من يدعون الإسلام، قتلوا وسفكوا الدماء لتولي السلطة فى البلاد

[YahiaAshraf]

المشاركة الأصلية كتبت بواسطة cheburashka القول الصحيح لا حول ولا قوة إلا بالله ثانيا الأخ يحيى مغلطش و كلامه منطقى جدا و بيتكلم بمنتهى الاحترام ثالثا المعارضة فعلا بتتبع منهج قلة الأدب و البلطجة علشان اكتشفوا انهم خسروا الصندوق للأبد طول ما فى نظام ديموقراطى "بصرف النظر عن انى ارفض النظام الديموقراطى المستورد" فى البلد هل المعارضة فيها ناس محترمة ؟ ايوا طبعا فيها لكن قله غير مؤثرة فى أسلوب المعارضة مرسى له أخطاء فعلا وأكبر أخطاؤه انه لم يسحق الفلول من أول يوم فى جميع مؤسسات الدولة و خاصة فى القضاء و كان يجب انه يهدم صنم المحكمة الدستورية الصهيونية الغير شريفة لان هى السبب فى كل ما يحدث فى مصر الان من فوضى مرسى فى أصعب وضع ممكن يقابله رئيس فى أى دولة فى العالم علشان هو راجل محترم و مش ديكتاتور مصر مينفعش معاها غير ديكتاتور عادل احنا شعب لا يستحق الحريه لأن معظم الشعب مش فاهم يعنى ايه حرية احنا بالظبط زى الطفل اللى لقى مسدس حقيقى و عمال يلعب بيه يضرب اللى جنبه او يضرب نفسه حتى كارثتنا مش فى الجهلة كارثتنا فى المتعلمين الجهلة أنا انتخبت الأخوان فى انتخابات مجلس الشعب و أكيد لو لينا عمر مش هنتخبهم تانى بس هنتخب أى فصيل اسلامى اخر ليس لأقتناعى بالديموقراطية و لكن لأن ده المتاح حاليا لا يمكن بأى حال من الأحوال أن أكون فى معسكر يضم الفلول و العلمانيين و الناصريين و الليبراليين و النصارى و الشيعة و الصوفيه و الراقصات و الفنانين المنحلين و خالد يوسف و الهام شاهين و بعض المغيبيين و اعلاميين الفتنة و ان كان معسكر "التيار الاسلامى" فيه فصيل له ممارسات خاطئه اعاقبه عن طريق صندوق الانتخابات و لا أصوت له لكن لو هنغير قواعد اللعبة السياسية و نشيل الصندوق و نحط مكانه التوقيعات و التوكيلات يبقى كده احنا بنخاطر بالبلد بشكل يصل لمستوى الخيانة للوطن فوقوا قبل ما يجى يوم تقولوا فيه ولا يوم من أيامك يا مرسى

أشكرك يا باشا على كلامك الطيب

[tamer.koko]

حلو اووووووووووي حكايه ان المؤيدين والاخوان باالاخص بيطلبوا المظاهرات تبقي سلميه دلوقتي
لكن ايام المخلوع كان حلال وامر لابد منه اننا نفتح السجون ونضرب الاقسام ونسرق البنوك ونعمل احداث محمد محمود 1 و2 ومجلس الوزا ومسرح البالون وماسبيرو والخخخخخخخخخخخخخ كله ده مكنش سلمي نهائي بس في عهد مبارك والمجلس العسكري يجوز لكن في عهد مرسي لللللللللاااااااااااااااا ااااا حرام والخروج عن الحاكم والكلام الاونطه ده

والمعارضه برده في عهد مبارك حلال وفي عهد الاخوان كفره ويجوز سفك دمهم cheburashka
وبالنسبه للعضو اللي ذكرت اسمه

