مين إللي إتقرص من تاجر عربيات

[shrbiny]

المشاركة الأصلية كتبت بواسطة xabi أستاذ والله ياحازم باشا. انا بقى اتنصب عليا فى علابيه لانسر كريستاله كانت معايا..التاجر اللى احنا اخدنا العربيه منه كان من نفس البلد وكان يعتبر اشهر واحد فى تجاره العربيات عندنا فقلنا نروحله واكيد مش هيجبلنا حاجه وحشه. وجبنا العربيه بحوالى45 الف جنيه واكتشفنا بعدها ان العربيه رشه بره وجوه وكانت حالتها يصعب على الكافر.الحمد لله خلصنا منها وبعنها بخساره حوالى 7000 جنيه.

التاجر ده اسمه ايه ومنين من المنصوره علشان انا هشتري عربيه واعمل حسابي مروحش له

المشاركة الأصلية كتبت بواسطة hazem_khidr وانا بكلمك علي النظام دا من يوم ما وعيت علي اني ابيع و اشتري عربيات في 1998 و شهاده المخالفات مدتها شهر عموما ما علينا . المهم ما تخليش حد يلعب بيك تاني في شراء العربيات و بيعها الاخ اللي بدلت معاه ال128 دا كنت ممكن تلاعبه لعب جامد و كنت ما تسجلش له العربهي و تاخد شيكاتك و صولاتك من غير ما تدفع مليم دلوقتي العربيه ال 128 بالتوكيلات اللي فيها مكنش لا حيعرف يبعها و لا يعرف يسجلها لنفسه و هو كده كده الخسران و لو كان قدم الشيكات في الشرطه كان زمان الموضوع اتحل ودي و اخدت عربيتك و هو اخد عربيته من غير ولا مليم تدفعه بس لسه بدري عليك علي م ا تعمل الحركات دي يا كروسير

يا عم حازم انا حاسس انك كل يوم بتضرب جلبيتك وعمتك وتنزل السواق وانتا ماسك الشمسيه في ايدك وعمال بتلف علي خلق الله علشان كدا اكتسبت الخبرة ديه كلها لاكن انا غلبان مليش في الطور ولا في الطحين

المشاركة الأصلية كتبت بواسطة abo-salama أنا اتنصب عليه ثلاث مرات عشان اهبل : النصبة الأولى: يوم ما اشتريت أول عربية فى حياتى وكانت عربية 128 بيضة موديل 84 وذلك بعد الخلاف بينى وبين اهل خطيبتى (اللى هى مراتى دلوقتى ) وقلت طلما ما فيش جواز يبقى اجيب عربية ورحت جبت ميكانيكى احسبه على خير (بيصلى وعلامة الصلاة تملأ وجهه الطيب ) المهم رحنا لتاجر بيعمل مائة رحمن دائما وشيكنا على العربية وشوفت المر ولبسنى فى شجرة خسرتنى 5000 جنية فى السعر غير 3000 محاولات صيانة فاشلة والحمد لله . النصبة الثانية : بعد ما بعت العربية واتجوزت ودفعت جميع الأقساط اللى عليه فكرت اشترى عربية وقولت انا مش هاجيب ميكانيكى أنا هاخذ ناس عايشة مع سواقة العربيات وخدت اتنين سواقين يعملوان منذ سنين فى مصنع اخويا ولديهم خبرة فى الصيانة وفى الاعطال المهم شوفت فى مجلة عربيتى صورة عربية حلوة قوى كانت جيب رانجلر حمره ونيكل واقصدمات وبلاوى روحت متصل بيه وخدت الناس معايا بعد ما دفعت العربون خد من العربية الكاسيت وغيره بواحد حقير وغير الخمس فرد كويتش بعد 15 يوم غيرتهم ولدهان مش عارف ايه الى حصل له وكانت بتاكل بنزين بالهبل المهم كرهت العربية جدا وبعدين كان عندى سيكشن فى الكلية وبعد ما خلصته كان فيه سيمينار قولت اروح اتغدى فى السنتر وانا قاعد بتغذى لقيت واحد صاحبى بيعمل دراسات عليا فى الكلية ما شوفتوش من ثلاث سنين بقول لى تبيع عربيتك قولته ماشى وخلصت ساعتى . النصبة الثالثة : روحت سوق الجمعة لوحدى وقلت لنفسى بس بقى العربية اللى تعجبك اشتريها قبلت عربية تريوس تحفة كلها على بعضها تحفة وكان واقع قدمها (شيخ ملتحى ) وانا اقدر الناس دى قوى لأنى التزامى يعنى نص نص فأقسمى لى بالله انها تحفة وفيها تكييف عايز شحن ودفع رباعى(طلع مش شغال ) الماتور حالته جيده (غيرته بعدين) والعربية فابريكه جوه (والدهان اللى بره نضافه ) يعنى فبريكه المهم خدعت نفسى وقلت الشيخ عمره ما يكدب المهم كان معايا سبع مائة جنيع فقط دفعتهم عربون خد رخصتى الخاصة وسجل لى العربية بيع وشراء على طول ورحت البيت جبتله 47 الف جنيه عليهم وبعد كده عرفت انه تاجر عربيات فى حلوان اسمه الشيخ ناصر ربنا ينتقم منه ويدفع المال الحرام اللى عمله من بيوت الناس السذج اللى زيى فى شيى غير مفيد والله لا يبارك له فيه ابدا ابدا . لأنى صرفت على العربية اللى طلعت عاملة حدث ما يقرب من ثلاثون الف جنيه فى 4سنوات وحسبى الله ونعم الوكيل لدرجة انى عايز اغير العربية ومش عارف ابيع اللى معايا

ربنا يعينك يا ابو سلامه وبعدين متاخدش بالمناظر تاني متعملش زي ابويا طالما شاف واحد ملتحي اودامه خلاص بقا اهل للثقه وبسببه كانت شقتي اللي في اكتوبر كانت هتضيع بسبب واحد لحيته واصله لحد ركبه

[ahrambc]

اود أن اشارك بخبرتى فى نقطتين

1- بخصوص مدة صلاحية شهادة المخالفات فهى شهر من تاريخ الأصدار .

