تجرربتى مع مركز المتحدة وصيانة ال50 الف كم هاااااااام جدااااااااا

[eng_yeso]

المشاركة الأصلية كتبت بواسطة محمود حسين المتحدة استاذ كماتشو انا فعلا قريت رأى حضرتك فينا بنفس الكلمة قبل كددة فى موضوع كان حاجة شبه كدة وكان موضوع ساخن وبردوا كان حد زعلان او بمعنى اصح مش فاهم وحضرتك دخلت فعلا عملت مشاركة قولت فيها نفس الكلمة ( انا قولت من زمان ان المتحده فاكرين نفسهم شغالين في مرسيدس ) اسعارهم اغلي من التوكيل بمراحل بس الحقيقة انا كنت فاكر ان حضرتك تابعت الموضوع وعرفت والحمد لله انه كان سوء تفاهم مع صاحب الموضوع لانه خد اسعار غلط من موضوع مالوش علاقة باسعار العربية بتاعته والراجل مشكورا فهم وانتهت المشكلة وبشكل منطقى لدرجة ان الراجل فاجئنى بانه نزل موضوع اعتذار لى وللمركز والله مكنتش اتمنى انه يحصل كدة اصلا . بس ده يأكد لحضرتك ان كلام الراجل عن المتحدة قبل مايفهم سوء التفاهم كان غلط ومع ذلك بردوا ساعتها حضرتك دخلت واتسرعت وبنفس الطريقة وقولت نفس الكلام . عموما ياباشا انشاء الله المتحدة فى يوم من الايام هيكون عندها مركز خدمة متخصص لمرسيدس وواحد كمان لل بى ام دبليو وواحد للبيجو وكدة يعنى . بس ده طبعا بعد عمر طويل لكن اللى انا اعايز اقوله لحضرتك النهاردة انه احنا بنعمل اسم وبالنسبة لينا يساوى كتيررررررررررر اوى وانشاء الله يتم الاستفادة منه مع جميع ماركات السيارات وايضا تحت نفس المبدأ وهو الوسطية؟ طيب ازاى دة اسعاركم اغلى من التوكيل نفسة ما بين التوكيلات والورش . لانه باختصار احنا مشكلتنا ( كاصحاب سيارات )هى اننا اما اننا نروح عند صنايعى فى ورشة فى الشارع وانت وبختك او اننا نصلح فى توكيلات معندهاش رحمة اتمنى يكون المعنى وصل لحضرتك وايضا انت مدعوا لاستكمال قراءة الردود على الموضوع وانتظر باذن الله رأيك بعد لما توضح كل وجهات النظر. وطبعا بالنسبة لكلامك عن موضوع النصب اللى احنا عملناه على البشمهندس ياسر واننا واحنا بنحاسبه حاسبناه على 2 سير واحد للتكييف وواحد للدينامو وهم سير واحد فقط . اكتفى برد البشمهندس رأفت رسلان وانه كتبلك المعلومة الصح واللى حضرتك تجهلها وانت بتكتب كلامك وهى ان سيارة البشمهندس ياسر اسبرانزا 113 يعنى ليها سير للتكييف وسير اخر للدينامو يعنى مش سير واحد واحنا نصبنا عليه وحاسبناه على اتنين . وكنت اتمنى انه البشمهندس ياسر كان يوضح المعلومة لانه الهدف من المنتدى هو الافادة وليس التشهير يعنى لما شوف حد بيقول معلومة اقل ما يقال عنها انها سرقة ليه شخصيا ومن مكان زى مركز المتحدة صاحب السمعة الطيبة كان المفروض البشمهندس ياسر يتسم بالحيادية فى نقل التجربة بس يمكن ماخدش باله منها عادى جدا .

يا جماعة احقاقا للحق بس مش اكتر الاستاذ محمود معاة حق فى موضوع ان العربية ال 113 ليها 2 سير تكييف ودينامو وليس سير واحد وتم فعلا تغيير ال2 فى عربيتى (دى بس شهادة خق حبيت اقولها بعيدا عن اى خلاف معاة) واكيد دة بس لبس غير مقصود من العضو المحترم صاحب الرد دة

[eng_yeso]

