تقرير صيانة 30000 كم للسيارة مازدا 3 2010

[alymonir]

السلام عليكم و رحمة الله و بركاته
حلقة أخرى من سلسلة متابعات السيارة مازدا
و أنا أحاول - قدر المستطاع - نقل خبرتي و تجاربي المتواضعة عن السيارة لعل ينتفع بها أحد في يوم من الأيام
و أحب أن أذكر أن هذا الموضوع حصري لمصر موتورز و لا أصرح لأحد بنقله إلى منتدى اخر
ندخل في المهم
طبعا اللي متابعيني من الأول عارفين اني عملت صيانة ال 20000 كم خارج التوكيل عند ورشة خارجية خاصة بقريب لي ( ابن خالتي ) و عملت الصيانة دي عنده برضه
بداية كم السيارة كان حوالي 37000 كم و الكم الاخير كان 35000 كم يعني الفرق حوالي 12000 كم و الملاحظ الحمد لله ان تأخير السيارة عن ال 10000 كم لا يضر بشيء اطلاقا على خلاف ما يتوهمه البعض عن طريق التوكيلات التي ترهب الزبون حتى لا يتخطى المسافة بكيلومتر واحد خوفا على الضمان ( وسلملي على الضمانات في مصر خصوصا غبور )
في الكتالوج صيانة ال 30000 كم تشمل الاتي :
زيت موتور و فلتر
بوجيهات
فلتر بنزين
تربيط عفشة و الذي منه و خلافه
المهم
أنا قررت أأجل البوجيهات و فلتر البنزين شوية
و كنت مأجل فلتر الهواء و التكييف من المرة اللي فاتت قلت أعملهم المرادي
و كنت اخر مرة مغير التيل الأمامي كنت عامل حسابي و اشتريت تيل خلفي المرة دي تحسبا لتغييره
المهم
سلمت العربية كالمعتاد للورشة و قلتلهم على كل اللي عايز أعمله
و الذي تم الاتي :
1- تغيير زيت موتور ( فيسكو ) و فلتر زيت + اضافة زيادة لزوجة للزيت من شركة abro
2- تغيير فلتر هواء
3- تربيط عفشة و فحوصات لسوائل السيارة و الكشف على كل شيء في السيارة تقريبا و كله طلع تمام و الحمد لله

الذي لم يتم :
1- لم يتم التوصل إلى مكان فلتر التكييف ؟!!!!!!
2- التيل الخلفي كان كويس فأجلت تغييره شوية
3- لم يتم الكشف على الفريون
4- لم يتم عمل مقص للعجل ( علشان قرب يتغير )

المصنعيات كلفتني 400 جم بالزيت و بالبقشيش ( 370 + 30 )
التيل كنت شاريه من التوكيل ب 600 جم !!!! ( تييييييييييييييييييت )
فلتر الهواء 90 جم (مش اصلي)
فلتر التكييف 110 جم (برضه مش أصلي)
اضافة زيت موتور 60 جم
اضافة رفع الاوكتان ( مش فاكر سعره ) حطيته مع أول تفويلة بعد الصيانة
المهم الموضوع كله ( الحاجات اللي اتغيرت بس ) كلفني حوالي 700 جم
طبعا لو في التوكيل مكنتش حادفع أقل من 2000 جم ( لأنهم كانوا حايغيروا كل حاجة حسب الجدول + تغيير التيل + اسعار الفلاتر داخل التوكيل مضروبة في 3 )

بعد كدة بيومين تقريبا ضبطت زوايا في بنزينة موبيل سموحة

الملاحظات :

العربية فاقت !!!
السحب اتحسن كتير ( يمكن بسبب فلتر الهواء )
النقلات بقت أسرع
العفشه طبعا بقت انعم
مدفعتش كتير زي التوكيل

أنا مقتنع جدا باللي انا عملته و راضي عن هذه الطريقة و حاسس اني باخدم العربية كويس و بدون تكاليف مرهقة

أرحب باراءكم و اقتراحاتكم

تغيير زيت موتور ( فيسكو ) و فلتر زيت + اضافة زيادة لزوجة للزيت من شركة abro
ممتاز !!!!!!!!!!! وضع الابرو !زيت شمبر!



التيل كنت شاريه من التوكيل ب 600 جم !!!! ( تييييييييييييييييييت )
كده مش حلو نهائى السعر ده !


العربية فاقت !!!
السحب اتحسن كتير ( يمكن بسبب فلتر الهواء+ زيت شمبرالابرو )
النقلات بقت أسرع


أنا قررت أأجل البوجيهات و فلتر البنزين شوية
لازم يتم تغييرهم بالكتير بعد 10000 كم من دلوقتى !!


