ندرة الحديث عن البيجو 504

[mommom]

لكم ان تعرفوا عن بيجو 504 اسبورت واعتقد اننى لم اراها في مصر وليس لى علم ان كانت وجودة ولكن طابع الشعب المصري سيارات 4 ابواب والكلام لاينتهي عن الاسطورة
http://youtu.be/w9POF-EgbPI

[خالد الجوكر]

لا يا استاذ فاروق انا معترض جداً مع كلامك البيجو504 عمرها ما يكون راحت عليها

بالنسبه لحكايه البنزين ممكن يركب كربرتير سوبر ده مبيعديش ال120 علشان بيبقا خانق العربيه وبيوفر كتير ف الاستهلاك

لكن انا الكربراتير بتاعى كبير بيعمل 170 كيلو ف الصفيحه

مش وحش اوى يعنى ولا هيه مستهلكه جامد بردو وبعدين دى بتاخد 80 مش 90


والحمد لله اللى معايا بتجيب معايا ال160 وبتقولى هات كمان وبكون لسه مقفلتش الاسكراتير

مش بتجعر اوى يعنى زى ما انت فاكر وبشد مع عربيات اعلى منها ف الفئه بكتير

دى عربيه عمر الشعب المصرى ما يستغنا عنها مفيش عربيه دلوقتى بتستحمل زيها

واللهى باكل بيها مطبات بالهبل لو كلتها اى عربيه حديثه هتيجى نصين ومطبات مش صناعيه لا دى مطبات عموووووله من اللى 2 متر لفوق دى وعمرها ما قالت ارحمنى

واسف انى طولت عليكو بس دى حقيقتها

[hadysaad]

المشاركة الأصلية كتبت بواسطة خالد الجوكر يا استاذ هادى انا بالنسبه لمدينتى اللى انا فيها تلت تربعها 504 وقطع الغيار متوفره عندنا بطريقه خرافيه للعربيه دى وبسعر التراب وكلها اصليه وبتعمر هيه الحاجه الوحيده اللى بتغرم ف العربيه دى البنزين لأنها 2000 سى سى مش شويه بتشفط البنزين بس مش اكتر ولو ف اى حاجه تانيه عايز تسأل عليها انا ف الخدمه ومتابع معاك

أخي خالد شكراً على اهتمامك هي فعلاً البيجو سيارة من يبحث عن العراقة والقوة وتقدر تضيف عليها كمان كل الأوبشن اللي إنت عاوزة والتحديثات اللازمة ،،، فين المكان ده بتاع قطع الغيار المتوفرة بكثرة ورخيصة ،،،،

شكراً جزيلاً

[hadysaad]

بخصوص مسالة استهلاك البنزين فهذا أمر طبيعي ، لمن يريد القوة في الأداء عليه أن يتحمل سعر البنزين ،،،

[hadysaad]

شكراً أخي الفاضل على إهتمامك ، هو كلامك صحيح إنها سيارة البيجو 504 أصبحت قديمة من حيث الموديلات الحديثة المحاطة بنا الآن لكن لا يجب أن نتجاهلها فهي كانت ملكة زمانها فالملك مهما حصل فهو ملك ،،، العملية وجهات نظر ،،،
وشكراً