة البيانات، والتسجيل

[yasssser]

اشتري أخى سيارة نقل جامبو موديل 99 حمولة 3 طن من شخص من محافظة مجاورة ،ولكن السيارة كان بها خطأ فى البيانات( نوع الوقود مذكور بالرخصة بنزين بدل سولار)، وقام صاحبها بالسعى فى المرور واصلاح الخطأ ، واستخرج شهادة بيانات صحيحة. وقام أيضا بالتسجيل فى الشهر العقارى باسم أخى ولكون أخى مشغولا لم يذهب معه، وهو الأن يطلب منه مبلغ1000 جنيه.

والسؤال
هل التسجيل وشهادة البيانات يتكلف كل هذا ، وهل يتوجب على أخى دفع تكلفة استخراج الشهادة المذكورة أم صاحب السيارة؟

[mhamdy75]

1000 عفريت يركبوه

معلش انا اتعصبت

أولا مصاريف ايه اللى صرفها

ثانياً العقد الابتدائى اللى معاك

هتلاقى فيه البائع هو المسئول

عن سلامة العربية والورق

[Neo206]

المشاركة الأصلية كتبت بواسطة mhamdy75 1000 عفريت يركبوه معلش انا اتعصبت أولا مصاريف ايه اللى صرفها ثانياً العقد الابتدائى اللى معاك هتلاقى فيه البائع هو المسئول عن سلامة العربية والورق

كلام حضرتك سليم جدا

[mr_astra]

لا يا جماعة
الاخ اللى بيسال قال ان البائع عمل عقد بيع مسجل لاخوة ودة طبعا على المشترى مش على البائع وممكن العربية فعلا موديل 99 عقد البيع المسجل بتعها يكون غالى

[magdykady]

امامى سيارة اتفقت على شرائها و هى موديل و حالة محترمة و صاحبها طبيب و هى تبع مرور العجوزة و انا مرور فيصل
عرفق ان فيها توكيلين
بعد الفحص و الاتفاق على كل حاجة اتفقنا نعمل اجراءات البيع و الرخصة الجديدة تيقى باسمى - هى حاليا باسم المشترى الاول من الزيرو و اللى بيبيع ماشى بالتوكيل الثانى.
اتفاجئ صاحب السيارة انه مش لاقى الرخصة و بحث عنها فى كل مكان و لم يجدها - فص ملح و داب - على فكرة الرخصة سارية لحد شهر مايو سنة 2013
دلوقت هو عايز يعمل عقد بيع لى مسجل بالشهر العقارى و شهادة مخالفات و شهادة بيانات موجهة من مرور العجوزة الى مرور فيصل (بتاعى). و كمان يعمل محضر فقد رخصة فى القسم - هيسلمنى عقد البيع المسجل و شهادة المخالفات و شهادة البيانات و محضر الفقد و العربية و ياخد الفلوس و يمشى.
هل هذا كافى لاستكمال اجراءات نقل الملكية و استخراج الرخصة الجديدة باسمى من مرور فيصل - اذا كان فيه مشكلة فإيه هى و هل لها حل واللا لأة - ارجو المساعدة فى اسرع وقت علشان لو الموضوع ماشى يبقى هرخص بكرة.