عايز اشترى عربية ومحتار فى ميزانية 120 الف

[ahmedsalah]

عليك وعلى الكرولا او الاوكتافيا وسيبك من اى حاجة تانية

[AbOnOrA]

تمام يا احمد باشا طالما الوضع كدة اجل البى ام دلوقتى خالص وخليك فى العملى وفى الحالة ديه يبقى الكرولا بس اهم حاجة الحالة طبعاً والعداد ميكونش معدى ال 100 الف
البى ام علشان تركبها مستريح تجيبها زيرو او كسر زيرو فى اول خمس سنين بعدها بتفتح بقها فمبالك بالموديلات القديمة
السيفيك ركوبة جميلة وخاصة موديل 2008 ده انا شخصيا بحترمة جداً بس كصيانة وقطع غيار نار يا حبيبى نار برضو
الفيكترا تجرى منها مش بس تبعد عنها وقطع الغيار برضو نار والصيانات عايزة علماء فضاء من ناسا يا التوكيل ملهاش تالت
الاوكتافيا مش بطالة خالص بس علشان تلاقى حالة كويسة مش وارد اوى بس عامة هى ارزاق
كمان نضيف للقائمة ديه الهيونداى النترا اجدع بكتيييييييير من السيراتو وبيتقارن بره وجوة بالكرولا وبتتفوق عليها كمان بتكلم طبعاً عن موديلات 2008 - 2009 - 2010 -2011
وعامة شوف هتلاقى ايه قدامك وتعالى نفكر مع بعض فى الانسب ومبروك مقدماً

[momotemo]

انا كمان نفس مشكلة استاذ احمد نفس المبلغ معايا ومحتار جدا بين 318i موديل 2003 - 2004 وبين اوكتافيا a5 2009 مع العلم اني بقطع كل يوم 200 كيلو

[AMMI]

لو عاوز حاجه زيرو علشان تريح نفسك من الكشف على العربيات والله اعلم هيبقى فيها ايه رغم الكشف فانصحك تركب سوزوكى سياز
العربيه ديه مع الوقت هتنتشر ان شاء الله بس لسه ناس كتير متعرفهاش

[zika2015]

دوس فيها يا باشا سيبك من اي كلام واللي يقولك كرولا والنترا وسيراتو معلش في كلامهم انت تقارن السيراتو والالنترا ببي ام ازاي وباي وجهه نظر انا ممكن اقارن بينهم في حاله واحده ان التوكتوك يتساوي مع الطياره طبعا مفيش اي شك خش فيها بقلب جامد اهم حاجه تكشف في التوكيل وتكون حالتها ممتازه يدوبك هتغير زيوت وسيور ومساعدين وكاوتشات وحافظ عليها كويس مش هتكسفك ولا عمرها هتعطل منك ولا تعطل ولا ولا ولا انا زيك بدور عل 318 موديل 6-7 ورايح اشوف واحده الاسبوع الجاي وتقبل مروري