هو اي كلام وخلاص انت مين اللي يديك الحق انك تصف الدستوريه بهذا الوصف الابله وبلا ادله او براهين
هو خلاص انتوا عاوزين تلغوا القضاء ونقضيها قعدات عرب ونصلح
وبعدين ده انت مشترك معانا من 2009 عامل 30 مشاركه منهم 15 مشاركه مؤؤيدين للرئيس في موضوعين
تحيه جليله وبكل تقدير لرئيس النيابه المحترم ا هيثم فاروق وقضاء مصر الشامخ
ويمشي بس هو ونوعدك اننا مش نقول ولا يوم من ايامه زي ما انت بتقول

وبعدين يا يحيي انت مالك واجع قلبك كده ليه علي مرسي والاخوان وتعملي موضوع بانجازاته وتقول انك مش اخواني ولا تبع حزب وده يعقل وانت بتدافع عنهم كده لو احنا مصدقينك لو حد دخل المنتدي غريب مش هيصدقك وبعدين انت اصلا ملكش صوت في الانتخابات لان لسه سنك القانوني مجاش يبقي مينفعش تبقي مؤيد كده وانت اساسا منتخبتوش وبتتكلم عن البنزين وبرده مؤيد الموضوع وانت لسه ولا اتجوزت ولا اشتغلت ولا خلفت عشان تعرف احنا بنكفر اد ايه عشان نرجع لعيالنا بفلوس انت لسه الحياه حلوه في عينك لانك لسه منزلتش ارض الواقع النظري غير التطبيق


متزعلش يا يحيي بس بجد انت مزودها اووي الايام دي انك تؤيد مرسي وجماعته
ولو منعرفكش كويس كنا قولنا انك من اللجان الالكترونيه

[sherifabden]

ثانيا الأخ يحيى مغلطش و كلامه منطقى جدا و بيتكلم بمنتهى الاحترام

مقولناش حاجة بس التعليق كان على جملة
"قلة ادب من المعارضة وشتيمه فى الاخوان وتكسير و ما الى اخره "
فقط بس فعلا كلامه كان في منتهى الاحترام

ثالثا المعارضة فعلا بتتبع منهج قلة الأدب و البلطجة علشان اكتشفوا انهم خسروا الصندوق للأبد طول ما فى نظام ديموقراطى "بصرف النظر عن انى ارفض النظام الديموقراطى المستورد" فى البلد هل المعارضة فيها ناس محترمة ؟ ايوا طبعا فيها لكن قله غير مؤثرة فى أسلوب المعارضة

دا على اساس ان الاخوان فيهم ناس محترمين
وثانيا امتا المعارضة اتبعت اسلوب البلطجة وقلة الادب ؟؟
واعتقد ان منتهى قلة الادب ان واحد يقول على المعارضين انهم كفرة وفجار والكلام اللي كلنا عارفينه
منتهى قلة الادب ان الواحد يوعد وعد وميوفيش بوعده

مرسى له أخطاء فعلا وأكبر أخطاؤه انه لم يسحق الفلول من أول يوم فى جميع مؤسسات الدولة و خاصة فى القضاء و كان يجب انه يهدم صنم المحكمة الدستورية الصهيونية الغير شريفة لان هى السبب فى كل ما يحدث فى مصر الان من فوضى

انتا مسمعتش الاخوان قالوا ايه على القضاء ؟؟
لما مجلس الشعب اتحل قالوا محكمة دستورية فاشلة والحكم ليه علاقة بالسياسة
واول لما مرسي فاز بالرئاسة (بعد حل مجلس الشعب) قالوا قضاء شريف ونزيه
دا غير طبعا ان القضاء لو حكم لصالح الاخوان يقولوا قضاء نزيه
ولو حكم ضد الاخوان يقولوا قضاء مسيس وفلول ويجيبولك اسماء شويه قضاه ويقولوا دول فلول وبيحبوا مبارك الخ الخ

مرسى فى أصعب وضع ممكن يقابله رئيس فى أى دولة فى العالم علشان هو راجل محترم و مش ديكتاتور

اعتقد لو هوا محترم كان وفى بوعوده اللي قطعها على نفسه قبل الانتخابات
ولو مش متاكد اكتب في اليوتيوب "مرسي قبل الحكم" وشوف الفيديوهات اللي هتطلعلك

