من يدعون الإسلام، قتلوا وسفكوا الدماء لتولي السلطة فى البلاد

[AbOnOrA]

يا ابنى احترم نفسك يا ابنى قله ادب ايه وبلطجة ايه
انت بتكلم عن قطاع كبير من شعب البلد ديه يقاس بالملايين ويكاد يكون اغلبية وبالتأكيد هو الاغلبية قياساً بمستوى التعليم والثقافة فى البلد وده مش كلامى ده كلام الاحصائيات واستطلاعات الرأى سواء العالمية او حتى المصرية ذى مركز بصيرة ده كل ده لو انت مش شايف حملة تمرد حجم التاييد الشعبى ليها قد ايه فعيب يا ابنى تقول على المعارضين الالفاظ اللى قولتها ديه خاصة انها فى موضوعى انا كمان فانت بتشتم الناس وانا منهم عيب بجد ولولا سنك ومعرفتى بمحدودية ادراكك انا مكنتش هعذرك فارجوك متتماداش فى الاسلوب ده فى منتدى فيه ناس محترمة وبتاخد وتدى فى الكلام مع بعض

[AbOnOrA]

انا كلامى عام لأى حد ولكل حد وياريت محدش يشخصن الامور
و انا مبحبش اتكلم عن نفسى بس فيه حاجة ناس كتير ممكن متفهمهاش ان انا واحد من الناس اللى شاركت فى الثورة من بدايتها وشاهدت بنفسى احداث وعرفت حقائق ناس كتير من اللى اتفرجت على الثورة فى التليفزيون متعرفهاش ولا شافتها ولا حست بيها ولا فاهماها

فانا عايز بقى اللى يتكلم معايا ومع الناس اللى زيي يقولنا نزل امتى وشاف ايه علشان يتكلم او بمعنى اصح يفتى باى كلام وياريته اى كلام ده اتهامات وشبهات ولا ليها اي اساس من الصحة

وفوق الجهل للأسف والقدرة على الفتوى وتقمص دور الخبير والمحلل الاستراتيجى وهو نايم على قفاه فى البيت تلاقيه عامى عينة عن ميت حدث تانى واضح وضوح الشمس مسئولية انهى طرف عنه بداية من حرق الاقسام واقتحام السجون فى 28 و 29 يناير لارهاب المعترضين على مجلس الشعب المنحل الباطل لاعتقالات وتنكيل واعتيالات جسدية ومعنوية لكل من يقف فى صف الثورة

.. الثورة اللى قامت على فكرة التغيير للافضل وتحقيق الحرية والعدالة والحياة الكريمة للناس
مش قامت علشان المشروع الاخوانى والتمكين وتقسيم البلد لمؤيد ومعارض

[AbOnOrA]

المستشار خالد محجوب القاضي الذي حول مرسى الى متهم رسمياً



قاضي يسجل اسمه بحروف من النور في تاريخ القضاء، حكم في العديد من القضايا الهامة التي أثرت في الرأي العام، وارتبط اسمه بقضايا تمس حضارة وتاريخ مصر.

هو رئيس محكمة جنح مستأنف الإسماعيلية المستشار خالد محمد على محجوب الذي حكم في قضية هروب السجناء من سجن وادي النطرون وقام باستدعاء الرئيس محمد مرسي لسماع أقواله في واقعة اقتحام السجن أثناء الثورة، كما ترأس لجنة الجرد في قضية قصور الرئاسة.


تخرج خالد محجوب من كلية الشرطة عام 1995 وعين مديراً لمكتب رئيس أكاديمية الشرطة لمدة عام ثم تقدم لاختبار النيابة العامة عام 1996، التحق بالعمل في النيابة العامة عام 1997 بنيابة جنوب أسيوط الكلية ثم غرب القاهرة ثم نيابة حدائق القبة.

وعين قاضيا بمحكمة الجيزة الابتدائية عام 2004 وكان له العديد من الأحكام الهامة في دائرة جنح مستأنف قسم الجيزة وقضى "بحبس الليبيين الذين تعدوا بالضرب على وزير الخارجية السعودي بمنطقة الجيزة .

ثم عين بدائرة جنح مستائنف العجوزة وطل بعا لمده عام ثم طلب الانتقال الى العمل بدائرة جزئية تكون بعيدة قضايا المشاهير فعين قاضيا لرئيس محكمة جنح قسم امبابة وحكم في اول قضية من نوعها وهى قضايا التعذيب بالأقسام وهى القضية التي اشتهرت باسم "كليب القفا" انتهى فيها بالحكم على من قام باستعمال العنف وهو امين الشرطة الذى قام بضرب المجنى عليه على مؤخرة راسه(القفا) بحكما واجبا النفاذ .

كما نظر قضية الفساد الكبرى والمعروفة باسم "أكياس الدم" عام 2007 من خلال إجراءه للتحقيق في قضية كانت معروضة أمامه .

وفى نهاية عام 2008 انتقل إلى العمل بمحافظة الإسماعيلية فعين رئيسا لدائرة جنح ثاني ومركز الإسماعيلية وظل بها حتى عام 2010 عندما عين مفتشا قضائيا بوزارة العدل .

وعقب الثورة اسند اليه عدة مهام بالإضافة لعملة الاصلي كمفتش قضائى حيث اُوكل اليه الاشراف على ادارة الازمات بوزارة العدل ورئيسا لهيئة الفحص والتحقيق بمكتب مستشار التحقيق فى قضايا فساد وزارة الزراعة والاستيلاء على اراضى الدولة وكان لة الفضل فى الكشف عن عدة قضايا فساد كبرى .


