|
#1
10-01-2014, 09:53 PM
|
||||
|
||||
لا للحكم العسكرى ....لا لحكم الاخوان ممكن ؟؟؟؟
السلام عليكم ورحمة الله وبركاته
إخوانى الاعضاء المحترمين لمنتدانا المحترم مش عاوزه عودة لحكم الاخوان ومش عاوزة عودة للحكم العسكرى فى مصر مرة أخرى طبعا جربنا الاخوان وشفناهم وعشنا القهر العسكرى لمدة 60 عام بكل ما فيهم وكان ختامهم (حسنى مبارك ) اللى نهب البلد هو وأسرته وهس هس عن محاكمته وكله تأجيلات وبراءات والكل نسى مبارك ومصايبة فى 30 سنه وماسك فى حكم مرسى سنه وهو سبب المصايب والبلاوى كلها وانا لا عاوزه ده ولا عاوزه ده طيب هنعمل ايه مش عاوزه انتخب السيسى اللى عمال يعمل ندوات وقال ايه الناس بتتحايل عليه علشان يرشح نفسه للرئاسة !!!!!! ههههههههههه بيكلم ناس هبلة باين عليه ولا ايه مش عارفه ؟؟؟؟؟؟؟؟؟؟ وهو هيمووووت على الكرسى زى مرسى قبله ما كان هيموووت ولسه هيموت على الكرسى طيب احنا كمواطنين عاديين نعمل ايه ؟؟؟ رجاء المشاركة بإحترام وابداء الرأى بدون رسومات كاريكاتير وتريقة وشتيمة بين مدافعين عن الاخوان ومدافعين عن السيسى والحكم العسكرى اللى عنده رأى أو تفكير يعرضه  واللى عاوز يشتم حد ما يبقاش هنا لو سمحتم إييييييه الحل فى الوضع الحالى فى مصر لمن لا يريد الاثنين 
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم 
|
|
#2
10-01-2014, 11:54 PM
|
||||
|
||||
|
رد: لا للحكم العسكرى ....لا لحكم الاخوان ممكن ؟؟؟؟
والله عندك حق فى كل اللى قولتيه............
تخيلى ....قعدت حوالى ربع ساعة أفكر فى واحد محترم يمسك البلد....وللأسف مالقيتش!!!! وتساءلت.. معقوله 30 سنه من حكم الراجل ده(حسنى مبارك) عملت فى مصر كده ؟؟؟!!! 30 سنه من التجريف للعقول والكفاءات وكتم للأصوات والأراء المحترمه ..جعلت مصر لا تنجب الا الأمعات والتابعين ؟؟ اللهم لطفك بمصر.....
__________________
 يا شعب مات ومات ومات .. يا شعب طيب وكتير بينضحك عليه .. عربجى دكتور مهندس جاهل مثقف كله بينضحك عليه .. ياخد الزمبة يضحك .. يغنى .. يقول النكتة يضحك ويضحك الناس عليه .. يا شعب طيب .. امتى تفوق .. أرجوك تفوق يفتح الله عليك ..
|
|
#3
11-01-2014, 02:07 AM
|
|||
|
|||
|
رد: لا للحكم العسكرى ....لا لحكم الاخوان ممكن ؟؟؟؟
انا عارف يا بشمهندسه اني من ضمن اللي قصداهم علشان كده كتبتلك المشاركه دي علشان تعرفي اني مش هكون سبب في تدمير موضوعك
الكلام ده انا كتبته في قسم الشكاوي بس حبيت اذيعه علشان كل المشاركين في قسم الثوره بيحبني او بيكهرني يعرف موقفي النهائي من مصر موتورز لكل فعل رد فعل مساوى لة فى المقدار مضاد فى الاتجاة ... معني قانون نيوتن والكلام موجه ليك يا ابونورا اني في كل الاحوال سواء مع الارهابيين وليد او طارق كنت رد فعل علي الشتيمه لن ابدء بتاتا بالشتيمه وانت لو كنت متابع الموقع اساسا كنت خدت موقف من الاول ولو كنت فاضي تدور علي المشاركات من اولها كنت عرفت اني رد فعل مش فعل بس برده عادي وشيلت احمد 1981 من الحسبه مع انه هو سبب المواضيع اللي تبادلنا فيها السباب وكمان شاتم اكتر من مره وبرده مش محسوب لانك مجبتش المشاركات من اولها عشان انت تعرف مين اللي بدء وكمان بتساوينا احنا ال 3 ببعض واحد 176 مشاركه اغلبهم في قسم الثوره والتاني 470 مشاركه كلهم في قسم الثوره ونسيت انك في الاصل منتدي سيارات انا بقي ليه ازيد من 2000 مشاركه في السيارات كل ده مش محسوب برده عادي وونبي متقوليش اي عضو