|
#36
20-06-2013, 08:49 PM
|
||||
|
||||
رد: خطوة بخطوة اصنع تربو سوبر شارجر كهربى لسيارتك - للمحترفين فقط
الله يخليك يا رب احنا خلصنا الجزء الثالث كان عن التريجر الجزء الرابع هيكون عن الاير فلو سينسور الجزء الخامس للتركيب و الاختبار لو حبينا نعمل جزء سادس هيكون للشد مع العربيات على الطريق لو خلصت موضوع الكبالن لأنى حتى مش عارف اقضى مشاوير بره المدينة بالحالة دية هطلع على حلبة الايه سى عندنا فى العبور لو شغاله ممكن نعمل بلاوى لو مش شغالة يبقى الاسماعلية صحراوى ساعة فجرية و انا بدعوكم عموما لزيارة المكان ده قبل مدينة العبور من عند كارفور العبور تسئل عن الداخلة بتاعته هى مجهزة للسباقات الدولية و فيها مسارات سرعة و ملفات دريفت ان شاء الله نوصل للجزء الخامس على يوم الثلاثاء او الاربعاء لو حد يحب يحضر التركيب اهلا و سهلا بيه يراسلنى على الخاص لكن عموما انا هعمل ده مره واحده لأن حاجه زى كده بتقلق البيت كله و ربنا عالم انا اقنعتهم بالفك والتركيب تانى ازاى انا اللى مضايقنى فى الموضوع ان مفيش حد بيحاول يمسك مفك حتى مفيش تفاعل تنفيذى عموما قبل ما ندخل فى الجزء الرابع يهمنى اللى بيتابع معايا ده اذا كان فى حد بيعمل ده يشترى الاير فلو سينسور و ده بيركب ما بين خرطوم التربو و عمة الموتور ده شكله  و مهمته ببساطة يحسب احنا بنحقن هواء قد ايه بالظبط على الموتور و مهم جدا تعرف ان محركات الاحتراق الداخلى الغير مجهزة ببساتم رياضية تبداء عمرها يتأثر من اول 5 متر مكعب لكل ثانية معدل حقن الهواء المحركات عموما سواء كانت رياضية او غير تبداء تضر لو كان معدل حقن الهواء 8 متر مكعب ثانية او اعلى البلاور اللى انا مستخدمه فى التربو 2.3 متر مكعب كل ثانية و ده عشان يدليك اعلى عمر للموتور و تأثير ضغط هواء فعال و عموما و انت بتشترى اختار ما بين ال 2 و ال 4 متر مكعب كل ثانية بتلاقى ده مكتوب على العلبة و كده ان شاء الله تحافظ على موتورك و تستمتع بالتربو بتاعك المهم دية صور توضح هو بيركب فين بالظبط    انا هنزل دايرة الامبير بتاعه قريب جدا و هشرح كمان ازاى يتصنع الامبير و لو مش قادرين تشترو الاير فلو سينسور هشرحلكم ازاى بيتصنع و ايه الحسابات العلمية بتاعته و ازاى بيتعير و يتوصل لكن على الاقل الاقى تفاعل حقيقى و حد يشوف المنتدى اللى كل شوية يهنج ده !!  
|
|
#37
27-06-2013, 02:54 PM
|
||||
|
||||
|
رد: خطوة بخطوة اصنع تربو سوبر شارجر كهربى لسيارتك - للمحترفين فقط
متابع.......
|
|
#38
28-06-2013, 08:49 PM
|
||||
|
||||
|
رد: خطوة بخطوة اصنع تربو سوبر شارجر كهربى لسيارتك - للمحترفين فقط
بقالى اسبوع يا عالم مش عارف استخدم المنتى و كل شوية تجيلى رسالة سيرفر نوت افيلبل !!
