اللي عمل حادثة قبل كدة يتفضل

[د.هبه77]

المشاركة الأصلية كتبت بواسطة tarbook منطق ايه يا د . هبه فين السواله لو فى سوال هجاوب على طول فين السوال

المشاركة الأصلية كتبت بواسطة خميس حسن ما هما ياشيخ اللى بيتسببو فى الحوادث و بعدين يطلعو منها

وبهذا .... يتضح لنا ان الاخوة
1- طارق الشيخ
2- TARBOOK
3- خميس حسن
لم يدلو باقوالهم معطلين بذلك سيرالكاتينة مدعين بان اجراءات الضبط كانت غير مستوفية الشروط (والعجل بيبرجل)
وعلية فاني اطالب
بسرعة حضور المذكورة اسمائهم اعلاه للادلاء بشهاداتهم
رافعين بذلك شعار
حادثتك امانة
مسؤول عنها
للحديث عن تفاصيل الجريمة قصدي الحادثة ( ومحملين سيادتهم كافة التكاليف وهناك غرامة تاخير
مش لازم حادثة شخصية حتي لو كنت شفت حادثة عادي يعني مجرد ان نعرف حصل اية والتصرف كان اية وخرجت من الموضوع دة باية بس!!

[د.هبه77]

المشاركة الأصلية كتبت بواسطة ابوشروق الحادثه دى من 8سنين وكانت اول حادثه فى حياتى وانا الى سايق كنت لسه جايب أسبيدر الى فى التوقيع ودى كانت اول سيارة فى حياتى وكل الى يشفها يديها عين من نظافتها وشغلى فى العاشر من رمضان قولت اروح بيها واجربها على الطريق والله جابت 100 وانا مش مصدق انها عايزة تجرى تانى وانا راجع من العمل وعند زحمة سوق العبور وماشيين سنه سنه لقيت نفسى جنبى نقل كساحه عملاقه الكاوتش الامامى بتاعه بجوار الباب بتاعى وكل لما يدوس جاز عشان يتحرك احس انه هيطلع عليه وانا قاعد فى حبيبتى الكتكوته وهو طبعا مش حاسس بيه يحس بمين ده الكاوتش بتاعه أكبر من عربيتى وكان معايه واحد زميلى وال ايه لبسين حزام الامان ههههههه فكرة أطلع امامه عشان يبقا شيفنى ويارتنى مفكرة فى نفس الحظه الى قررت أطلع فيها امامه هو كمان طلع وراح خابط العربيه با الاكصدام الامامى بتاعه الى كان فى مستوى السقف عندى وعربيتى بقت بالعرض امامه وهو شايفنى ياريت مشى بيه بالعرض حسيت انه هيطلع فوقى كل الى سمعه الناس بتصوت وتنده عليه حاسب حاسب بتاع 10متر وسرعته بطيئه لأن الطريق زحمه جداوقول لزميلى افتح يأحمد بابك بسرعه لآقيته بيدينى أكرة الباب فى أيدى حسيت ان دى النهايه قولتلو افتح من بره بسرعه مد ايده من الشباك يدور على المقبض فى المكان الطبيعى لأى عربيه عمال يقول بهستريا مش لاقى حاجه مش لاقى حاجه وأنا أقوله أدام أدام نسى ان العربيه بابها عكسى بيفتح من الامام عكس اى باب أخر كل ده وأحنا كمان بنحاول نفك الحزمه الى قفشت وحلفت متسبنا وطبعا الراجل وقف ونزل وزهول وأحنا منعرفش الناس نزلتنا أزاى ومفيش فينا غير حاجه واحده الخضه والرعب من الموقف وهاتو مياه وبرفان وعصير والراجل كل الى طالع عليه الى انت عايزه انا هعملهولك وانا الى طالع عليه مش عايز حاجه مش عايز حاجه والحمد لله البابين باظو فى الجانب بتاعى والزجاج كله ربط البابين فى بعض ودورت العربيه وكانت أول مره فى حياتى أمشى بعربيه أسبور بدون ابواب ولك تحياتى يا دكتورة على موضيعك الرائعه وربنا يسترها على نوسه فيات 125عربيتى الى جبتها بعد سبيدر

: ROFL_C~118::R OFL_C~118:
قول لزميلى افتح يأحمد بابك بسرعه لآقيته بيدينى أكرة الباب فى أيدى حسيت ان دى النهايه

بصراحة مش قادرة من كتر الضحك مش عارفة اكمل المقالة كل دة حصلك وانت مرعوب طبعا محستش بقي لما ادالك المقبض بتاع الباب ف ايدك بانك عايز تضحك
بصراحة حادثة جميلة جدا جدا جدا
ربنا يحرسلك الفيات ويباركلك فيها

[د.هبه77]

