لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

[مبارك القناوى]

الحمد الله قدر الله مشاء فعل واحمد ربنا والف سلامة ليك

[Mohamed Elhasafy]

لو العربية جديدة سيبها شوية علشان العين و علشان حضرتك فى مصر يعنى الأمر ما يسلمش (إن قدر الله) من خبطة تانية و حضرتك ممكن تبص على العربيات فى الشارع و تشوف إنه تقريباً ما فيش عربية مش مخبوطة
أنا واحد زميلى نصحنى نصيحة لما إشتريت العربية ... قالى: ما تجريش كل شوية على السمكرى إلا لو حاجة كبيرة أما الكلام العادى اللى ممكن تمشى بيه فجمعه كل فترة و إعملة مرة واحدة و كده هتوفر وقت و
أما بخصوص مين الغلطان فطبعاً حضرتك
لإنك المفروض تفترض إن اللى حواليك صم بكم عمى و كمان عندهم شلل رعاش ... و تسوق بناء على هذا الأساس
إحترس جداً من أى سواق غير الملاكى لإن معظمهم فاكر نفسه شوماخر و خصوصاً النقل لإنه مش شايف كل الطريق و بيترس فى الزحمة و ما يهموش لإن عربياتهم بتبقى مصفحة
أما الملاكى فهتلاقيه خايف على عربيته زيك و لكن قلة خبرته أو غباؤه أحياناً بيسبب كوارث
حلها إنت بقى

[hazem_khidr]

سائق النقل مخطئ بدرجه 35 %
سائق الملاكي مخطئ بدرجه 60%
سائق النقل لا يمكن دخوله الملف الا بهذه الطريقه و لكن يجب ان يأخذ حذره
سائق الملاكي لا يجوز له المشي في حاره اليوتيرن
و يجب ان يتحاشي هذا

[midoadam1977]

المشاركة الأصلية كتبت بواسطة teto king السلام عليكم ورحمه الله وبركاته يا جماعه انا لسه عامل حادثه فى الشارع من شويه ، انا هحكيلكم الموقف ويا ريت تقولولى مين الغلطان فينا وهوريكم صوره من الخبطه ويا ريت تقولولى هي جامده ولا لا ولو اتصلحت هتتصلح بكام فى التوكيل ؟ انا كنت ماشى فى شارع رئيسى وياخد بتاع 3 حارات مثلا جمب بعض وانا ماشى على الشمال وفيه تحويده U Turn علشان اللى عايز يلف وياخد الشارع اتجاه عكسى فانا كنت ماشى على الشمال ومش ناوى احود فى اللفه دى وكنت ناوى اكمل فى الشارع طوالى فعملتش اشارت يعنى علشان اللى ورايا يفهمو( انا بحب امشى فى الشارع على الشمال حتى لو مش ناوى الف علشان اسهلى فى السواقه وانا لسه جديد ) فانا استنيت العربيات اللى قدامى لفت وماشى بقى طوالى فجاه كدا لقيت قصادى عربيه نقل كبيييره بتلف قدامى وقطعت عليا الطريق قمت فرملت فجاه بس ربنا قدر وخبطت فيها من جمبها فى نصها الورانى هى تقريبا بقى كانت فى الحاره اللى جمبيا وانا مش واخد بالها منى فطلعتلى فجاه وحودت هى وانا خبطت فيها والراجل طبعا ولا حس بيا نهائى علشان عربيه نقل كبيره ولا بصلى ولقيت واحد فى عربيه جمبى قالى دى صغيره وانا كنت معطل الدنيا قمت مشيت ولما وصلت البيت بصيت عليها وبصراحه انا شايفها مش صغيره ولا حاجه بس انا هحطلك الصوره وقلولى هتكلف كام وجامده ولا عاديه وتقولولى مين اللى غلطان فى الموقف دا بس للتوضيح ان السواق هو اللى لافف من قدامى وقطع عليا الطريق وانا مش ضارب اشاره فكان مفروص يستنى انا اعدى وبعدين يلف مع العربيات اللى ورايا اللى كانت هتلف فى الحوده دى بس عموما انا حكيتلك الموضوع بالتفصيل وانتو قولولى رايكو صوره الخبطه اهى Uploaded with ImageShack.us والفانوس فيه زى شرخ بسيط كده من اول ناحيه الخبطه لحد نصه مثلا بس هو خط بسيط كدا والفانوس الحمد لله متكسرش بس انا متهيالى مش مهم يتصلح ولو ركزتو فى الصوره كويس ممكن تاخدو بالكو من الشرخ البسيط فى الفانوس والعربيه Hyundai Elantra 2011 فالتوكيل هيكلف كام ؟؟ وشكرا

