ساعدونى فى ال 128 انا جديد

[كريم سرور]

السلام عليكم
شباب انا الحمدلله ربنا كرمنى ومن فضل الله عليا اشتريت 128 موديل 72 متبهدله من بره قلت مش مشكله اكتشفت بعد كدا ان البارومه واكلاها من تحت الدواسات ومن عند الشنطه وكدا المهم قولت الحمدلله على كل شئ وربنا يبارك للى باعهالى ب 9 الاف جنيه ودتها لسمكرى قالى هتكلفك بويه وسمكره 3000ج وهلملك كل اللى فيها وهظبطهالك تمام التمام
انا بقى محتاج اعرف اسعار الاتى
1- تكلفة السمكره والدكو بشكل تقريبى يعنى من بالضبط
2 - تكلفة السروجى شد الصالون سقف وكراسى
3 - تكلفة تغير العفشه
4 - تكلفة الاكسسوار
5 - ايه بقى اللى ممكن اعمله فى العربيه يخلي شكلها شيك وتمشى معايا سنه ولا اتنين
ملحوظه
محدش يقولى احسلك بعها وكمل وهاتلك حاجه تانيه
اولا لانى مش هينفع ابيعها من غير ماقول للى هيشترى على كل اللى فيها وطبعا السعر هيبوظ يعنى هخسرلى 2000 او 3000
ثانيا لانى ماعرفش حد فى مصر يلف معايا ويشتريلى عربيه تانيه على قد فلوسى فهى غلطه من الاول ولازم اتحملها
على فكره مكانيكى شافها قالى المكنيكا فيها تمام جدا والكهرباء كمان مافيهاش مشاكل

[كريم سرور]

ايه ياجماعه انتو مابتردوش على الاعضاء الجدد ولا ايه

[كريم سرور]

ايـــــــــــــــــــــــ ـــــــــــــــــــــــــ ــــــــــــــــــــــه

[zing0]

بص أنا هأقولك على أد علمى لحد ما حد يفيدنا أكتر
مبدئياً أدام ناويت تصرف يبقى تضبطها و تخليها معاك عالأقل سنتين تلاته تستمتع باللى صرفته الأول قبل متفكر فى البيع.
السمكرة و الدوكو 3000 يعتبر سعر عالى على عربية قديمة إلا لو هيحرق الصاج و يمسكها من الأول للآخر أى مرمة بارومة يعملها و يعملها تقويات للحوض و الركب تمام و بعدين يأسس معجون على خفيف و يرشها دوكو فى الفرن على نظافة.
السروجى معرفش أسعار, بس واحد عامل شركة صغيرة عالفيس كان بيعلن عن أسعار حاجتة, ممكن تأخد فكرة عن متوسط الأسعار
https://www.facebook.com/mhmoudshosha.gmail

فرش الكراسى من 200ج بالتركيب الى 375ج بالتركيب الدواسات من 55ج الى 85ج ماعدا الماركات 150ج يوجد فرش كراسى من 200ج بالتركيب الى 375ج ماعدا الامريكى فى الصورة 650ج بالتركيب الارضيه 300ج جلد ومصنعيه وبراويز عشان الجلد ميشققش من الحرف

مفيش حاجة إسمها تكلفة العفشة, حضرتك تروح لعفشجى أمين و محترم يكشفلك عليها و يربطها و اللى يتشحم يشحمة و يقولك أخبار العفشة إيه و إيه اللى ممكن يتغير و إيه اللى لسه شوية حسب الحالة اللى أدامه.
و الأكسسوارات حسب الذوق. ممكن حاجات بسيطة فى حدود 100 ج و ممكن تفترى و تدخل فى الافات..... حسب إنت عاوز إيه.
أعانك الله

[كريم سرور]

تمام تسلم ياهندسه وانا وصلت لسمكرى كويس هيعملها دوكو وسمكره ب2400 وهيلم كل حاجه فيها بارومه وكله وبعد كدا هدخل على العفشه والف شكر للرد والمتابعه