وفى عام 2011 اصدر المجلس العسكري قرارا بتشكيل لجنة لجرد القصور الرئاسية والتحفظ على مقتنياتها وعين محجوب امينا عاما لها.

وفى بداية العام القضائى الحالي فضل محجوب الابتعاد عن العمل الاداري والعودة لمنصة القضاء واختار ان يعود كرئيس لمحكمة جنح مستأنف الاسماعيلية ونظر فى البداية قضية استيلاء رجال اعمال بالإسماعيلية على مساحة 1850 فدان بأراضي شبه جزيرة سيناء وبيعها لشعب الاسماعيلية وقضى بحبس رجال الاعمال بحكم واجب النفاذ فورا، ثم نظر قضية غش الادوية الكبرى بالإسماعيلية وقضى بحبس جميع المتهمين بحبس واجب النفاذ .


ثم جاءت القضية الكبرى وهي قضية هروب سجناء وادي النطرون والتي تعرض بسببها لضغوط وتهديدات بالقتل، يخضع بعدها إلى حراسة أمنية مشددة حتى ينطق بالحكم في القضية التي فتحت ملفات اقتحام السجون وتهريب المعتقلين والجنائيين.

والمستشار خالد محجوب حاصل على شهادات تقدير من جميع وزراء العدل السابقين بدء من المستشار فاروق سيف النصر وحتى المستشار عادل عبد الحميد وكذلك شهادات تقدير من جميع رؤساء المحاكم الابتدائية التي عمل بها .

[YahiaAshraf]

السلا عليكم

أنا قررت قرار بانى مش هشارك فى اى موضوع سياسى ولا هعمل اى مواضيع سياسية و لا هقول راى فى اى موضوع سياسى
سواء الموضوع كان صح ام خطا


لان للاسف لما بقول راى المعارض مبيعجبش حد و بيتاخد على انه هجوم شخصى وانى اخوانى على طول مع انى لا اخوانى و لا غيره ولكن لو راى مؤيد يبقى هو البطل

وانا هكتفى براى لنفسى

واقسم بالله ما انا رادد فى اى موضوع سياسى تانى ولا ليا علاقة بالسياسة فى المنتدى بتاتا

وشكرا وائل باشا على كلامك الطيب
وجزاك الله كل خير و كل سنه و انت طيب بمناسبة النصف من شعبان

AbOnOrA يا ابنى احترم نفسك يا ابنى قله ادب ايه وبلطجة ايه

[AbOnOrA]

لا حول الله يا عم حد منعك
ده حتى فى موضوعى انا مقولتلكش متشاركش بس قولتلك هات دليلك
عايز تهرب انت حر بقى

يا يحي انت المفروض حد من اسرة المنتدى والاسلوب ده محبش اكلم بيه حد معايا فى اسرتى لكن اقسم بالله العظيم لو ابويا نفسه شكك فى وطنية الثوار اللى مات منهم ناس جمبى ودمهم كان على ايدي واللى شوفتهم فى المشرحة ليلة 28 ماهعرف اجاملة ولا اقول كلام غير كلامى ده

ده اللى انتو مش فاهمينة زى ما قولت فيه ناس كتير واخدة موضوع الثورة ده زى مسلسل تليفزيون ولا ماتش كورة وكل واحد يقول اى كلام باعتبار انه رائى بقى وهو حر يبقاله رائى زى ماهو عايز بس ديه مفيهاش رائ ديه فيها شوفت ومشوفتش وعيشت ومعيشتش

انت لو تلاحظ اصلاً انى بقالى كتييييييييير جداً مباشركش فى قسم الثورة ده خالص ولا بعمل موضوعات ولا بعلق على اغلب المواضيع اللى فيها لتفادى اى صدمات من اى نوع اصلاً لكن ده انت داخل تقول قله ادب وبلطجة ورصة اتهامات واهانات طويلة عريضة فى اول موضوع اعملة من شهور فى القسم ده

يا سيدى هو انت علشان بتحب الاخوان تشتم وتخون وتتهم بالبلطجة والتخريب اللى بيعارضهم

هو علشان متحسش انك منافق او ملكش رائى محدد تقول تاخد رائى الضد باكدج كدة زى مابيجى فى قناة الحافظ و 25

طيب بس علشان منتفرعش ونبقى فى اصل الموضوع انت اللى شوفته بيايد كلامك وشهادتك ديه اللى هى شهادة مش رائى وهتحاسب عليها امام الله احكية وجيب اللى يثبت

لو المعارضة كلها زى ما قولت فيها كل الحاجات ديه يبقى انت راجل تمام يا سيدي

وياريت يا يحي وانت مبقتش صغير ومش اصغر من ناس كتير بتنزل وتشارك بس مش هقولك انزل وشارك وشوف بعينك برضو ليك حق تخاف على نفسك بس ممكن تخطف رجلك لاقرب مقر لحزب من احزاب المعارضة فى منطقتك واتعرف على الناس المعارضة ديه وشوف الناس ديه شكلها ايه متسولين وبلطجية فعلاً ولا دكاترة واساتذة ومهندسين وناس كبيرة ومحترمة وشباب زى الورد ولا شكلهم ايه بالظبط