M11 - تعالا نتكلم عنها

[may_moon911]

المشاركة الأصلية كتبت بواسطة mr_astra برة التوكيل طبعا اصلا العربية وخدنها تخليص حق من واحد وكان هامل فيها وعدادها 120 الف كيلو وما غيرش سير الكاتينة بس انا اعرف ان الكتاب مدون فية 60 الف كيلو مش 100 حاول تقراة تانى

هههههههههه هيا ما كانتش عجباه ولا ايه !!
تمام كل 60 مش كل 100 مظبوط كلامك .. قدامي كتير عقبال ما اعمل ال60 دول

[may_moon911]

المشاركة الأصلية كتبت بواسطة mhamdy75 استهلاك البنزين ممتاز مع مراعاة عمل الصيانات وتغيير الفلاتر البوجيهات فى وقتها وانا محسبتش معدل الاستهلاك وده وحده دليل انها اقتصادية

ما شاء الله يبقي زي ما بيقولو عليها ... اصل سمعت كلام انها موفره اكتر من النيسان صني الشكل القديم مش الجديد
1600 بس حوت اكتر من 2000 .. ربنا يباركلك فيها

[may_moon911]

المشاركة الأصلية كتبت بواسطة mezo s طيب مفيش حد يكون خبير فى العربيات الصينى يفيدنا انا بصراحه كنت مدخل معاهم اللوجان بس شكلها و مكان الزراير مش عاطفى خالص

اعتقد اللوجان و مع احترامي ليها طبعا و ل ملاكها بس هيا تطلع برا خالص الصراحه .. قطع غيار نار و شكل مش لطيف و موتور مش قوي و زراير عجيبه و شنطه بتتفتحش الا بالمفتاح حاجات تضايق فعلا و كل دا عشان اسم رينو الفرنساوي و هيا مغربي باين و ف الاخر بنفس السعر و كدا كدا العربيات كلها بتفتح بقها بعد 3 او 4 سنين حتي لو كانت جاجوار "ربنا يكرمك بواحده"

[mhamdy75]

وتم تثبيت الموضوع

[may_moon911]

المشاركة الأصلية كتبت بواسطة miam0502788391 ربنا يبارك لك فى العربية يا أستاذ أيمن الاسبرنزا عامة انا لاحظت فيها ملاحظتين الاولى : ان كل اللى معاهم العربية بيشكروا فيها , وده من سؤوال ماليكها شخصيا وبيفضلوها نظرا لانخفاض سعرها عن موديلات كورى وأحيانا يابانى يعنى عربية كاملة فى الكامليات , موتور قوى , صاج تقيل , الا ان هناك شبه اجماع على ان مستوى الصالون والتابلوه ليس بالجودة المطلوبة الثانية : ان كتير قابلهم مشكلة الدينامو اللى بيبوظ , لكن الوكيل بيغيروا على طول M11 خاصة فيها ملاحظة : وان الكنبة اللى ورا ضيقة شوية ومش مريحة لطوال القامة , فهل الكلام ده صحيح ؟؟؟ كمان انا عاوز اعرف من حضرتك اخبار الشنطة ايه واتساعها السؤوال الأخير هل تنصح بيها لعائلة مكونة من أربع افراد ؟؟

تمام العربيه فعلا سعرها اقل من كوري و ياباني كتير رغم امكانياتها و صاجها و موتورها .. التابلوه طبعا مش هقول جامد بس هوا عادي .. ساعات بحس ان شكلو غبي عشان الشاشه اللي فوق الكاسيت دي ما بلاقيلهاش لازمه انما كتقفيل كويس جدا جدا انا الحمد لله معنديش حاجة ف التقفيل غير الكبوت و عملوه ف التوكيل .. من حيث الجوده ف علي قد ما بتدفع علي قد ما بتاخد بس كمكونات ف هيا جيده يعني مافيش حاجة تحس انها هتتكسر من ضعفها .. يدوب بس الاجزاء الفضي تحس انها ممكن تسود مع مرور الوقت بس دا شيء عادي ف اي عربيه

مشكله الدينامو كانت ف الموديلات القديمه 2011 و ما قبل ذلك و حاليا 2012 تلافو فيها كل تلك المشاكل الحمد لله سواء عفشه او دينامو

هوا فعلا تحس انها ضيقه من ورا شويه من مش ك وسع لا .. احنا 6 افراد بنقعد 4 ورا كويس .. ضهرنا كلو مسنود ورا بس رجلينا ملمسه ف الكراسي اللي قدام للاسف بس لو 4 افراد ف تبقي مريحه جدا طبعا و هتبقي بحر عليهم كمان ... طوال القامه عادي سقفها عالي م تقلقش ماحدش دماغو هتخبط فوق :D

الشنطه من رايي للاسف مش واسعه .. رغم انها بتاخد حاجات كتير بس الاوبترا مثلا شنطتها اوسع بكتير بس هيا بتكفي المتطلبات العاديه
احسن حاجة حضرتك تروح تتفرج عليها عالطبيعه .. لان ممكن تحس ان سواقتها متعبه شويه و دا راجع لان الزجاج الخلفي صغير ف المرايه و بيضايقني الصراحه ساعات بس بيحمي من نور العربيات الغبي اللي بيسلطوه ف قفايا

معلش طولت علي سيادتك بس عشان يبقي الكلام مستفيض