حادثة كيا كارينز فى طريق الساحل الشمالى بالفيديو و الصور

[Abdullah.has]

من المعلومات المهمة اللي ناس كتير ما تعرفهاش للأسف
1- إنك لازم تربط الحزام حتى لو على سرعة 20 كيلو وفي شوارع داخلية
2- الإيرباج متصممة على إنها تحميك فقط لو إنت رابط الحزام

لو مش رابط الحزام حتى على سرعة بطيئة سهل جدا تتعرض لإصابات بالغة
وكمان الإيرباج لو فتح وأنت مش رابط الحزام ممكن الإصابات تكون مميتة ربنا يسترها معانا جميعا

عشان كده في كتالوج أي عربية محترمة هتلاقي تحذيرات وتنبيهات متكررة عن أهمية ربط الحزام حتى للي قاعدين ورا
وعن خطورة عدم ربط الحزام وخاصة مع الإيرباج

بس مش عارف إحنا ليه للأسف لا بنهتم بربط الحزام
ولا بناخد بالنا من إمكانية فتح الإيرباج في أي لحظة وخطورتها بدون الحزام

للي ما يعرفش الإيرباج مش بتتنفخ بهواء مضغوط بكمبريسور مثلا ولكن بغازات بتولدها مواد متفجرة عشان تفتح بالسرعة المطلوبة في كسور من الثانية

دي أرواح يا جماعة مش هزار

كل واحد يحرص على إنه يربط الحزام وهو أي حد معاه بمجرد ما يركب العربية قبل ما يتحرك بيها من مكانه

نحتاج لزيادة الوعي وتقدير مدى الخطورة حتى على السرعات المنخفضة

حفظ الله الجميع

[Abdullah.has]

واللي يغيظك أكتر
الفهلوة المصرية

عشان الإيرباج اللي هي وسيلة حماية لحياتك ما تفتحش
الناس عندنا تروح فاصلة فيشة الإيرباج وتوقفها يعني تلغيها من أساسه بدلا ما تفهم إن حياتها أغلى من أي تكاليف للإصلاح

وعندنا مثال مشهور في المنتدى ربنا يرحمه خالد
أول حادثة الإيرباج فتحت
لكن تاني حادثة الإيرباج ما كانتش موجودة

ربنا يرحم جميع موتى المسلمين

[Toyota Corolla]

الحزام ده بربطه أول حاجة بعد ما أدور العربية بس للاسف أغلبية الناس مبتحبش تربطه عشان راحة البهوات

[AhMeD_HassaN_2010]

مهمن كان السرعه بتسبب المشاكل والحوادث
تجنب خطا الغير ..
والسرعه الاوفر اللى زي دي اقل غلطة هتعمل حادثة
وبالفعل فوق 130 140 .. لو حصلت اى حاجه مش هتعرف تلحق نفسك