تقرير مصور عن السوبارو xv

[د/محمود عبدالمقصود]

المشاركة الأصلية كتبت بواسطة عامر سالم عندي تعقيب علي حضرتك والاستاذ صاحب الموضوع "" انا رحت الوكيل النهاردة وقالي الفانوس الامامي في حدود 970 والخلفي 750 وبقية الاسعار انا فاكر انها ارخض من القاشقاي تاني حاجة ياجماعة مينفعش نقول علي وكيل وحش وخلاص عشان الناس بتقول كده لازم يكون عن تجربة """وانا اعرف كام واحد معاهم امبريزا وكان عندهم مشكلة في السوفتوير والوكيل يعني اخر احترام جابولهم الابديت بعد 5 ايام من اليابان وكمان حضراتكوا سوبارو بتبعلك دفع مستمر وبوكسر انجن وارتفاع عن الارض وامان ودي حته مهمة يعني ايه اشتري عربية ب 190 الف واعلي وملقيش غير وسادتين هوائيتين معلش بلاش تفكير رجعي في الامكانيات والسقف البانوراما وخلاص لازم تهتم بسلامتك اولا بس طبعا ده لايقلل من اهمية الامكانيات دي بس لما تيجي مع عوامل امان محترمة زي المرسيدس والبي ام

انا اخذت الاسعار دي وانا في توكيل سوبارو الاسكندريه في الداون تاون المدير خلاني اتكلم على رقمهم 19570 و فسم الصيانه عطاني الاسعار دي

[د/محمود عبدالمقصود]

المشاركة الأصلية كتبت بواسطة hal71 ممكن حضرتك تشوف الفيديو ده http://www.youtube.com/watch?v=k0h9_t0NZU8 وإن كنت شخصياً أفضل القشقاي لأنها إنتشرت و السوبارو ما لهاش توكيل كويس للأسف على الرغم من تقنية الدفع الكلي الرائعة فيها

مفيش حد اقنعني بميزه حتى الان تجعلني افضل النيسان على السوبارو ...الاخ عامر سالم زاد في اقناعي بالسوبارو ....

[د/محمود عبدالمقصود]

المشاركة الأصلية كتبت بواسطة yahiaashraf الف شكر على الموضوع بس الصور مش ظاهره

استاذ يحيى اشرف منور الموضوع و محدش يقدر يتخطاك في حتة التقارير خالص لكن لما لقيتك مش مصور من جوه المعرض اي حاجه قلت احاول

[عامر سالم]

المشاركة الأصلية كتبت بواسطة د/محمود عبدالمقصود مش عارف ليه الصور مش باينه لكن لو ضغطت على ايقونة الصورة حيفتح الموقع اللي انا منزلها عليه و حتبان ....لو في اي عضوا يعرف يخليها تبان و ينزلها تاني يبقى كتر خيره تاني حاجه الاخ عامر سالم انا اتفق معك تماما هو ده بالظبط اللي يخليني افكر فيها الارتفاع المذهل عن الارض اللي اعلى من الجيب جراند شيروكي بخاصه في وقت الامطار مطلوب جدا + الدفع الرباعي المستمر اللي يخليك مطمئن ان العربيه حتسحب معاك كويس لو طالع على مرتفع او ماشي بسرعه يبقى في ثبات ممتاز...انا مهم اوي عندي السلامه بس موضوع اني ادفع 25 الف زياده كتير اووووي اللي محيرني بجد ان الاوبل استرا سيدان 2013 الجديده مصفحه بالكامل من الاسفل و حاسس انها تستاهل تمنها حتى لو وصل 170 الف كفايه التصفيح بالكامل لكن السوبارو xvللاسف اول ما تفتح الكبوت تلاقي الموتور قريب من الارض و الارض باينه من تحته يعني لو المنسوب بتاع المياه كان عالي جدا زي ما جصل في سيدي بشر و ووصل لابواب الميكروباصات السوبارو حتقف :08da 300846c84943ae1

حضرتك كل واحد علي حسب ميزانيته بس انا بتكلم من حيث المقارنه في الكروس الاوفر اللي مفهاش عربيات ممتازة غير القاشقاي والاس في ان السوبارو تكسب وموضوع التوكيل حضرتك اصلا مش هتحتاج تشوفهم غير يعني صيانة الخمسين الف قبلها العربيه مش محتاجه تبدا تدفع في الصيانه وبالنسبه للتصفيح انا شفت فيديوهات علي اليوتيوب العربيه بتدخل في الميه عادي لكن مش في منسوب مرتفع زي امطار سيدي بشر الغريبة وبالنسبه لللاوبل هي احسن خيار في فئة السيدان المتوسط بالنسبه للسعر في مصر وهي لازم تبقي مصفحه عشان قريبه من الارض العربيه وفي النهايه دي فئه ودي فئه وكل واحد يختار اللي يناسبه عايز عربيه رفاهيه وكماليات زي الاوبل ولا عايز عربيه وحش تستحمل طرق الحبايب بتاعتنا ربنا يحميها

[mishoalex]

د محمد كيف الحال
انا اعرف العاملين في توكيل سوبارو بالاسكندريه بحكم عملي في التامين
ومع احترامي لحضرتك ارفض تشبيه السيلز بالقهوجي لانه شخصيه محترمه جدا وكل العاملين بالمعرض ناس محترمه جدا جدا وعلي خلق
لكن بقي لو حضرتك قمت بمقابله عامل النظافه ( هاني ) يبقي الغلط من عند حضرتك ومن عنده
اولا من عند هاني لانه تكلم ودخل في موضوع ليس من تخصصه
ثانيا من عند حضرتك لانك قمت بسؤال شخص غير مختص في هذا المجال
كان يجب الانتظار حين عوده الاستاذ محمد هاني السيلز المختص
او الاستاذ احمد غراب مدير الفرع

و بالنسبه لموتور السياره لوحضرتك لاظت ان كل حاجه في الموتور من فوق مثل فلتر الزيد و الدينم و و بالتالي الحاجات دي لا تتاثر بالمياه
و لوحضرتك شايف ان قطع الغيار سعرها عالي و بتقارن بينها و بين القشقاي احب اقول لحضرتك ان السان روف بتاع القشقاي لوحصل في اي حاجه حاتستني كتير قوي علي بال مايجي من بره لان كل الي في التوكيل مليان عيوب و بيجي اسبيشيال اوردر و علي فكره سعره غالي جدا وده عن تجربه لبعض العملاء لدي
وميزه الدفع الرباعي و الجنوط سبور الموجودين في جميع فئات السياره التي تنفرد بها السوبارو عن غيرها من جميع السيارات .

ولو حضرتك مستكتر السعر بتاع السوبارو و هي يباني 100% دفع رباعي - ياريت حضرتك تسال عن سعر الكيا سبورتاج و الكيا سيراتو موديل 2013 عامل كام و طبعا عربيه كوري وساعتها حضرتك حاتفهم انا اقصد ايه و حاتقتنع ان سعر السوبارو مناسب جدا للمكانيات بتاعتها

ولوحضرتك ماذلت تفكر في نيه شراء السوبارو احب اوضح لحضرتك ان الدفعه الجديده من Xv وصلت و التسليمات في القريب العاجل ان شاء الله

اسف علي الاطاله و اتمني اني اكون وضحت لحضرتك الموضوع و انا تحت امرك في اي وقت .