10 خطوات عشان تخنق وتعذب السواقيين اللى حوليك فى الشارع

[بدر بسيونى]

خطوات عشان تخنق وتعذب السواقيين اللى حوليك فى الشارع


(1) امشى دايما فى نصى الطريق ويفضل على الخط الفاصل بين الحارات (خد الخط الابيض فى نص العربية) وبكده لاحيعرف يعدى يمين ولاشمال ويولع الناس




(2) اوعى تتكلم فى الموبيل وانت سايق مخالفة وعيب بس الاحسنلك والارخصلك ركز وابعت رسالة واكتب كل اللى انت عاوزه وبكده وفرت فلوسك واتفقلقت الناس






(3) اوعى اوعى اوعى تستخدم الاشارات لما تكون عاوز تحود احود على طول مرة واحدة مباشرة واللى وراك يتفاداك ودى مشكلته مش مشكلتك







(4) طب اللى ماشى ادامك مديك اشارة وعاوز يحود حتسيبه؟ لا طبعا تعلق ايدك على اكلاكس وترعشله انوار وتكبس علسه بسرعتك وقبل ماتخبطه تطلع منه وبكده تكون اعصابه باظت ومش طايف نفسه ولا طايقك






(5) استخدم دائما النور العالى ولو ينفع تركب زينون ركبه وفوجاتك ياباشا والفكرة اللى جامدة لو تركب فوجات فوق السقف عشان تبقى عميت الكل واوعى تطفى النور ابدا حتى لو الطريق منور ظهر وخلى الناس اللى ادامك واللى فى وشك يتعمو وبراحتك ياباشا






(6) جالك واحد وراك من الملتزمين بالقوانين المرور وعاوز يعدى منك نورلك ولا ضربلك كلاكس اوعى توسعله توسعله ليه هدى وواديله اشارة شمال وبراحتك ياكبير هى الدنيا طارت وياسلام لو رجلك على الفرامل وفى الحنين وبراحتك







(7) لما تشوف منطقة عمل او حته فيها حادثة او اى عطله سوق كنك فى اختبار لكفائة العربية فى المنحنيات واعتبر العربيات المحيطة مخاريط الاختبار يعنى تجرى وبنزين واللى بيخاف يطلع بره






(8)لما تكون نازل من على نزلة كوبرى اوعى تدى اشارة وتاخد يمينك ابدا تمشى فى النص ويفضل الشمال وتكسر الطريق بالعرض فى اخر لحظة وطبعا من غير اشارات واللى يشتم بصله بقرف وعدم اهتمام ويفضل فى اللحظة دى تكون بتبعت مسج (احنا اتفقنا مش حنتكلم اثناء السواقة)




(9) لما تكون عاوز تشترى حاجة من نص البلد والدنيا زحمة تعمل ايه تركن العربية صف ثانى حتى لو الطريق حارتين بس واوعى تشغل الانتظار وانزل واقفل العربية واشترى اللى انت عاوزه بتقنى ليكون الراجل حيخمك او يديك حاجة مضروبة وبعدين تركب عربيتك بالاطه وعوج وتمشى وماتنساش نظرة الارف للناس المستاءة






(10) سوق زى المراهقين شغل الكاسيت على اعلى حاجة وافتح زجاج العربية كله على الاخر وشغل اغانى ميتل او بلاكات وامسك الدركسيون بايد واحدة وانت مقصوع ورجع ظهر الكرسى على الكنبة وبص للناس اللى جنبك بقرف واكسر عليهم وماتدخلش حد ادامك لو مديك ايه مش اشارة بس ولو سمعت عربية الاساعاف اعمل اطرش او عبيط اللى يريحك واللى مش عجبك اشتمه باقذر الشتايم






الموضوع ده قريت واحد شبه فى موقع اجنبى وبصراحة لاقيتهم سطحيين ولاقيتنى عامل موضوع اشمل من بتاعهم (اسئل مجرب ولا تسالش طبيب) وهدفه لفت انتباه الناس بصورة مضحكة لكن هدفه الريسى تعليم الناس تجنب تلك السلوكيات فى صورة خفيفة مضحكة

[MaXx]

هي ناقصة يا استاذ بدر ,,, الحمد لله الحمد لله ,, الحاجات دي تعتبر اساسيات القيادة في مصر ,, خصوصا سواقين الميكروباص و الميني باص ,,, دول ممكن يقولولك علي حاجات كتير كمان غير ال 10 دول

[Kaza Miza]

بجد دا اللى بيحصل مع 90% من الشعب المصرى
مشكور يا غالى على الموضوع

[فاطومه المصريه]

ههههههههههههههههههههههههه
دة الاساسيات الصح ولا بلاش ptmnlo123per1127
مش تقولى قوانين ptmnlo123per1106

[ganash]

وبالخطوات دى ان شاء الله نضمن ان الواحد مش هيسوق تانى شكرا يا أستاذ بدر جزاك الله وايانا كل خير