لم يتم التوصل إلى مكان فلتر التكييف ؟!!!!!!
خلف الجريل بتاع المساحات فى بعض الموديلات او خلف خزنة درج التابلوه !!!

لم يتم عمل مقص للعجل ( علشان قرب يتغير )
الكاوتش بيتغير كل 55000 كم او 60000 كم كحد اقصى !!!
الف مبروك وعقبال صيانة ال 300000 كم !!!

عند 40000 كم يرجى تغيير زيت وفلتر للفتيس الاتوماتيك لكى يظل فى افضل تاءدية واطول عمرا !!
استعمل زيت كالتكس او فالفولين للفتيس الاوتوماتيك !!




:GR OWIN~12::GROWI N~12:

[AbOnOrA]

ماشاء الله عقبال صيانة ال 300 الف

انت عارف رائى طبعاً انى مؤيد الصيانات بره التوكيل
بس كنت عايز اسألك عن سبب كلامك ان النقلات بقت اسرع
انت عملت حاجة فى الفتيس ؟؟؟

[alymonir]

المشاركة الأصلية كتبت بواسطة cars admire تغيير زيت موتور ( فيسكو ) و فلتر زيت + اضافة زيادة لزوجة للزيت من شركة abro ممتاز !!!!!!!!!!! وضع الابرو !زيت شمبر! ربنا يستر لأن في ناس قلقتني منه التيل كنت شاريه من التوكيل ب 600 جم !!!! ( تييييييييييييييييييت ) كده مش حلو نهائى السعر ده ! زفت طبعا العربية فاقت !!! السحب اتحسن كتير ( يمكن بسبب فلتر الهواء+ زيت شمبرالابرو ) النقلات بقت أسرع أنا قررت أأجل البوجيهات و فلتر البنزين شوية لازم يتم تغييرهم بالكتير بعد 10000 كم من دلوقتى !! إن شاء الله الصيانة الجاية اغير فلتر البنزين و البوجيهات حسب الحالة لم يتم التوصل إلى مكان فلتر التكييف ؟!!!!!! خلف الجريل بتاع المساحات فى بعض الموديلات او خلف خزنة درج التابلوه !!! للأسف فكينا كل حاجة و مش لاقيينه و مش مرسوم مكانه في الكتالوج لم يتم عمل مقص للعجل ( علشان قرب يتغير ) الكاوتش بيتغير كل 55000 كم او 60000 كم كحد اقصى !!! الف مبروك وعقبال صيانة ال 300000 كم !!! الله يبارك فيك عند 40000 كم يرجى تغيير زيت وفلتر للفتيس الاتوماتيك لكى يظل فى افضل تاءدية واطول عمرا !! ممكن اخليها 50000 ؟؟ اعتقد مفيش مشكلة استعمل زيت كالتكس او فالفولين للفتيس الاوتوماتيك !! طب ايه رأيك في فيسكو ؟ عندهم زيت فتيس كمان :GR OWIN~12::GROWI N~12:

الرد في الاقتباس

المشاركة الأصلية كتبت بواسطة AbOnOrA ماشاء الله عقبال صيانة ال 300 الف انت عارف رائى طبعاً انى مؤيد الصيانات بره التوكيل بس كنت عايز اسألك عن سبب كلامك ان النقلات بقت اسرع انت عملت حاجة فى الفتيس ؟؟؟

الله يبارك فيك يا ابانورا
احسن حاجة برة التوكيل خصوصا لما يكون غبور
ممكن موضوع النقلات دة بسبب تجميع العربية عامة
مش عارف مش لاقي مبرر واضح
( بس لو مبررة حاتكون مبررة اما لو مش مبررة تبقى مش مبررة )

اضافة زيت موتور 60 جم
لو تقصد الابرو يبقى كده كتير
لان العبوة = 15 جنيه فقط !!



تغيير فلتر التكييف لعربيتك !!
I recommend doing this after every 30.000k.m

http://www.youtube.com/watch?v=GKhVXslh6Is

شغل يدوى عمولة بيتى ينفع لعربيتك

http://www.youtube.com/watch?v=aVonSrU8hIQ

مهم جدا تغيير زيت وفلتر للفتيس الاوتوماتيك لانه فى مصر بيجهد كتير فى الاشارات وانواع الزيوت اللى وصيتك بها ممتازة ولك مطلق الحرية !40000 كفاية جدا!

http://www.youtube.com/watch?v=MsdPAadc9fY