2- بخصوص تسجيل سياره فى وحدة مرور غير المرخصه بها ( حتى لو كانت نفس المحافظه )

اولا : فى حالة كون رخصة السيارة ساريه ( جميع الأنواع عدا المرسيدس و البى ام )

يتم تقديم الأوراق التاليه الى وحدة المرور التابع لها المالك الجديد :

ا- رخصة السيارة ساريه
ب- شهادة مخالفات سارية
ج- صورة بطاقة المالك الجديد مع الأصل للأطلاع .
د- عقد مسجل ببيع السياره و يكون سارى ( أى لم يمض عليه شهر بعد توقيع المشترى عليه )
ه- نموذج فحص السياره فى المرور المطلوب الترخيص به
ي- ملحق وثيقة تأمين باسم المالك الجديد .

و فى حالة كون السيارة مرسيدس أو بى ام فيكون هناك خطوه اضافيه ( و يمكن التغاضى عنها فى حالة وجود واسطه قويه ) و هذه الخطوه هى عملية المطابقه .

و تتم بدخول السياره و اخذ بصمة الموتور و الشاسيه فى المرور الجديد و يقوم المهندس بكتابة خطاب على ظهر اورنيك الفحص الى المرور القديم للأفادة عن وجود ملف و ترخيص للسياره و فاتورة الشراء الأصليه أو اصل الأفارج الجمركى من عدمه .

ويتم التوجه لوحدة المرور القديمة و اخراج اصل ملف السياره و مطابقة البصمة الجديده على ملف السياره و الرد على نفس اورنيك الفحص بما يفيد تواجد هذه المستندات .

ثم يتم ترخيص السياره بالمرور الجديد حيث يتم تسليم النمر القديمه و استلام النمر الجديده ( فقط فى حالة كون اختلاف المحافظات و ليس اختلاف الوحدات فى نفس المحافظه )

خطوة المطابقه لا تأخذ أكثر من نصف ساعه فى كل وحدة مرور ( عدا وحدة مرور السلام بالطبع )

ثانيا : فى حالة كون رخصة السياره منتهيه :

يتم تسليم اللوحات المعدنيه و شهادة المخالفات و العقد المسجل و الرخصة القديمة فى المرور القديم مع دفع الضريبه و استخراج وثيقة التأمين الأجباريه باسم المالك الجديد

و يتم استلام شهادة بيانات من المرور القديم ببيانات السياره و يكون مذكورا فيها ان المالك الجديد / فلان الفلانى لا يطالب بشهادة المخالفات أو أيا من المستندات التى سلمها مع ذكر انه سلم اللوحات المعدنيه .

و يتم التوجة بهذه الشهادة للمرور الجديد و عمل فحص للسياره و فى هذه الحالة سيصدر تصريح مؤقت للسياره حتى ورود ملفها الأصلى .

و كما ترون فأنه من الأفضل ان تكون الرخصه ساريه حتى نتجنب السير بالسياره بدون لوحات أو بلوحات تجاريه بعد تسليمها بالمرور القديم .

كما أن بعض وحدات المرور لا تلزم المالك الجديد بتسليم كل هذه البيانات و انما تكتفى بدفع الضريبه و اللوحات المعدنيه و شهادة المخالفات .

مع خالص التحيه

[ahrambc]

أما بخصوص السبب فى مطالبة سيارات المرسيدس و البى ام ( و احيانا البيجو ) و احيانا أنواعا أخرى .

فهى بسبب انتشار تهريب هذه الأنواع من ليبيا و انتشار تزييف رخص لها بدون ملفات او افراجات جمركيه .

و كل فتره ترسل وزارة الماليه أو وزارة الداخليه نشرة بأنواع السيارات التى يجب اجراء عملية المطابقة قبل الموافقه على ترخيصها .

و بدون واسطه قويه فتتم عملية المطابقه طالما أم ملف السياره ليس فى نفس وحدة المرور حتى لو نفس المحافظه و لكن فى وحدة مرور مختلفه .

ملحوظه :

لا يتم تغيير اللوحات المعدنيه لو كانت فى نفس المحافظه حتى لو اختلفت وحدات المرور بشرط أن تكون من اللوحات الجديده ذات الحروف و الأرقام .

[hazem_khidr]

شكرا يا استاذ اهرام علي الكلام الدقيق

يا عم حازم انا حاسس انك كل يوم بتضرب جلبيتك وعمتك وتنزل السواق وانتا ماسك الشمسيه في ايدك وعمال بتلف علي خلق الله علشان كدا اكتسبت الخبرة ديه كلها لاكن انا غلبان مليش في الطور ولا في الطحين

جلابيه ايه و بتاع ايه يا عم كروسير
انت شايفني واحد صاحب اطيان ولا حاجه
الكلام اللي بقولهولك دا لان خبرتي في العربيات و الحمد لله كبيره
لسه بدري عليك