ما هو تقييمك لوكيل سبيرانزا و مراكز الخدمه

[Maged A. H]

مركز جسر السويس فعلا سئ والمهندس اللي استلم عربيتي تحس انه فهلوي او فاكر انك مش فاهم حاجة و للأ سف استمريت عندهم لغاية صيانة ال35000 و في صيانة ال40000 عملتها في الطريق الحراوي وكانت الصيانة فية معقولة جدا وعملوا اللازم وفي صيانة 45000 ذهبت ابو رواش وكان لي ملاحظات ولكن للأسف قالوا معلهش مش ها نقدر نعملها كلها علشان الوقت مع اني ذهبت الساعة 10 صباحا واستلمت العربية الساعة اربعة و نصف و اعتقد ان التوكيل لازم يتوسع في مراكز الصيانة حتي يواجة الأزدحام الكبير في الثلاثة مراكز اللي انا رحتهم و اخيرا اشكر القائمين علي المنتدي علي المجهود الرائع

[AbOnOrA]

شكراً يا استاذ ماجد واهلا بيك فى مصر موتورز

وكنت عايز اسال حضرتك جربت مراكز تانية ولا لاء يعنى مثلا المركز اللى ورا حديقة بدر اخر جسر السويس هو ده اللى حضرتك تقصدة لانى مش بلاقى زحمة هناك خالص ؟

[Maged A. H]

المشاركة الأصلية كتبت بواسطة AboNoRa شكراً يا استاذ ماجد واهلا بيك فى مصر موتورز وكنت عايز اسال حضرتك جربت مراكز تانية ولا لاء يعنى مثلا المركز اللى ورا حديقة بدر اخر جسر السويس هو ده اللى حضرتك تقصدة لانى مش بلاقى زحمة هناك خالص ؟

الأخ ابو نورا اولا اشكرك علي هذا المنتدي الرائع الحقيقة انا لااعرف حديقة بدر ولكن انا اقصد مركز تكنو سيرفيس في اخر جسر السويس و للأسف هذا اسواء مركز صيانة تعاملت معة لأنهم حافظين مش فاهمين

[hnagy]

أرجو إفادتى بخبرتكم عن مركز خدمة أبو غالى فى طومانباى
بالنسبة للسيارة التيجو
وشكراً لكم جميعاً

[هاني بسيوني]

أنا لسه عامل صيانة الألف في مركز خدمة أبوغالي بطومان باي وكانت الصيانة تقريبًا ممتازة من الاستقبال إلى أن أنهيت الصيانة كل ملاحظاتي عملوها ولقيت معظم الناس الموجودين هناك من اصحلب السيارات مرتحين جدًا ولا حظت أن المهندس بيسأل الناس عن رغبتهم في اتمام اي يعمل أو لا بعد ابلاغهم بقيمة العمل تقريبا
المهم تحجز ازولا وتروح في ميعادك
رقم الحجز 19570