عفوا ايها المنقلبون الرئيس مرسى له انجازات

[الزعيم2]

الأستاذ تامر يبقى خلي ثورة 30 يونيو تجيبلك حق الشهيد

[Ahmedmasry]

يا أستاذ تامر كوكو سيبك من الإخوان ومرسي دول في السجون ، تقدر تقولي السيسي والطرطور عملوا ايه للشهداء غير أنهم زودوا أعدادهم بالآلاف بعد ما كانوا مئات لما اتوجه سلاح الجيش لقتل الشعب
ارحمونا بقا معندكوش حاجة تداروا بيها فشلكوا غير الإخوان
مبارك ونظامه خربوا البلد ودمروها ٣٠ سنة ومحدش اتكلم عليه عُشْر الكلام اللي عملتوه في الإخوان اللي مكملوش سنة واحدة في الحكم ، لأ واتغطت كل جرايم مبارك فجأة ولبسوها للإخوان !!!!
وبقى اي فساد في البلد سببه الإخوان !!!
كانوا فين الإخوان ٣٠ سنة فساد لحد ٢٠١١ ، والإخوان دلوقتي خارج الحكم ، وبردوا يقولك الإخوان !!!
عرفتوا مين بقا اللي لاغي عقله وماشي ورا الإعلام زي الحمار ؟؟؟؟؟

[AbOnOrA]

يا استاذ نكست next رجاء متعملش موضوعات سياسية تانى بره قسم الثورة انا بعتلك الخاص وبكررهالك تانى هنا قدام كل الناس وده ينطبق على الجميع وانا ولهم محدش بيعمل موضوعات سياسية بره القسم الخاص بذلك وده اخر حدود استيعاب ادارة المنتدى علماً ان فيه ناس بتطالب بالغاء الموضوعات السياسية من المنتدى كله احنا بنقول عايزين حرية تعبير وده شأن عام طبيعى الناس تفضفض وتتكلم بس برضو النظام حلو فرجاء ده ميتكررش تانى

ثانياً وديه بينى وبينك بعيداً عن المنتديات كلها بلاش المواضيع اللى كلها كذب وتهجيص ديه علشان الناس مش ناقصه استفزاز ومن واقع التجربة بتنتهى بشكل مش ظريف
الاحسن ان حضرتك لو بتعرف تتكلم وتناقش تتفضل بطرح الموضوع وتناقش بلاش شغل الكوبى والبست ده علشان لا احنا عملنا نقاش كدة ولا تجنبنا المشاحنات والاستفزازات بين جميع الاطراف وديه نصيحة اخوية من حقك تاخد بيها او لاء

[AbOnOrA]

المشاركة الأصلية كتبت بواسطة Ahmedmasry يا أستاذ تامر كوكو سيبك من الإخوان ومرسي دول في السجون ، تقدر تقولي السيسي والطرطور عملوا ايه للشهداء غير أنهم زودوا أعدادهم بالآلاف بعد ما كانوا مئات لما اتوجه سلاح الجيش لقتل الشعب ارحمونا بقا معندكوش حاجة تداروا بيها فشلكوا غير الإخوان مبارك ونظامه خربوا البلد ودمروها ٣٠ سنة ومحدش اتكلم عليه عُشْر الكلام اللي عملتوه في الإخوان اللي مكملوش سنة واحدة في الحكم ، لأ واتغطت كل جرايم مبارك فجأة ولبسوها للإخوان !!!! وبقى اي فساد في البلد سببه الإخوان !!! كانوا فين الإخوان ٣٠ سنة فساد لحد ٢٠١١ ، والإخوان دلوقتي خارج الحكم ، وبردوا يقولك الإخوان !!! عرفتوا مين بقا اللي لاغي عقله وماشي ورا الإعلام زي الحمار ؟؟؟؟؟

عرفتوا مين بقا اللي لاغي عقله وماشي ورا الإعلام زي الحمار ؟؟؟؟؟

مش عيب يا محترم تتكلم مع حد مغلطش فيك وتقول زى الحمار ؟

طيب بلاش عيب انت متوقع منه يرد عليك بايه ؟

طب بلاش ديه كمان لما يرد عليك ويشتمك ويهزقك هتبقى مبسوط ولا هتزعل وتجرى تعمل شكاوى ونسيب شغلنا بقى ونقعد لمين شتم مين الاول

احترم نفسك يا اخى لو مش علشان نفسك علشان الناس

[Eng/salwa]

السلام عليكم ورحمة الله وبركاته

فعلا عندك حق يا بشمهندس / وائل

ممكن كل عضو يعرض وجهه نظره بإحترام وبدون شتيمة واسلوب غير راقى
وندخل بعدها فى مهاترات وتحيز كل جانب لما هو يراه صح
وفى الآخر نزداد انقساما ويغلط كل طرف فى الآخر
والتعصب من الطرفين يزداد سوءا ولا يقبل احد النصيحة او التنازل
والنتيجة خسارة للجميع وقلة قيمة

اللهم ارنا الحق حقا وارزقنا اتباعه
وارنا الباطل باطلا وارزقنا اجتنابه