المشاركة الأصلية كتبت بواسطة محمود حسين المتحدة معلش يا مستر كامتشو نسيت بس كنت عايز اسأل حضرتك سؤال انت قلت حضرتك على انك ملاحظ ان الناس بتخش تقول قصايد شعر فينا المفروض انى افهمها بالمعنى الطبيعى بتاعها وهو والحمد لله اللى بيحصل دايما فى كل مكان تذكر فيه كلمة صيانة سيارات بان الناس كلها بتتكلم عنا بالخير وبيقولوا ياباشا قصائد شعر فعلا و على فكرة الموضوع ده احتمال يتحط فيه ردود من الكلام ده و منهم ناس كانت مع البشمهندس ياسر فى نفس وقت الصيانة ( اصلو كان يوم السيارات ال 113 والناس طلعت كتبت تجربتها عن نفس اليوم وعلى فكرة تقريبا المبلغ المدفوع منهم كان قريب اوى من اللى البشمهندس ياسر دفعه ) وانا ممكن على السريع اعمل كوبى من كلامهم وطبعا بردوا انا ممكن احط اللينك اللى مكتوب فيه الكلام اللى هانسخه وهو لصفحة فيسبوك شهيرة بصيانة السيارات بس طبعا ده لازم يكون باذن الادارة بس هو مؤقتا لغاية لما الادارة ترد علينا فى الموضوع ده انا هاعمل نسخة من الكلام ويمكن توصل انى استأذن الناس فى انى ارفع صور لاوامر الشغل الخاصة بهم حتى تكون مصدر مقارنة . مع العلم احنا اكبر من الكدب ومش محل شك والحمد لله . عموما الكلام اهو : Saif Alislam لسلام عليكم انا عايز احكيلكم يا جماعة عن تجريتى امبارح فى المتحدة انا كان اول مرة اروح هناك بعد معاناه فى التوكيلات الصراحة ناس ذوق واخلاق وفاهمين جدا وبيعماوا الصح هو يعنى التكلفة غالية شوية بس اكيد الغالى تمنة فية ياريت كل الى مارحش يروح ........ شكرا المتحدة أ محمود - م محمد - سعيد - احمد - حتى حسن علية شوية شاى واكل زى الفل . ********* Mohamed Taysser انا برده احب اشكر المتحدة على المعاملة الطيبة والاداء المتميز وبخص بالشكر أحمد - قسم الميكانيكا - حسين - قسم الكهرباء . بجد يا جماعة ربنا يكرمهم بجد

انا بالنسبة لى قابلت استاذ محمد تيسير ةكان معاى لحظة بلحظة طول اليوم وكنت انا وهو رايحين جايين بين عربيتى وعربيتة بنتابع الشغل مع الناس عندكم ولو سئلتة على موضوع تامر موظف الاستقبال هتلاق رأية زى رأى انا بالظبط(انة ليس على دراية بمعظم الاشياء الاول يقولى على حاجات موجودة وتطلع مش موجودة وبعديد يقولى ان العربية بتاخد 5 كيلو زيت وتطلع بتاخد 4 بس وبعدين يقولى ان زيت الفيتيس بيتزود ويطلع بيتغير بالكامل كل 40 الف وتم تغييرة فعلا وفى الاخر بعد كل د فى الحساب يكلمنى بطريقة مش كويسة واقولة فين استاذ موجمود يقولى ما اعرفش وانة يعنى حتى لو موجود مش هيغير شىء واقولة اختملى الفاتورة يبصلة بقرف ويقولى على انة ما بيهتمش فواتير عشان الضريبة وبالنسبة لمحمد رشاد اعتقد ان رأية ههيكون مماثل لى وان كان الانطباع عن الاشخاص يختلف من واحدة للتانى اما الثوابت والاسعار وخلفية الناس الفنية لا يمكن الجدال فيها ) وموضوع السعر انا للاسف ما اعرفش هم دفع كام لانى مشيت قبل ما هو يخلص
وممكن حضرتك ترجعلة وتتأكد منة من كل كلمة مكتوبة

[myson medo]

معلش ربنا يعوض عليك

[eng_yeso]

انا بس عايز اقول انى يا جماعة ما عملتش الموضوع دة تشهيرا بمركز المتحدة او امعانا فى تسوىء سمعتهم اطلاقا والله لكن دة منتدى لتداول الاراء والخبارت ودة الهدف منة وزى ما انا روحتلهم وعرفتهم اصلا عن طريق المنتدى دة يبقى لازم لما الاقى اى سلبيات او شىء مش عاجبنى ارد وابين وجهة نظرى على نفس المنتدى المحترم دة
وباردو انا فى انتظار رد استاذ محمود صاحب المركز ورفع صورة امر الشغل لكشف الحقيقة كاملة امام الجميع وشكرا

[cmatcho]

اعتذر عن حكايه السير التاني في ال 113
لكن مصمم ان اسعار المتحده اغلي من التوكيل
والتعامل مع الاسبرانزا علي انها من السيرات الفارهه
الموضوع ببساطه استاذ محمود حسين
حضراتكم تقدمون خدمه تنافسيه مع وكيل السياره الاصلي
لما العميل يجد ان اسعاركم تتنافس بل وتتفوق علي اسعار التوكيل
في سياره اقتصاديه
صيني من الاخر
يبقي التوكيل هايكون افضل
علي الاقل حضراتكم يجب ان يكون لديكم ميزه تنافسيه بجانب الخدمه الجيده
وهي فرق السعر بينكم وبين التوكيل
وبجانب المدخل بتاع المركز عندكم المفروض تعملوا خصم 50% علشان الصعوبه في الوصول اليكم
ههههههههههه
اوعي تزعل ياباشا
حقيقي الامر عنكم محتاج مراجعه في الاسعار
لان حتي في منتدي الاسبرانزا كلوب
اعضاء كتير اشتكوا من موضوع السعر