بالله عليكم تساعدوني

[أحمد جمال محمود]

المشاركة الأصلية كتبت بواسطة Vanditta 8000 جنية الموتور الاكسيل طبعا دة فرق الموديل بس لوحدة 21 سنة

فعلا انا ان شاء الله توكلت على الله وهختار الأكسل
بس برضه يا جماعه الحق يقال البيجو 504 وحش على الطريق ومحدش يقدر ينكر ان العربية دي فلته وكون سوقها ماشي حتى الآن ده يحسب لها

[حسام البورسعيدى]

المشاركة الأصلية كتبت بواسطة أحمد جمال محمود فعلا انا ان شاء الله توكلت على الله وهختار الأكسل بس برضه يا جماعه الحق يقال البيجو 504 وحش على الطريق ومحدش يقدر ينكر ان العربية دي فلته وكون سوقها ماشي حتى الآن ده يحسب لها

البيجو 504 وحش وكل حاجة بس وقت وله ادان .. وانا شايف انها خلاص بقى راحت عليها ومبقتش العربية اللى تدفع فيها 28 الف جنيه خالص ..

الهيونداى اكسيل افضل طبعا .. بس اتاكد من حاله العربية كويس اهم حاجة .. وبالذات الصاج والدواخل والصالون والتابلوه وكده .. ويليه الموتور والعفشه والكلام ده ...

وربنا يوفقك ..

انصحك تدخل على موقع كونتاكت كارز هتلاقى انواع كتير تناسبك ..

[mr_astra]

المشاركة الأصلية كتبت بواسطة أحمد جمال محمود طيب يا جماعه انا حاليا معروض عليه هيونداي أكسيل موديل 1998 ، 1500 سي سي باور وزجاج كهربا وتكييف وصاحبها طالب فيها 30 ألف جنيه ياترى سعرها كده كويس ولا أيه ولما اروح ابص عليها مع ميكانيكي طبعا اتأكد أول حاجة من أيه فيها

السعر معقول جدا ويمكن اقل من السعر العادل لان سعرها من 33 وانت طالع
ولما تروح تتفرج عليها تتاكد ان العربية مفهاش دهان داخلى فى الحوض ومفهاش دهان من الداخل فى الشنطة
ونفس الكلام فى القوايم ولو السقف مش مرشوش يبقى كويس جدا انما لو مرشوش يمشى الحال ما تبوظش اليبعة يعنى
تتفرج على الصالون من جوة ميكنش متهربد وتختبر مكن الزجاج
وعاوزك تبقى تبص على الركبة الشمال لانها تملى بتشرخ فى الاكسيل
وتشوف الكابوت من برة لان الغالب انة بيكون مموج


وطبعا الميكانيكى هايكشف على حالة الموتور والات الجر والتكييف والباور
وتطمن على حالة الكاوتش لان فعلا لو محتاجة طقم كاوتش اليومين دول يعمل يجى 1600 جنية