بما ان الهجوم علية كتر ان انا عايزة بس اثبت ان الرجال اكثر حوادث وخلاص
هحكيكلكو عن الحادثة اللي فاكراها
هي مش حادثة جامدة بس اهو بقي اللي موجود
مرة كنت راكبة مع صاحبتي وواقفين في مطلع وانتو عارفين بقي حساسيتي من المطالع
المهم هي عربيتها ماروتي واقفين والاقي العربية اللي ادامها بترجع لورا او بتنزل المهم انا فضلت ابصلها انها ترجع او حتي تدوس فرامل....انا مش متخيلة طبعا انها مش فاهمة انها لازم تدوس كلكس او تنور له او اي حاجه ودي ابدا مفيش(الاشارة حمراء---) لما لقيته قرب قمت مزمرة انا بقي تيييييييييييييييييييييييي يييييييييييييت ....طراخ
طبعا الفانوس بتاعها اتكسر
بقت بعدها كل ما تحب تخرج تقولي ما تيجي نخرج نكسرلنا فانوسين
ومرة تانية بقي مش حادثة بس موقف غريب
كنت خارجة انا وماما وهي اللي كانت سايقة الزقزوقة شوماخر المهم واحنا كنا في شارع يوسف عباس والاقي العربية مرة واحدة بقت بتلف ولا لعبة الفناجين اللي في السندباد ومش فاهمة في اية وماما تقولي الدركسيون بيلف اقولها امسكيه تقولي مش راضي يقف وطبعا تدوس فرامل اكتر تلف اكتر واحنا نلف بالعربية لحد ما راحت العربية جنب اخواتها واقفين صف
اتاري كانت بقعة زيت في الشارع كبيرة واحنا افتكرناها مية بس بجد مكنتش خايفة من اللف اد ما كنت خايفة من انها تخبط في اي عربية تانية لكن الحمد لله ربنا ستر
اكيد لو افتكرت اي حادثة هقول واعترف
يا ريت بقي شوية رعب حوادث من اللي توقف النفس

[ابوشروق]

المشاركة الأصلية كتبت بواسطة د.هبه77 : ROFL_C~118::R OFL_C~118: قول لزميلى افتح يأحمد بابك بسرعه لآقيته بيدينى أكرة الباب فى أيدى حسيت ان دى النهايه بصراحة مش قادرة من كتر الضحك مش عارفة اكمل المقالة كل دة حصلك وانت مرعوب طبعا محستش بقي لما ادالك المقبض بتاع الباب ف ايدك بانك عايز تضحك بصراحة حادثة جميلة جدا جدا جدا ربنا يحرسلك الفيات ويباركلك فيها

لحد دلوقتى كل ما أقابل زميلى ونفتكر الحادثه نموت من الضحك
انا بعد الحادث وروحت البيت أحكى للمدام جاتلى هستريت ضحك
وهى كل الى بتقوله انت لا مبالاه مش همك حاجه
وكانت النهايه

[tarbook]

انا كل يوم على الطريق السريع يوميا بشوف كميه حوادث موت ربنا ما يكتبها على حد .

الحادث الوحيد الى عملته كان على طريق شارع الثوره كنت باخد يوتيرن والطريق حارتين فقط لقيت طفل ساب ايد امه وطلع يجرى لقيته ادامى ابص شيمال لقيت رصيف ابص يمينى لقيت سواق تاكسى وقف مفاجئ رحت داخل فيه كل ده حصل فى لحظه والحمد لله عدت على خير والمشكله ان ام الواد عدت بعديه ببرود ولا اكنها لبست اتنين فى بعض ولا حاجه بصت علينا ومشيت عادى ربنا يسمحها بقى .

بس ركزى يا دكتوره فى الموقف ده انا هحكيه بالتفصيل الممل عشان تعرفى استهتار المستشفيات العام فى مصر .
اما الحادث الموت كان لاخويا الكبير احمد كان تاريخه 23 9 2000 على الطريق الزراعى راجع من امتحان من جامعه الزقازيق وركب عربيه اجره بيجو لمصر الحادث حصل على كوبرى طوخ قبل القاهره تقريبا بحوالى 40 او 30 كيلو مش فاكر بعديها مسافرتش الزراعى نهائى ولا حد فينا.