بص يا سيد انت تجييب ماء مغلي وتسرسبه علي الاكصدام المخبوط لغاية ما يسخن و بايداك كده بالراحه اضغط حوالين الخبطه هتلاقيها ردت فبريكه و ادعيلي

[queen]

المشاركة الأصلية كتبت بواسطة queen السلام عليكم يا جماعه انا كمان لسه مستلمه عربيتى جديده اسبيرانزا 113 ولسه باتعلم سواقه عليها وللأسف الشديد حصل معايا نفس قصة الخبطة دى وخبطتها مرتين الأولى خبطه جاااااااامدة حزينه عليها اوى ولسه لم اصلحها والله المهم انا هاعرض عليكم اللى حصل فى المرتين وياريت تفيدونى هل انا الخطأ عندى ام الخطأ مشترك علشان اتعلم واتفادى اللى جاى ان شاء الله المره الاولى : كنت ماشيه على التانى وواخده اقصى اليمين وبعدين لقيت عربية نص نقل واقفه فهديت واديته كلاكس وبعدين بدأت اخد شمال سنه عشان اطلع منه وفجأه لقيته بيطلع من غير ما يدينى اى اشارى لا يدوى ولا اضاءة ولا حتى كان عامل اشارات انتظار وهو واقف فطبعا خبط جانب عربيتى جامد واتكسر فانوسه الخلفى فقط اما انا الرفرف الامامى اتفعص خالص ومكان المرايه اليمين اتشرخ وهيقع من مكانه + تجريح بطول البابين اليمين لدرجه ان الباب الامامى مبيفتحش غير نص فتحه ومش قادره استخدمه خالص. وبعدين نزل وقالى تيجى ازاى دى وحرك لى العربية سنه عشان ما اتحكش فيه تانى ومشى. المره الثانيه : كنت ماشيه على التانى بردو وواخده يمين وكان فى ملف وانا مش هالف كنت هاكمل طوالى وبالتالى ما اديتش اى اشاره والطريق كان فاضى جدا فلقيت العربيه اللى ورايا فا المرايه مش عاجبها تقريبا سرعتى فحبت تتخطانى وبدون كلاكس ولا اشاره ولا اى مقدمات طلعت من شمالى زى الصاروخ ولفت الملف وانا اتفاجئت وفرملت لكن كنت اتخبطت فيها وانا مقدمة عربيتى اتجرحت بسيط وهى اتفعص الرفرف الخلفى بتاعها خفيف ونزلت تقولى انى غلطانه وكنت المفروض امشى فى النص لان اللى هيلف الملف بس هو اللى ياخد يمين فقلتلها انا مديتش اشارة انى هالف يعنى انا مكمله وانتى بتتخطينى وكان المفروض تنبهينى انك هتلفى باشارة لانى معرفش هتلفى ولا هتسبقينى وتكملى دوغرى فسابتنى ومشيت...:08da300846c84943 ae1 اسفه للإطاله لكن ياريت تعرفونى الغلط من مين ودعواتكم ليا فى التصليح لانى مش عارفه هيتكلف كام وهى لسه جديده

متشكرة جدا يا جماعه ع الافادة هو انا لازم انزل صوره الحادثه عشان حد يرد عليا
انا بس كنت محتاجه النصيحه عشان اتجنب الاخطاء.
وعموما شكرا