المهم بقى انا هتكلم فى الجزء الخامس و هو التركيب و خلى الجزء الرابع على جمب دلوقت لو استعاد الموضوع نشاطة هنزله و فى نفس الوقت الجزء الرابع ليه علاقة بموضوع البنزين و احنا و الحمد لله معندناش بنزين و بقالى 3 ايام بسهر فى البنزيمات عشم بس بدون ما اخرج بربع لتر حتى  بالنسبة بقى للرسائل اللى جاتلى بخصوص تعقيد الموضوع و بخصوص الرسائل اللى جت بتقترح نستخدم موتور DC و نلغى الانفرتر عشان احقق رغبة الطرفين و بدون ما نقلل الكفائة خلينى اتفق معاكم على حاجه مواتير ال DC مهما حصل عمرها ما هتكون بقوة ال AC عشان برضو ما ازعلش حد انا دورت فى وسط مواتير ال DC اقرب موتور يحقق طلبكم لقيت ان انسب خيار هو موتور مروحة التبريد الرئيسية لكل الانواع اللى عليها مواتير 1600 سى سى خلى بالكم اكتر من 150 ج متدفعش ده و بالمروحة كمان  - طبعا فى حسابات بالهبل عشان تقارن بين ضغط موتور ال AC و ال DC بس اختصارا على الجميع حسها بأيدك و ضغطت الهواء عليهاهيحصل كالتالى 1-هنقص الموتور ال AC بالكاوية او سكينة و نخلى ايدينا خفيفة و نحنفظ بالتربينة سليمة لأنها اهم قطعة دلوقت 2-هيجب موتور ال DC اللى اتفقنا عليه و الصورة هتساعدكم عشان تعرفو حجمه قد ايه و الفيديو هيسمعكم صوته و نربطه بمسامير شك و اسلاك نحاس ناشفة عشان يثبت على التربينة و اوعى تعيق حركة المروحة اللى جوه - بالمناسبة لو جبت موتور ضعيف او بتاع بلاور ولا طرمبة يبقى ملهوش اى لزمة التربو  3-نفس طريقة توصيل الريلاى و دايرة الاسلكى على دايرة الانفرتر هى هى على رجول الموتور و هم بعد ما تركب تختبره تعرف انه قطبية اللى بتطلع هواء و انه قطبية اللى بتسحب هواء عشان دولقت انت هتقدر تدى هواء و تسحب هواء لو عاوز تفعل الخاصية دية لازم هتغير الريلاى من ريلاى مفتاح لريلاى سويتش2*1 هتفيدك الحركة دية لما تيجى تريح الموتور و انت بتنزل غيارات خد الهواء الزيادة و اكتم الحرق فيهداء بسرعة نيجى بقى للتركيب 1- هنوصل الاول على البطارية و نختبر ان الدنيا ماشيه تمام شوف الفيديو http://youtu.be/BF5fGJ6WLc0 http://youtu.be/RKS2lgXgrg0 2- هتلاقى على الجنب للموتور بتاع العربية لازم بيكون فى جمب فاضى و هتلاقى اماكن لمسامير تربط عليها شدادات التربو فى عربيتى هى متصممة انها تشيل تربو فمعمول ليه مكان خلف مروحة التبريد و ليه مسامير و ليه سوكت يركب مباشر على الاير فلو سينسور اعرف ده من كتالوج عربيتك الباب المختص بالسيركت الكهربائية جزئية المستشعرات http://youtu.be/ZSAr7nc6d_4 3- هنوصل الخرطوم و نجربه بدون ما ندى غيار نعبى ل 3 ار بى ام و نضرب التربو و نشوف الار بى ام بيعلى لحد فين و الايديل بيفصل ولا لا لو مبيفصلش قبل ما العداد يقفل فك التربو فورا  هعمل جزء مخصوص للشد على الطريق و تشغيل التربو اول ما يبقى في بنزين انا يا دوب على 2 لتر عايش و مش عايش على فكرة ما تخفش من صوته اللى بره سامعه و فاكر تنين على الطريق لكن انت مش هيوصلك عالى و انت فى الصالون مش هتضايق يعنى  -------------------------------------------------------------------------------------------- >تعليق خارج الموضوع <------------------------------------------------------------------------------------------- اه نسيت اقولكم انا مرمتش الموتور ال AC القديم عدت تدويره و حولته لقرص جلخ محمول ينفع للمسامير و حروف الصاج و حاجات كتير و الانفرتر هعمل بيه فرح لمض نيون بقى 
|
|
#39
30-06-2013, 01:08 PM
|
|||
|
|||
|
رد: خطوة بخطوة اصنع تربو سوبر شارجر كهربى لسيارتك - للمحترفين فقط
علي فكرة بقي انا معنديش عربيه بس متابع المنتدي ده بأهتمام شديد علشان حاجتين بستفاد منه جدا لحد ما ان شاء الله اجيب العربيه والحاجه التانيه بقي ان حضرتك وكل الاعضاء بجد والله انتم ناس محترمين جدااااااااااا
|
|
#40
02-07-2013, 06:25 PM
|
||||
|
||||
رد: خطوة بخطوة اصنع تربو سوبر شارجر كهربى لسيارتك - للمحترفين فقط
هم العربيات و البنزين و القرف لحد اما جه يوم ركبت مواصله لقيت السواق داخل البنزينه و بيمون وقعد نص ساعة و للأسف ملقناش مواصله بديله غيره فعرفت ان مفيش مفر ربنا يرزقك بقى
__________________
|
 |
|
|