الحادث طريق الذهاب واقف وكانت ايام امتحانات فى 3 ميكروباص عدو الجزيره ومشيو على الفرده الراجع نحيه اليمين يعنى موازى للجزيره يعنى الى جى فى وشه يكون الميروباص شماله عند كوبرى طوخ طالعين الكوبرى اول سياره كانت ميكروباص تويوتا برده حاول التانى يفاديه دخل فى ملاكى فى نزله الكوبرى وكل الى نازل من على الكوبرى مش شايف ايه الى بيحصل فى النزله كله كله دخل فى المعمعه قدر الله نازل الكوبرى سياره نقل محمله بلتات حديد وزن الواحد يوفق 5 طن
دى الى قدت على الى عاش منهم نازل الكوبرى سواق النقل عايز يفادى الحادث يرمى نفسه فى الاراضى الزراعيه فى نزله الكوبرى راح الجنازير اتقطعت من تقل الحديد وقع الحديد من النقل نزل على شكل كوره بتجرى فى الطريق نزل على السيارات كلها قدت على الى عايش فيهم من الحادث الوحيد كان اخويا فى السياره الى كان ركبها الحمد لله والشكر ليك يارب ازاى احمد راكب ورى السواق كان سايب الشباك مفتوح ونايم وكان حاتيت الموبيل على رجله من قوه الحادث الموتور وصل لرجله اتكسر العظم رجليه الاتنين تماما يعنى الموتور بتاع السياره الى ركبها على حجره وفى صدره وساند الموبيل على حجره بايده اليمين النتيجه تفتيت عظم فى رجليه الاتنين وايده اليمين مع كسر فى 6 طلوع فى الصدر وتفتيت عظم الجمجمه ( الطاصه ) راسه قدر ولطف . تشوفى الموبيل سايح بين رجله وايده اليمين سايح كل ده مكتوب فى تقرير الحادث وتشخيص الحاله من دكتور العظام الى نجاه من الحديد السيارات كانت قريبه من بعض فى الحادث مع نزله بلتات الحديد على السيارات مع سوست العربيه احمد خد الباب وطار ده الى جابت راسه فى الايم بتاع الباب ده الى نجاه من الحديد قدر ولطف برده نتيجه عامه للحادث 48 شخص ماتو 9 مصابين الى شفته بيعنى جه تليفون من واحد فى مستشفى طوخ خد نمرته من الاجنده الى كانت معاه فى الحادث عندنا فى البيت ابنك عمل حادث على الطريق الزراعى وايده مكسوره وعايز يشوفكو راح ولدى نزل بالى عليه وانا وولدتى معاه طبعا رحنى مستشفى طوخ ازبل مستشفى شوفتها فى حياتى رحنى لقنى الناس مرصوصه جنب بعض على الباتع الى شبه السرير ده على الارض وصويط والى بيعيط وزهول من الناس الى وقفه امى لمحت اخويا منهم شفته محطوت ورجله اعوزو بالله ولدتى دكتوره اساسا راحت عنده حتيت ايدها عليه الى قالته لسه فيه الروح لسه فيه الروح بهستريه غريبه وانا واقف مزهول وابويا جرى على الدكتور قاله فى ايه قاله لسه هيدخل الاشعه ونشوف شتمه وضربه بالالم لان الحادث كان الساعه 2 الظهر وسعتها كانت الساعه 6 المغرب طلع بره يشوف عربيه اسعاف يشيله المهم خدناه طلعنا على مستشفى الحلميه العسكرى مرضوش يقبلو طلعو معانا 2 دكتره واحد مخ واعصاب لان مخه باين وحطين عليه شاشه غباء والتانى دكتور عظام رحنى مستشفى وادى النيل مرضوش يقبله عشان هوه شبه ميت خدناه رحنى مستشفى المعادى العسكرى اول ما العربيه دخلت من باب الطوارئ كل الدكتره الى فى النبطشيه طلعو ودخلوه على طول على الاشعه وشخصو الحاله دخلوه على العمليات على طول طلع الدكتور قال لودى عيزين مفصل زراع ايمن واتنين رجبه ضرورى من بره بلاتين لانها مش موجوده فى مصر ام الدنيا ولدى سافر اسكندريه باع الى وراه والى ادامه وعمل الى يقدر عليه وجبهم بعديها ب4 ايام مع تركيب طاصح للمخ بلاتين وشاريح فى رجليه الاتنين مفهاش عظم خالص واديه اليمين كله ده بلاتين والحمد لله طلع من العمليات انسان الحمد لله شفناه اعد فى الغيبوبه 2 سنه كامله مكمله الحمد لله على كل شىء وربنا عالم ما بالنفس الدكتور بعديها بيقول لولدتى احمد ربنا يا دكتوره على ابنيك متمسك بالحياه وربنا اداله روحه من تانى الحاله 2 سنه فى غيبوبه تامه وسنه ونص فى العنايه مخ واعصاب 134 عمليه لحد ما جسمه اتهره مسامير وشرايح ومسامير الحوض وبلاوى طلع من المستشفى بيمشى على رجله 2006 الحمد الحمد الحمد لله فضل ونعمه يارب العالمين ربنا ما يكتبهاش على حد فى الدنيا والاخره يارب ان شاء العليم العظيم
ولدتى ولدى جوزه من الى بيحبها لانها كانت معانا طول السنين دى هيه واهلها والحمد لله .
الى بقوله طيب الحمد لله ربنا سترها معنا طيب الناس التانيه تعمل ايه الى شفناه معاه ربنا قادر على كل شئ

فكرتينى يا دكتوره هبه وانا مش عايز افتكر الحادث المؤليم ده قدر ولطف .
وسامحينى على الشرح ده وعن الحادث