مصر مينفعش معاها غير ديكتاتور عادل احنا شعب لا يستحق الحريه لأن معظم الشعب مش فاهم يعنى ايه حرية احنا بالظبط زى الطفل اللى لقى مسدس حقيقى و عمال يلعب بيه يضرب اللى جنبه او يضرب نفسه حتى

الكلام دا ينطبق فعلا على الوضه السياسي الراهن وانا متفق معاك في الفقرة السابقة 100000%

كارثتنا مش فى الجهلة كارثتنا فى المتعلمين الجهلة

كارثتنا في الاتنين
لان السياسيين يستغلوا جهل شريحة كبيرة من الشعب لصالحم (زي ما عمل الاخوان)
والجهلة لانهم مش عارفين حاجة
يعني ينفع واحد ميعرفش يقرا ولا يكتب تقارن صوته بصوت واحد دارس السياسة وعارف كل حاجة

أنا انتخبت الأخوان فى انتخابات مجلس الشعب و أكيد لو لينا عمر مش هنتخبهم تانى بس هنتخب أى فصيل اسلامى اخر ليس لأقتناعى بالديموقراطية و لكن لأن ده المتاح حاليا

فصيل اسلامي تاني ليه ؟؟
دا كل الاحزاب الاسلامية دلوقتي ملتفين حول الاخوان

لا يمكن بأى حال من الأحوال أن أكون فى معسكر يضم الفلول و العلمانيين و الناصريين و الليبراليين و النصارى و الشيعة و الصوفيه و الراقصات و الفنانين المنحلين و خالد يوسف و الهام شاهين و بعض المغيبيين و اعلاميين الفتنة

يعني حضرتك عايز تقتعني ان كل المعارضين مفيش حد منهم مسلم بيقول ربي الله ؟؟؟

و ان كان معسكر "التيار الاسلامى" فيه فصيل له ممارسات خاطئه اعاقبه عن طريق صندوق الانتخابات و لا أصوت له لكن لو هنغير قواعد اللعبة السياسية و نشيل الصندوق و نحط مكانه التوقيعات و التوكيلات يبقى كده احنا بنخاطر بالبلد بشكل يصل لمستوى الخيانة للوطن فوقوا قبل ما يجى يوم تقولوا فيه ولا يوم من أيامك يا مرسى

كلام مضبوط 10000%

[YahiaAshraf]

يا أستاذنا الفاضل

انا السنه اللى جايه هيبقى ليا صوت انتخابى

يعنى من حقى يبقى ليا فى السياسة

ولا حرام انى اؤيد ناس

ولو بقيت معارض ابقى الراجل الصح اللى مفيش زيه

وانا عمرى ما هنافق حد و متعود على الصراحه



كونت اتمنى انى اتكلم بحريه فى المنتدى ده
زى ما كلكم بتتكلموا بحرية و تشتموا فى الاخوان و محدش بيكلمكم

لكن بالمنظر ده انا عمرى ما هقدر اعمل حاجه ولا اتكلم


متشكرين يا جماعه على ذوقكم و كلامكم معايا
سلام عليكم
A NAA7TG

[AbOnOrA]

اخى العزيز cheburashka

اعذرنى معرفش اسمك ولا لقيته فى ملفك ولا لقيتلك مواضيع غير عن البحث عن الحجامة
حتى حاولت اعرف معنى اسمك شيبوراشكا ملقيتش غير شخصية كرتونية ديه صورها





مش عارف انت تبع ايه فيهم بس كنت اتمنى تعرفنا على نفسك بشكل اوضح خاصة فى ساحة حوار اجتماعية وفى وسط ناس بتعتبر نفسهم اسرة واحدة
فياريت لو تعرفنا بنفسك وطبيعة انتمائك السياسى اذا كنت اخوان مثلاً ولا تبع ايه فى السياسة ولا من ممارسى السياسة على الانترنت ومن خلال شاشات التلفااااااااااز

وبما انك بتتكلم فى الدين ياريت برضو نعرف تعرف ايه انت فى الدين وطلبت علم على ايد مين علمك الدين كدة

