هشترى سيارة جديدة و مش عارف اخلص رخصتها و رخصتى ازاى

[peter magdy]

مساء الخير يا شباب
كل سنة و انتم بخير
انشاء هشترى سيارة byd f3 موديل 2012 و دى اول مرة اسوق
و علشان كدة هنزل مكتب تعليم لغاية ما ابقا محترف
دلوقتى بعد ما استلم العربية عرفت انى مسبها من غير ترخيص فى اسرع وقت علشان لاقدر الله متتسرقش
عايز اعرف اجرائات رخصتى و تتكلف كام و بتقعد كام سنة هل فى سنة و تلاتة زى العربية
و بالنسبة للعربية رخصة سنة هتتكلف كام و 3 سنين بردو
و هل لو حبيت اطلع رخصة القيادة الاول لازم اجيب عربية من عندى ولا عندهم عربية خاصة بالمرور
اسف نى معرفش اى حاجة لسة
شكرا

[GINERAL]

بص مادام حضرتك جديد جداً كدا انصحك متعملش اي حركة فيها دفع فلوس غير لما يكون معاك حد فاهم عشان محدش يستغل الموقف

[GINERAL]

الرخصة الخاصة ألي هي رخصتك انتا بتتجدد كل 10 سنين . وملهاش اي مصاريف غير المصاريف الروتينية حوالي 65 : 70 جنية ( شوية ورق )
-
رخصة السيارة بتتجدد كل 3 سنوات
-
مش شرط اساسي اني واحدة فيهم الاول . لكن يفضل رخصتك الخاصة الاول قبل ما تشتري .
وتتمكن فالسواقة جدا جدا قبل ما تشتري
-
لما بتشتري العربية زيرو ان شاء الله المعرض ألي انت شاري منو هيخلصلك كل حاجة كأجرائات ترخيص . وهتاخد عربيتك والجواب بتاعها وتروح ترخص وهيبعت معاك حد يخلصلك الامور كلها وهي مش مستهلة لانها بسيطة ان شاء الله
-

واكرر نصيحة ما تشتريش ولا تعمل رخصة ولا تعمل اي حاجة فيها فلوس ألا ومعاك حد فاهم الامور ومجربها قبل كدا . عشان الاشتغلات كترت اوووووووووووووووووووووي .

ومبروك عليك مقدما

[peter magdy]

متشكر جدا لردود حضراتكم
يبقى كدة ترخيص العربية امرة سهل لان المعرض هيبعت واحد يخلصلى ورق العربية
لكن رخصتى هيا اللى فيها لعب و محتاجة واحد فاهم - هشوف حد
لكن فى اختبار السواقة هجيب العربية منين
هل الامتحان على عربية من المرور ولا بجيب انا عربية
شكرا ليكم مرة تانية
و كل سنة و حضراتكم طيبين

[*specialist*]

انا امتحنت فى بنها جابولى عربية من وواحد يسوقها من عندهم
لانى كنت فى مدرسة المرور اللى متعلمتش فيها حاجة واتعلمت على عربيتى لغاية مخرشمتها