تجربة قيادة تويوتا ياريس (مميزات وعيوب)

[hero_hamada]

شكرا للتقييم الاكثر من رائع ده
بس عموما انا كمان مش بحب شكلها اوى

[Nour_peugeot]

جامد التققيم يا وائل فعلا بس انا فعلا مبتقش شكلها خالص زي ال 206 السيدان كده فيها حاجه غلط

و شايف ان الناس طيرا بيها في السما طيؤ معا انها عربيه عاديه خالص

[medo2_0]

تقرير رائع و انا مش حابب اليارس نهائياً ولا شكلاً ولا ادائاً مش عارف ليه حاسس اها عربيه لعبه !
شكرا لك .

[ابو هيما]

شكرا ع المعلومات المفيدة و على الصور
أنا شخصيا كنت امتلك هذه السيارة من سنتين ..وده تقيمى ليها
1- السيارة حلوة جدا كسيارة عائلية (فمن ناحية الامان بها أنين أيرباج والمقصورة الداخلية بالكامل محاطة بالصلب حتى لا يصل أثر الصدمة لمن بالداخل بل يكون من الخارج فقط ويمكن ده ملحوظ و بياكده الصور المصحوبة فى تقرير أبو نورا )
2_فراملها قوية جدا وما بتنحرفش مع الفرملة الشديدة وده أنا جربته أكثر من مرة بعكس الانسر لاقتها بتعوم معايا جامد عند الفرملة الشديدة (يمكن عشان مكنش فيها ABS)
3_المقصورة ضيقة شوية لكن التقفيل أكثر من رائع (أقصد حينما ترفع الزجاج وتبدا فى القيادة لاتسمع صوت اطلاقا فالمقصورة الداخلية معزولة عزل جيد جدا )
4_صوت الماتور هادىوغير مسموع ولكن مع السرعات العالية يبدا صوته فى العلو بشكل ملحوظ
5_الشنطة حلوة وكبيرة بتحمل فيها حاجات كتير ومتقولش لأ
6_استهلاكها للبنزين أكثر من رائع والتكيف بتاعها تلاجة وتاثيره على الجالسين بالخلف أكثر من الجالسين بالامام ...!!!!!
7_الصاج بتاعها ضعيف جدا (يعنى لو قطة معدية ولمسته هايبان -لو حصى وانت ماشى وطار واحدة منه هايجرح الصاج بشكل ملحوظ )
8_ الباور والغيارات نعمة وسهلة جدا وبتثبت كفائة تويوتافى المحركات
9- علوها من وره ميزة فى شوارع القاهرة صاحبة الرقم القياسى فى المطبات والحفر
10_مساعدين العربية أدائهم قوى ومش ناشفين
التقيم العام للسيارة جيد -ولا ننسى أنها حاصلة على خمسة من خمسة فى أختبارات التصادم www.euroncap.com
http://www.euroncap.com/Player.aspx?...7-6b9f91e9c52d
وفقكم الله جمعيا لكل الخير -ولاتنسونا بدوعائكم الصالح

[Brave Heart]

اليارس دى عربيه مش تمام مش عارف بكرها ليه

يمكن شكلها من بره

او مكان العدادات بتاعها من جوه