لكن على اى حال انا مضطر ارد واحكم عليك من خلال كلامك فقط

انت بتقول

احنا شعب لا يستحق الحريه

وانا متفهم ان فيه ناس كتير زيك شايفين انهم لا يستحقو الحرية وانه كان افضلهم يفضلو تحت حكم النظام السابق وكانو مستمتعين جداً بمعاملة امن الدولة ليهم اللى بتبداء من السفالة وقلة الادب الحقيقية (مش بتاعة المعارضة) لحد الاغتصاب

وانا بطمنك ان المعارضة لما تحكم ممكن الجزء (قليل الأدب) اللى حضرتك اتكلمت عليه يسلبك حريتك انت واللى بيفكر ويتمنى ده زيك بس موضوع الاغتصاب ده مش عارف اذا كان هيبقى ممكن ولا لاء !!

انت عندك حق احنا منستحقش الحرية والمفروض نفضل زى ما احنا ذيل من ديول امريكا واسرائيل نظرياً وعملياً بينما انت نفسك وامثالك اعداء الحرية بتتهموا اى حد يطالب بيها بالعمالة لامريكا واسرائيل

وهو ده الفرق الاساسى بين ناس نزلت ضحت بحياتها ووقفت بصدورها بدون سلاح قدام نظام مبارك علشان تجيبلك انت واللى زيك الحرية ، وبين ناس متقدرش تواجه غير بالسلاخ والتخوين والتكفير وكل امالهم انهم يرجعو الناس عبيد تانى

بس هنتخب أى فصيل اسلامى اخر لا يمكن بأى حال من الأحوال أن أكون فى معسكر يضم الفلول و العلمانيين و الناصريين و الليبراليين و النصارى و الشيعة و الصوفيه و الراقصات و الفنانين المنحلين و خالد يوسف و الهام شاهين و بعض المغيبيين و اعلاميين الفتنة

تقصد الفلول يا شيبوراشكا زى هشام قنديل كدة اللى كان مساعد وزير الرى فى نظام مبارك ومعلوم حجم الفساد والفشل فى نظام مبارك

ولا تقصد الاخ اللى كان لواء شرطة ومساعد وزير الداخلية وبعد الثورة ضرب الدقن وبقى رئيس حزب اسلامى سلفى

الدليل السريع للتحول للسلفيه فى خطوتين




1- ركب دقن
2- انشىء حزب سلفى

والف مبروك يا عم الشيخ


ولا تقصد رامى ريمون لكح الشهير برامى لكح اللى فيما يبدو من اسمة انه نصرانى باين ولا ايه ههههههههههههههههههههههههه هههههههههههه

الدليل السريع للتحول من نصرانى كافر ورجل اعمال مشبوه هارب سابقاً الى رجل اعمال ناجح ومستشار وعضو مجلس شورى ورئيس حزب ملوش اى نيله فى الشارع بس جااااااامد جدااااااااً وفى خطوة واحدة



بوس راس المرشد



ترااااااااااام خلاص يا عم والف مبروك



اما موضوع الرقاصات فاخلاقى حتى الان تمنعنى من الرد عليها بنفسى احترماً لباقى الاعضاء بس هكتفى بردود من منتدى انا مسلم تعليقاً على رقاصات التيار الاسلامى المزعوم

ههههههههههه وقالك اسلاميين دول طلعوا بتوع دووللي وكلوا باسم الدين بكره يجيك رقاصه جسب الشريعه الاسلاميه

الحزب يقزم القضية فى دوللي شاهين وهل باقي فقرات الحفل كانت تلاوة للقرآن الكريم هلا خلا الحفل من الخمور ؟؟ هل خلا الحفل من نساء أخريات كاسيات عاريات هل خلا الحفل من التبرج والسفور يرعون حفلا ماجنا منكرا محرما ثم يقولون نحن لم نحضره كذلك القوادون يفعلون وكذلك بائع الخمر وحاملها وعاصرها لا يشربونها وكذلك كاتب الربا لا يأكله هل جاء هؤلاء القوم بدين جديد غير الذى أنزله الله على نبيه صلى الله عليه وسلم يقولون ثم تركنا المهرجان لماذا تركتم المهرجان إذا ؟؟ لو كان محرما ما فيه فلماذا قمتم برعايته ودعمه

