لو سمحتم محتاجة رايكم بجد فى السيارة بريليانس fsvالاتوماتيك ياريت اللى جربها بس اللى يرد مش اللى سامع مجرد كلام من الناس بعد اذنكم

[aly zafer]

المشاركة الأصلية كتبت بواسطة نوجا28 مش هى صينى بردوا انا ركبتها تاكسى وشفتها من جوة مش وحشة بس لو صينى يبقى شكل البريليانس احلى وبعدين ماهى فى نفس سعرها يبقى ليه هتبقى دى وحشة وجى حلوة مش عارفة

حاقولك الفرق هو ان ممكن تركبى للbyd قطع غيار يابانى من خارج الوكيل ولكونها دخلت مشروع التاكسى فهى سيارة منتشرة ويوجد ميكانيكية كتير بيفهموا فيها وكدة يبقة اترحمنا من وكيل بريلينس واسعارة النار

[Egy News]

بجد انا احترت و اتروشت
6 صفحات و محدش قال ايه رأيه في ال FSV ؟

[aly zafer]

المشاركة الأصلية كتبت بواسطة Egy News بجد انا احترت و اتروشت 6 صفحات و محدش قال ايه رأيه في ال FSV ؟

يا سيدى الفاضل انا قلت رايى ضمنيا سيارة قطع غيارها نار ومش منتشرة وسعر اعادة البيع منخفض والصيانة فى التوكيل اظن كدة كفاية وشكرا

[MmFFoR]

الشيفروليه افيو تقفيل محلي - عيوب صناعة موجودة - اداء غير مرضي - توكيل منصور من اسواء التوكيلات

البريليانس اف اس في توكيل كويس - اداء مقبول - عيوبها - قطع غيار غير متوفرة - ارتفاع اسعار قطع الغيار و الصيانات جدا

البي واي دي اف 3 - صيني تجميع محلي - عيوب في التجميع - بعض الاحيان تظهر عيوب في الفتيس - قطع غيار يقال ان العفشة و البودي تويوتا من 2002- 2006 و الموتور يقال انه ميتسوبيشي لانسر ايضا اذا صح الكلام فقطع غيارها متوفرة لكن يظل توكيل الامل توكيل سيء في المعاملة و خدمة العملاء

البروتون واجا ماليزي تصنيع ماليزي تعتمد على تكنولوجيا ميتسوبيشي اعتقد سعرها حاليا فوق ال 90 الف سيارة ناعمة خامات جيدة و اداء ممتاز يعيبها ايضا التوكيل عز العرب في منه شكاوي في رفع سعر قطع الغيار جدا لكن ابتدت تنتشر برة التوكيل

اعتقد ان الفئة دي مفيهاش ولا عربية 10/10

اتمنى لك التوفيق في الاختيار
لو حشتري عربية ليا اوتو في الفئة السعرية دي
بروتون ساجا اوتو + وسائد هوائية موتور 1300 كام برو = 71 الف حاليا
فاو فيتا اوتو صناعة صيني 1500 سي سي(ايزي ترونيك ) السيارة تويوتا بالكامل + فتيس ايطالي = 72 الف جنيه
ده لو حشتري ليا

[نوجا28]

انا فعلا بشكركم بس احترت اكتر مش عارفة اعمل ايه