متساوي لان الرد ده يبقي فشل في الاداره وفي رد تاني برده انك بده بتساوينا مع الاخوان مع ان كل الدوله في مواجهه الاخوان وصنفتهم ارهابيين خليك انت بقي الوحيد اللي حيادي بتساوي من يؤيد الارهاب مع من يؤيد الدوله بحكومتها وبكل ما فيها وبرده القاضي لما ييجي يحكم مبيخدش راي الحاضرين في الجلسه يحكم بايه في وانت بما انك منصب قاضي في الشكوي مستني رأي الاعضاء جديده دي بقي ودخل وليد وشتم تاني بعد الشكوي وبرده عادي عامه انا صوت بايقافنا احنا ال3 نهائي عشان اختياراتك كلها ليس لها قيمه ولن ترضيني لانها فيها تساوي للعقاب ازاي يعني هو القتل زي الشروع في القتل والبادئ دايما اظلم وانا مبدئتش علما باني في اغلب المشاركات كنت بمسك نفسي علشانك ولو اعرف اننا كلنا هنتساوي وممكن نتوقف نهائي او العقاب متساوي كنت شتمت وخدت حقي وبهدلت الدنيا ومكنش فرق بقي معايا ولا انت ولا مصر موتورز ياراجل ده شتمني في موضوعك ومردتش ارد عليه علشانك وبرده عادي انت فشلت انك تديني حقي وفشلت في اداره الشكوي باخذ الاراء والتصويت وعدم اخذ لعتبار من البادئ ومعندكش القدره علي تمييز الاعضاء اللي داخلين حب في مصر موتورز وداخلين علي انه منتدي سيارات واللي داخلين لجان الكترونيه اواللي داخلين هدفهم الاخوان والدفاع عنهم فقط ياريت بقي ادخل وخد قرارك من نفسك واوقفنا احنا ال3 ولا اقولك اوقفني انا بس وخليهم هم يسلوا قسم الثوره علما باني عارف انك قاسي جدا في احكامك بس للاسف طلعت القسوه دي علي من يعارضك او يهاجمك انت فقط علشان كده انا هاجمتك وعارضتك لانك ميفرقش معاك حاجه وابقي شيل المشاركه دي لو حاسس انها ممكن تضايقك وعلي فكره بما ان عقابك متساوي وبما اني عارف ان كل اللي بيهاجمك مصيره الايقاف النهائي فانا هوفر عليك ومن ىنفسي مش داخل تاني تحياتي يا وائل
|
|
#4
11-01-2014, 09:26 AM
|
||||
|
||||
|
رد: لا للحكم العسكرى ....لا لحكم الاخوان ممكن ؟؟؟؟
كلام حضرتك محترم جدا وصحيح ولكن انا شايف ان ظروف البلد دلوقتى امنيا واجتماعيا توجب ترشيح عسكرى اكتر من مدنى وده لأنى لاحظت انفلات اخلاقى فى الثلاث سنوات اللى فاتوا بسبب ان الناس امنت العقوبه ومفيش اى احترام غير للعسكريين سواء كان جيش او شرطه انا شايف ان لو السيسى او اى عسكرى ناجح بقى رئيس احنا هانستفاد اكتر منه
|
|
#5
11-01-2014, 02:20 PM
|
||||
|
||||
|
رد: لا للحكم العسكرى ....لا لحكم الاخوان ممكن ؟؟؟؟
.
للأسى و الأسف الشديد كنا على وشك ان نصبح دولة محترمه !! لا تقل كثيراً عن أى دوله عريقه فى الديمقراطيه ( كما يقال ). سعدت حينما حملوا البرسيم الى قصر الرئاسه أو بيت الرئيس !!   ظننت أننى قريباً سأقذف البيض الفاسد فى وجه كل مسؤول فاشل و أعود الى بيتى ( آمناً ) . ربما كانت البداية لأن نكون دوله بها ( شعب ) و له إراده . . إراده . . بها يختار . . و يتحمل تبعتها . . و بها يبنى مستقبل . . كان من الممكن أن يتم التغيير بشكل سلمى و بإرادة نفس الشعب . . التغيير بآليه محترمه و موثقه و تؤسس لدوله جديده . كلمة السر تتلخص فى مادتين فقط من دستور ( الإخوان ) 2012 . ولكن التآمر و الرغبة فى الإنقلاب أبت إلا ان ننجرف الى ما نحن فيه الآن !! هل مازال هناك أمل ؟؟ الله أعلم . معذرة لو خالف تعليقى رأى البعض . تحياتى . .
__________________
إذا أردت أن تعرف عند الله مقامك فانظر فيم أقامك
التعديل الأخير تم بواسطة Vernawy ; 11-01-2014 الساعة 02:39 PM
|
 |
|
|