هو فيه ردود كتير بس نكتفى بدول اختصاراً وللأمانة هو مكانش فيه دولى بس كان فيه رقاصة تانية بس مش عارف اسمها ممكن تسأل مشايخ الحزبيين اللى نظمو ودعمو الحفلة اكيد يعرفو













ايه رايك فى صور المعسكر اللى انت تبعة ... جامد صح

اوباااااااااااا نسيت رقاصة تانية انا عارف فيه رقاصات كتير بس ديه متتنساش









انا مش هجيب صور مقززة تانى للمعسكر اللى انت تبعة خلاص بس عايز اسأل بس

هو مشايخ التيار الاسلامى اللى واقفين فى ظهر الستات السافرات دول بيعملو ايه ؟؟



انا مش هفتى ولا اخمن وصدقنى معرفش انا قولت اسألك بما انكو معسكر واحد يعنى
صحيح بيعملو ايه ؟؟
وهل ده يجوز ؟؟

طب معلش اخر حاجة اخر حاجة

هو الاخ ده برضو تبع المعسكر بتاعكم ولا لاء



ايووووووووه الاخ اللى بيقول من بقه قاذورات ليل ونهار وبيشوه الاسلام اكتر من مليون ملحد ما يقدر وحاطط فى ضهرة حزب الله ده تبعكم برضو ؟؟

عموماً لحد ما نعرف انت تبع ايه ومين تبع مين بقولك احنا تبع الرأى ده



وهدفنا هو دة


دستور المدينة
من ويكيبيديا، الموسوعة الحرة

دستور المدينة أو صحيفة المدينه‎: تم كتابته فور هجرة النبي - صَلَّى اللَّهُ عَلَيْهِ وَسَلَّمَ - إلى المدينة المنورة وهو يعتبر أول دستور مدني في التاريخ، وقد أطنب فيه المؤرخون و المستشرقون على مدار التاريخ الإسلامي، واعتبره الكثيرون مفخرة من مفاخر الحضارة الإسلامية، ومَعلَمًا من معالم مجدها السياسي والإنساني.. إن هذا الدستور يهدف بالأساس إلى تنظيم العلاقة بين جميع طوائف وجماعات المدينة، وعلى رأسها المهاجرين و الأنصار والفصائل اليهودية وغيرهم، يتصدى بمقتضاه المسلمون و اليهود وجميع الفصائل لأي عدوان خارجي على المدينة.. وبإبرام هذا الدستور –وإقرار جميع الفصائل بما فيه- صارت المدينة المنورة دولة وفاقية رئيسها الرسول-صَلَّى اللَّهُ عَلَيْهِ وَسَلَّمَ-، وصارت المرجعية العليا للشريعة الإسلامية، وصارت جميع الحقوق الإنسانية مكفولة، كحق حرية الاعتقاد وممارسة الشعائر، والمساواة والعدل.

ديه شريعة ربنا اللى نعرفها اللى بتأمر بالعدل والمساواة والبر لغير المسلمين كما للمسلمين
وديه سنة نبيه عليه افضل صلاة وسلام اللى بيها قامت اول دولة اسلامية فى التاريخ فى المدينة بدستور عادل يجمع الدولة بشكل مدنى فى كيان سياسى موحد يضمن الأمن والسلام والحرية للجميع

ونازلين يوم 30 - 6 ضد رئيس متهم بجرائم تصل الى حد الخيانة وخائن لعهودة وظالم لشعبه وفاشل فى حكمة
نازلين بسلمية زى ما نزلنا من بداية الثورة نقول كلمة حق فى وجه سلطان جائر وبس عايز تقعد فى بيتكو زى ما غالباً كنت قاعد اول مرة خليك وخليك بردو فى حالك وسيب الرجالة اللى بتقدر معنى الحرية والعدل والمساوة تحاول تجيبها واتشرفت بيك يا اخ شيبوراشكا